مرشحي المرحلة التاسعة الذين لم يصدروا قرار الابتعاث حتى الآن (للاستفسارات والنقاش)

ألف سلامة يارب..
والله يسهلها للجميع ان شاء الله

هيا روح نام الله يصلحك .. انا ما ادري كيف قبلوك
لكن الشرهه على ولي أمرك اللي وافق لك.

يا ولدي الله يصلحك رووح نام

اولا / احسب انت ما تقدر تضمن لي انك تقدر تبتعث اولا _ ما تعرف وش ربي كاتبلك الايام القادمة

ثانيا / موضوع تزاحمنا وتضيق علينا هذا مو اسلوب واحد مبتعث _ نظام الابتعاث الكتروني وانت تتحدث عن وزارة فيها موظفين بالمئات وبرنامج ابتعاث يصرف ميزانية مستقلة عن الوزارة وموظفين متفرغين للمبتعثين وانت بكل بساطة تقول عطلتونا وزاحمتونا


* الموضوع مو اهمال لكن جرب تجتهد وتجلس فترة تسوي اجراءات التأشيرة لك واحصل على قبول لغة ولما تصدر قرار يتم الرفض دون سابق انذار بسبب التكدس او غير موصى فيه ولعلمك قائمة المعاهد والجامعات في مواقع الملحقيات لا تطابق قائمة الوزارة والضحية هو المبتعث وراح تجرب هذه الاشكالية لما تصدر القرار



* راح تجرب الخدمات الالكترونية وتعرف ( سرعة ) تجاوب الموظفين بالرد على طلباتك ( لا زلت بالبداية )


+ بالنسبة الاهمال اللي تتكلم عليه ترا المعاهد بالخارج مو متفرغين لحضرتك تسافر باي وقت تبدأ فيه دراستك كل معهد له تاريخ محدد والاغلب في بداية السنة الميلادية ولكل دولة نظام خاص بها ويختلف من أكاديمك وجنرال لكن الوزارة فرضت على دفعة 9 التسجيل في التجاري بدل الاكاديمي حتى يلتحق في الشهور الميلادية الاخيرة



الاخوات هنا انت مو ادرى بظروفهم خصوص ( بالمحرم ) وانا متأكد بعضهم جاهزين من زمان لكن ظرف المحرم ومعاناة خطاب الاجازة الاستثنائية وفيزا المرافق اخرتهم عن السفر وانت تقول متسدحين ونيام الله يهديك


_ لا تخاف الوزارة ما راح تعطل سعادتك على السفر وترا في كم زميل لي من دفعتكم سافروا وحصلوا على قبولات قبل ما تجي الضمانات المالية لكم عن طريق دفع الابلكيشن الخاص بالتسجيل وخلصوا امور التأشيرة يمكن انت احد ضاحك عليك وقلك ماتقدر تسافر الا لما يخلصون دفعة 9 وصدقته وحطيت رجل على رجل ولا تنسى ان مدير الابتعاث الدكتور ناصر الفوزان قال دفعتكم لها نظام جديد ومستقل عن الدفعات السابقة وتقدر تطلع على بيانات الوزارة اذت حاب تتأكد



عموما الله يكون بعونك في مرحلة مستقلة لك 👌

وش هالالفاظ ...واضح بزر مايستاهل أحد يرد عليه اصلاً

كلام منطق احساس ناجح👍

بالله ما احد يرد عليه

معصب عشان خايف ماتسافر الا لما احنا نسافر ههههههههههههه ؟؟ من قال لك ان ماراح تسافر إلا لما احنا نسافر مدري من وين جايه هالكلام بس جد ضحكت


لاتخاف جهز اوراقك وسافر ماحد بيمسكك

!!!! ترى فيه ناس من التاسعة سافروا قبل ماتغلق المرحلة السابعة حتى مو الثامنة

ورزقك الله كاتبة لك ربي بتاخذ ماحد يقدر يعطيك ولا احد يقدر يمنعك

وترى اللي عطاك البعثة قادر انه يحرمك منها

لاحول ولاقوة الا بالله ..
ان شاء الله باذن الله ربي يسهل لكم ..
انا اتوقع نفس الكلام ان مادام عندك رقم طلب ان شاء الله يصدرون القرار ..
اهم شي لا تتنازلون وروحوا الوزارة ارسلوا احد ..
ولا تسمعون للكلام الاستفزازي اللي يضيع وقتك بالرد عليه ..
واهم شي الدعاء قولوا :

اللهم ان كانت البعثة خيرا لنا فسهلها وان كانت شرا لنا فباعدها عنا واصرفها من قلوبنا ...

السلام عليكم

الحمدلله تم اصدار قرار الابتعاث، الله يخليكم ممكن اعرف ايش الخطوة القادمة؟ وهل لازم نروح للوزارة او لا؟ لان بالقرار كاتبين لايبدا الصرف على الطالبة حتى يحضر المحرم ويستكمل باقي الاوراق الخاصة فيه؟انتم مثلي؟ والسؤال الاهم، هل لازم نروح لهم ؟

الله يوفق من يرد خصوصا ويوفقنا جميعا