تجمع مسافرين شهر مارس وابريل

ممكن تعلمنا وش استعدداتك
هل قصيت التذكره والا باقي
وش توقعاتك للرحله
نبي نعرف تفاصيل اكثر لاهنت
وموفق خير يارب

بصراحة مافي اي استعدادات تذكر. قطعت التذاكر ع الخطوط القطرية
وقاعدين نبحث عن خيارات السكن معانا طفلين
والخيارات صعبه بفيلادلفيا واسعار السكن عاليه حسب شروحات الشباب

ان شاء الله تتسهل الامور من خلال الشباب والنصح الجميل الي يقدمونه


( تمت المشاركة باستخدام تطبيق مبتعث )

وعليكم السلام ورحمة الله وبركاته ..

حبيبي يا ماجيك دائما سباق بالخير .. موضوع مميز كـ تميزك ..

لي عودة ان شاء الله .. الله يعطيك العافية .

شكرآ لتشجيع

انا الحمدلله عندي موافقة من الوزارة و ان شاء الله عندما اصل هناك بفتح الملف
عندي سؤال :-

متى ارفع ملفات الالتحاق يعني اذا كملت ثلاث شهور ارفعها او ادرس شهرين و تجي الموافقة في الشهر الثالث ؟

و شكرآ

والله مدري بس انت ارفع بعد شهرين
منت خسران شي

ان شاء الله تتسهل

السلام عليكم ورحمة الله وبركاته

أنا رحلتي أنا وخويي بعد بكرى إن شاء الله الساعة ٤.١٠ فجراً على الخطوط الإماراتية
من الرياض إلى دبي بعدها توقف ساعتين ونص تقريباً ثم إلى سياتل بإذن الله
طبعاً ما بعد شفنا سكن ، الله ييسر الأمور .
باقي لي اليوم وبكرى تقريباً وعندي بعض الأشغال لي شهور أبي أخلصها ههههههه ، إن شاء الله يمديني اليوم
يبدأ المعهد ١٠ مارس بإذن الله .
بالنسبة للمشاعر أحس عادي لكن فيه حاجات كذا داخل راسي تجي وتروح حلوها عاد هههههههه.
ما تعودت أغيب فترة طويلة عن مدينتي العاصمة الرياض
لذلك أحس أني سأفتقد الرياض بكل تفاصيلها حتى الدائري الشرقي الساعة ٧.٣٠ الصباح هههههههه

قفله ..
العاصمة الرياض ؛
مجرد التفكير ب فراقك يزعجني ..


( تمت المشاركة باستخدام تطبيق مبتعث )

سفري بإذن الله بكره الصباح من الرياض إلى الدوحة وننتظر ساعتين
بعدها إلى شيكاغو نجلس فيها ليلة
ثم إلى كالفورنيا مدينة سان هوزيه
مشاعري لا توصف فرح مختلط بحزن

الله يسهل الأمور وأتمنى التوفيق للجميع

انا سفري يوم الاربعاء الساعه ٦ وربع من الطايف الى اسطنبول ونجلس اربع ساعات وبعدها لمانشستر. الله يستر مايصير شي لاني سافرت قبل اسبوعين ولما وصلت مطار اسطنبول اكتشفو ان فيزتي باقيلها ٩ ايام وتتفعل واضطريت ارجع السعوديه😭. ورجعت حجزت على مانشستر من حسابي بس كل شي خيره الحمد الله.
احس الناس كلها رايحه امريكا نفسي القى معاي احد ومنتدى بريطانيا نايم ههههه. شكلي بحول امريكا😂<<< لو يسمعوني الوزاره يشوتوني رجيتهم ابغى بريطانيا ههههههه.
الله يوفق الجميع


( تمت المشاركة باستخدام تطبيق مبتعث )

انا في نيويورك من سنه، الي جاي نيويورك مستعد أساعده لوجه لله


( تمت المشاركة باستخدام تطبيق مبتعث )