مرشحي المرحلة التاسعة الذين لم يصدروا قرار الابتعاث حتى الآن (للاستفسارات والنقاش)

ارسل للوزارة عن طريق خدمة الاستفسارات انك جبت قبول في بداية مارس _ واسألهم هل اقدر اصدر قرار ؟

السلام عليكم

اليوم الحمدالله استلمت الجوازات مع الفيزا
بس في شي غريب .. المبتعث بس فيزته F1 والمرافقين F2 صح ؟

اللي صار اني اشوف انا فيزتي F1 وزوجتي اللي هي المرافقه بعد فيزتها F1 بس بنتي خلوها F2 !!
هل يعتبر خطأ ولا شالسالفه !؟

لأني يوم قدمت على قرار الابتعاث تم رفض الطلب وقالوا لي يجب ارفاق هوية وجواز وتأشيرة المرافق مع اني متأكد اني حاطهم !

افيدونا جزاكم الله خير هل هذا الشي عادي ولا يحتاج بعد ارجع للسفارة وحوسه

اذا ممكن اخوي كم استغرقت الفيزا ؟ و لأي دولة؟ و هل اشتغلت عليها بنفسك او عن طريل مكتب؟

انا بنت هههههه الكل يناديني اخوي
المهم . لسئ مااخدت موعد من السفاره عشان اعرف اتطول او لا
ااي عبيتها بنفسي .. نفس الخطوات اللي في موضوع سداد السيفيس و التاشيره

موفق/ة

اعطوني رأيكم

ارسلت للملحقية السعودية في كندا جميع اوراقي ( هوية _ وثيقة وكشف درجات _ جواز سفر _ ضمان مالي ) من اجل يساعدوني في احضار قبول لغة اكاديمي وهم يقدمون هالخدمة مجانا لمبتعثي كندا

المهم اخترت الجامعة واخترت تاريخ 28 فبراير لبداية الدراسة وهي اخر يوم من المهلة

وسويت تعهد اني التزم بالمعهد اللي اختاره


طبعا مر على التقديم 3 اسابيع
لكن امس ارسلوا لي ان اقرب تاريخ للتسجيل هو 2 مارس ولا يوجد تسجيل في فبراير او يناير


ما اعرف وش تنصحوني _ هل اغامر واطلب قبول في 2 مارس واقول للوزارة ان الملحقية ردت علي ان اقرب تسجيل هو 2 مارس

اخاف اسأل الوزارة اللحين ويقولون دور معهد ثاني وانتظر كمان 3 اسابيع والوقت مررره قصير اللحين


وش رأيكم ؟

انا اقول اسأل الوزاره وفي نفس الوقت بدي دور على معهد ثاني احتياط لان حرام تجيب القبول ومايوافقوا على قرار الابتعاث وتتورط .. اللي اعرفه قبول معاهد اللغه سريع ليش 3 اسابيع كثير !
في حال ماوافقت الوزاره جيب قبول عن طريق مكتب اتوقع خلال اسبوع بالكثير يجيبوه لك .. وبالتوفيق

ممكن نعرف خلال كم طلعت الفيزا ؟ لان لسا ما اخذت موعد واخاف تطول السالفه

ايش ٣ أسابيع مرة كتير حسسوني قبول جامعة


لا تقديم معهد أخذ مني كذا يوم يمكن ٤ ولا كمان مكتب قبول ومجاني

أنصحك تجيب قبول من مكاتب أو بنفسك

لي تجربة سيئة مع المكاتب وما راح تتكرر _ كندا وضعها مو مثل امريكا _ وقبولي تأخر لاني طلبت ادرس اللغة في كلية داخل الجامعة وليس معهد الجامعة بسبب أولوية في القبول والحصول على لغة اكاديمية في مجال تخصصي

الملحقية مصدر موثوق وميزة لي اني ما احتاج اتعب في فتح ملف اذا وصلت هناك لان كل اوراقي جاهزة عندهم

هم على حسب رد الجامعة ممكن 3 اسابيع وممكن اسبوع

هذي النقطة اللي حبيت اوضحها _ الف شكر على الرد

شكلي راح اسأل الوزارة واشوف _ جربت سألت طلاب في كندا عن قبولات الملحقية والكل نصحني فيها لانهم ما يحضرون للمبتعث قبول برنامج لغة عام بل اكاديمي اضافة انهم يتابعون مع المبتعث حتى يحصل على قبول تخصص

انا وضعي شوي مختلف تخصصي مو موجود بكندا وهو ماستر تسويق فسألتهم قالو تدرس ماستر ادارة عامة او ادارة اعمال وهذي فرصة لي بحكم ان تخصصي بكالوريوس ادارة وليس تسويق


هذا اللي حبيت اوضحه
اليوم بجرب ارسل استفسار

ألف شكر