شرح إصدار قرار الإبتعاث واستفسارات التاسعة - ( 9 ) | محدث إصدار التذاكر من خدمات الإبتعاث

السلام عليكم ورحمة الله وبركاته

الاخت ( نور الفجر ) بعد اخر ورشة عمل الي تكلم فيها د. فوزي بخاري / الرئد الزهراني / واخر واحد الي عن رواد الأعمال

يوم طلعنا تكلمت مع احد المستشارين وبلغته ان دراستي تبدأ في شهر يبتمبر ٢٠١٤م ولازم اكون متواجد في مدينة

الي فيها الجامعة على الاقل قبلها بشهر عشان ارتب نفسي والقاء سكن الخ

قالي نصاً روح لشباب الي عند الأجهزه في شابين جالسين خلف شاشات كمبيوتر مادري ايش يسون بس كانت معهم اوراق

التعهد ويدخلون بيانات من الاوراق هذي ، وكان في ناس تنتظر على كرسي ما ادري ايش فيهم المهم اني رحت لواحد من هذولا

الشباب وسألته ( كيف نستلم الإفادة ؟ / ومتى راح ترسل ؟ / ومتى أقدم للقرار والسبب قرب دراستي ؟ )

اول سؤال سألني هو ( انت وقعت التعهد؟ ) انا قلت له اي تعهد! قالي هذا واعطاني ورقه لتعهد قلت له لا!! قالي يالله عبها وعطني ياها الحين

عبيتها كامل وسلمته له وقلت له ايش الفايده من هذا التعهد قالي هذا تعهد لازم توقع عليه وتسلمه انك تحضر الملتقى كامل ولا ما نصدر لك

قرار ابتعاث! قلت له طيب متى ترفع الإفاده او ترسل لنا؟ قالي لا راح تضاف لملفك الإلكتروني انتظر يومين وقدم على ( طباعة قرار الإبتعاث )

شكرته وقلت له جزاك الله خير ومشيت يوم طلعت برا واجهت الدكتور هذال العتيبي وسألته اني احد مرشحي الدفعة التاسعة ،بس باقي لي

حضور الملتقى والحمدلله حضرته عشان ما اخسر البعثة الخ

قالي انا من شوي في القاعة بلغتكم ان عدد من موظفي الوزارة راح يداومون في الإجازه وحتى في أيام العيد ،، والله بعد كلامه هذا ما عرفت ايش

أسأله ، كلامه واضح


وسلامتكم ،، اتمنى من الشباب والفتيات الي يدعون في الحرم ولا في قيام اليل يدعون لنا جميعاً

والله يوفقنا وإياكم لكل خير وصلاح

هل في احد طلع له قرار الابتعاث او الإفادة ؟؟!!!


( تمت المشاركة باستخدام تطبيق مبتعث )