اول شي الف مبروك لكم جميعا القبول فالبعثه ،، و عقبال درجات اعلى و اعلى فالدنيا و الاخرة
الغربة شي جميل بكل صراحة تعلم الواحد يعتمد ع نفسه ،، يمكن لاني متعود عليها من كنت طالب فالسعودية وانا متغرب حتى فالسعودية
لكن الجميل فغربة الابتعاث انه الواحد يطلع من حياته لحياة جديدة و ثقافه جديدة ،، اخص بالذكر (أمريكا) دولة متعدده الاعراق فيها من كل الاجناس
و الاديان و الثقافات و الاشكال و الالوان ،، يعم على الشعب طيبته و ابتسامته و ترحيبه بالغير (مو في كل مكان) لكن على الاغلب.
مبتعثي امريكا ما راح يتعبو ان شاء الله فالحياة هنا حلوة (وجهة نظري) و منظمة و الناس تخدم وتساعد و بفترة بسيطة راح تتعدو على الحياة فيها
و نصيحتي للكل يقرأ و يتثقف و يلم بالبلد اللي هو رايح لها و من ثم يقرأ عن الولاية و بعد كذا المدينة اللي راح يسكن فيها
كل ولاية لها طابعها الخاص و كل مدينة في نفس الولاية لها طابع خاص فيها ،،
امور حبيت اذكرها من خلال معيشتي هنا
اهم شي الانسان يكون ماشي في حاله ولا يتلقف و لا يحط نفسه بمشاكل ومثل ما قالو " يا غريب خليك أديب " و " أمشي كويس يحتار عدوك فيك "
الناس في امريكا محترمين و يستخدمو الفاظ جميلة و اسلوب راقي فالكلام (ما اعمم الكلام .. فيه نوادر)،، يعني راح تسمعو كلمة
صباح الخير .. شكرا .. كيفك ...الخ بشكل يومي ومستمر ،، لو كنتو في بقالة و جاه احد يعدي من جنبك لازم يقول (excuse me ) و ان بعدت له الطريق يرد بـ (Thank you)
فـ هالجملتين خصوصا راح تسمعوها بكثرة ،، دايما اشكرو الناس على كل شي يسوه لكم حتى لو كان صغير ،، و هذا الشي حثنا عليه الدين و رسولنا الكريم و " من لا يشكر الناس لا يشكر الله"
حتى ان الواحد لو فتح البابسواء في بقالة او محل او جامعة او اي مكان و انت ورااه لو بـ 10 متر ينتظرك لين تروح و يبتسم لك ،، وعليك تشكره لانه سوا لك هالشي.
اتبعو الانظمة في كل شي ،، و " اعطو الطريق حقه" ،، في اماكن مخصصه للمشاه في الشارع ، لا احد يمشي بوسط الشارع يحسب انه فالسعودية و يقول عادي ،، لان هالشي مو عادي هناك
المشي على الرصيف ،، و في اماكن خاصه تقطع فيها الشارع.. او اقطعه لما تتاكد انه فاضي بالكامل.
الناس اللي ناويه تشتري سيارة و تسوق انتبه ثم انتبه ثم انتبه من قوانين الطرق اقرأ عنها كثير و اتعلم لان مخالفتك لاي منها راح تكون نقطة سوده في سجلك
و يمكن لو اتكرر هالشي منك راح تتعقد امورك فالدخول لامريكا بعد كذا.. و يمكن لو كان العسكري شديد شوي بد ما يخالفك يعطيك موعد فالمحكمة و تدخل فأمور انت في غنى عنها!
الناس اللي معاهم اطفالهم و عيالهم ،، عودنا الاسلام بالرفق و اللين فالتعامل و الحسن للاهل قبل اي احد اخر ،، في امريكا لو تضرب ولدك شالوه عنك
فـ انتبه لا تعنف و لاتضرب و لا تصارخ.. التربية باللين و الحسنى هي منهج رسولنا الكريم.
الاماكن العامة هي ملك للجميع وما لك اي حق انك تهمل او توصخه بأي طريقة كانت ،، ترمي ورقة بالشارع ..علبه ببسي .. سيجاره ..ألخ يمكن تجيك مخالفة كبر راسك وتضاف لسجلك
و قبل كل هذا نصحنا ديننا " بإماطة الاذى عن الطريق " و ليس رمي الاذى فالطريق !
في المعهد او الجامعة او اماكن العمل و الاماكن المغلقة ،، ماله داعي الواحد يرفع صوته و يضحك ويسوولف مع اصحابه بصوت عالي ،، برضو زي ما احنا جايين نتعلم غيرنا جاي يتعلم.
"الابتسامة في وجه اخيك صدقه" و لم يقول الرسول الكريم عليه الصلاة و السلام "للمسلم" فـ اخوك قد يكون شقيقك و قد يكون فالاسلام و قد يكون فالانسانيه.
اهني فكرة الموضوع بصراحة فهي تبعد الواحد عن اجراءات البعثه و الضغوط اللي يمرو فيها اخواننا و اخواتنا المبتعثين و المبتعثات ،، و ان شاء الله
يلقى المشاركة من الناس اللي سبقتنا و يفيدونا بأشياء ما ندري عنها ،، و اكيد لي عودة مره اخرى ،،
موفقين جميعا 3>
LinkBack URL
About LinkBacks
May 13th, 2014, 02:02 PM
الســلام عليكم ورحمــة وبركــاتهكثيــر محتاجين دفعات معنويه
المواضيع في المنتدى بس عن الجامعات وقبولاتها ..
خل نطلع من جـو القبولات ونتكلــم في اشــياء تشجعنــا
ودنا نتحاور بأمور الحيـاة في الغـربـة مثل (نوعية السكن - الاطفال ومدارسهم - النقـل - الاجــواء - وغيـرها ) (بعيداً عن الجامعات والقبولات)
اللي عنده استفسار يكتــبه هنــا
وان شاءالله الاعضاء ما يقصــرون