إلى مبتعثين المرحلة التاسعة .. مُهم جدآ لكل من يرغب في تغيير تخصصه !!

انا نفسكم تخصصي احياء دقيقه ورافضين قبولاتي بالميكروبيولوجي لانه قرار الابتعاث بيولوجي اقولهم ياعالم انا تخرجت مايكروبيولوجي كيف ماهو تخصصي يقولو مو نفس الاسم حسبي الله ونعم الوكيل وقالتلي هي بصريح العباره جيبيلك واسطه تخيلو والله انا يوم قالتها الدنيا كلها تقفلت بوجهي من وين لي واسطه بس لان المسمى مو نفسه حرام عليهم وربي شي يقهر

السلام عليكم ورحمة الله وبركاته

أختي ،،
سافـــري إلى الملحقية، كثير طلاب غيروا تخصصاتهم !!
لي زميل، من المرحلة العاشرة أُبتعث على لغة إنجليزية وتم تغيير تخصصه لأحد التخصصات التعليمية.

أنصحك بالسفر إلى الملحقية ..
بالتوفيق ،،

انا بالسعوديه . والملحقيه تقول روحي للوزاره وزين اصلا ان رضيو يغيروه يبغالك واسطه واناا بصراحه ماخلي الموضوع يعدي من عندي ان ماهو نفس المسمى . لكني انتظر فقط قبول رسمي مو ايميل لا انتظر القبول الرسمي يوصلني وبروح والله يكتب اللي فيه الخير . عندي قبول مشروط بدراسه ماده اكاديميه واحده وايلتس 7.5 والله انها صعبه ولكن بحاول اختبر ايلتس ولا ادري كيف بجيبها القبولات بكندا صعبه كفايه لجل يجون ويصعبوها اكتر الله المستعان . مشكوور بجرب كل شي والله كريم

السلام عليكم
انا امر بنفس مشكلتكم
انا مبتعثه من المرحله التاسعه وتخصصي هو طب مختبرات. وعند الابتعاث اخترت علوم طبيه كامتداد لتخصصي.
بمعنى الان هل واجب عليّ دراسة تخصص العلوم الطبية ؟

انا اود دراسة تخصص دقيق يندرج تحت تخصص طب المختبرات او العلوم الطبيه ولكن سمعت انه حسب قوانين الابتعاث الجديده يجب عليّ دراسة التخصص المبتعثه عليه من دون تغير اي حرف فيه بمعنى علوم طبيه . وايضاً لانستطع تغير التخصص. اذاً ما الحل ؟
سؤالي هل هذا النظام صحيح؟ لايقبل حتى امتداد التخصص ؟ لقد قرات الردود في هذا الموضوع ولكن لم اتوصل شي .
نظام غريب جداً كل يوم نسمع قوانين جديده مالها لها اي فايده فقط تعجيز للطلاب حتى لا ندرس.
المشكله ان مرحلة اللغه انتهت وتم طلب تأجيل وليس لدي وقت كافي حتى افهم ما الذي يجب علي فعله اغلب الجامعات سوف تقفل باب التقديم في خلال شهرين. ارجو منكم افادتي بالتصرف الصحيح . هل ستوافق الملحقيه على امتداد تخصصي ؟ ام هل اجرب حظي واطلب تغير تخصص ؟ ام انتظر حتى يتم قبولي ومن ثم اطلب تغير تخصصي؟

حسبي الله ونعم الوكيل تركنا وظايفنا وبيوتنا وتغربنا وفي النهايه لاشيء .

السلام عليكم ,

اخت ريناد انا امس كنت في الملحقيه في اوتاوا والملحق ماكان موجود ,, نائبه اللي قابلني وبصراحه قلي من البدايه لو تكلمنا لسبع ساعات ماراح نطلع بأي نتيجه كلو من الوزاره ووراني اتوقع موضوعك كمثال
وانك رحتي الوزاره تتفاهمي معاهم وقالي من 200 طالب اللي توافق عليه 4 , اتمنى توافيني بالجديد لو رحتي الوزاره وهما ايش يبغو بالزبط لأني لحد الان مو مستوعب ايش رغبتهم ؟

انا مشكلتي نفس الشي ولا اسميها مشكله بقدر ما اسميها جهل من اللي حاط الشرط اللي ماله اي معنى اذا بتدرس في امتداد تخصصك يسموه تغيير !!
انا بكالوريوس هندسة حاسب وفي القرار علوم حاسب كيف ما ادري , ودحين بالقوه جبت قبول في تخصص امن نظم المعلومات في كنكورديا بعد ما نقلت من تورونتو لمونتريال عشان اخد كورسين اكاديمي ولازم اقل شي B وبعد تحقيق الشرط نتفاجئ بالرفض .. كل ماتكلم اي موظف يقول بند رقم 4 عساس انه حجه ضدنا واللي يحطم اني اتوقع اغلب موظفي الوزاره مو فاهمين ايش يعني ماستر وامتداد تخصص لكن الشكوى لله هوا واسطتنا والبشر انما اسباب وتسخير!!

انا من وجهة نظري كل شخص عنده طموح وهدف .عشان كدا لا تدرس وتضيع وقتك وتجبر نفسك في ماستر وتخصص مو رغبتك من الاساس بس عشان ترضي الوزاره .
"من المؤسف مستقبلك يضيع بسبب مسمى التخصص فقط "
الله ييسر امورك وامورنا جميعا : )

السلام عليكم اخوي ابو عبدالعزيز ,

انا تخصصي في البكالوريوس هندسة حاسب وطلعت على قرار الابتعاث علوم حاسب ودا كان طلب الوزاره لكن الان جبت قبول شبه مشروط يعني اخد كورسين في الانجلش خلال فترة البرنامج يعني خلال دراسة الماستر في امن نظم المعلومات وتم الرفض من الوزاره مع انه في امتداد التخصص بسبب شرطهم وضافو عليه سبب الايلتس مع انه اشوفو هما بيدورو اي شي يحطوه عذر ضدك للاسف !

سؤالي ياغالي بعد ماشفت ردك عالاجراءات اللي تتعمل بس بالبدايه كيف اعمل اعادة نظر وكم استغرقت حتى يجيك الرد ؟

سامحني عالازعاج بالاسئله واتمنى تفيدنا ولك جزيل الشكر

اهلا . زي ماقلت انا انتظر القبول الرسمي يوصلني وبروح لهم والله الموضوع حاولت فيه مع الملحقيه والست اللي تسمي نفسها دكتوره مها وهي ماتدري عن ربي وين حاطها والله اقولها انا مايكروبيولوجي وانا كتخصص عام احياء وتخصصت دقيقه من بعده كيف تبيني ادرس ماستر واحضر رساله باشياء انا مادرستها ووين بكندا اللي يدرسو مايكرو تحت مسمى الاحياء جامعه وحده بس بالله هدا منطق يعني المايكروبيولوجي تخصصي ويعتبر امتداد للاحياء وادا اصلا تبو تحسبوه كيدا لكن تعرف وش ردها انا مالي شغل ولكن معاملتك ماهعديها يابنت الناس كيف اكون غيرت تخصصي وهو مكتوب بوثيقتي اني مايكرو يعني دامكم بتكونو مشددين ليش ماكنتو مقسمين المواد بالنظام حقكم الغلط من نظامكم عجيب امركم قالتلي انا قلتلك جيبي واسطه وبعدها تعالي تكلمي ومن سابع المستحيلات اغير لك ولكني ماهضيع وقتي ادرس بتخصص مو تخصصي وانا بروح للعيسى واتفاهم معاه على هالتخلف لان انا ممنوع ادرس تخصص مختلف مو امتداد تخصصي وبمعنى اصح تخصصي نفسه وش هالهباله لكن مشي حالكم ولا فيه امل اني ايأس لاني عن جد كرفت نفسي كرف مو طبيعي وقبولي مشروط بماده وحده بدالهاوسي المسمى مايكروبيولوجي لكن ماهقدر اسافر وانا مو ضامناهم والله حسيبهم

الله المستعان اللي يقهر انه محد حاس فينا ويعاملوكي بكل برود, ادا 2016 والعقليه كدا ففعلا يابلادي واصلي هههههههه والله مدري اضحك ولا ابكي على ماجرالي ياهلي ههههههه انا اقول للمشرفه تخصص computer engineering والماستر information systems security وبكل برائه تقلي ليش مافي كلمة كمبيوتر في تخصصك ههههههه هيا كيف ارد عالعقليه ذي , جايبين موظفين عرب وعلى قولتك مايدرو فين ربي حاطهم , طيب مين العيسى دا ؟ وانتي هنا لسا في كندا ماراح تروحي للوزاره ؟
طيب ياجماعه وش الحل ؟ علينا العوض في دا السيمستر خلص التسجيل ! , يعني معقوله كلنا الطلاب نروح نصف طابور عند الوزاره عشان دا الموضوع وممكن نطلع بحل وممكن لا ....

يعني مو بس أنا أواجه دي المشكله 😢😢والله حرام عليهم يجبرونا ندرس شي مادرسناه في البكالوريوس باقيلي شهرين في اللغه وإن شاء الله اقدر أجيب قبول التخصص اللي يبغوه بس والله مو حابه أدرس شي ما ابغاه وكمان صعبه ارجع السعوديه اخييب أمل أهلي تغرربنا وسيبنا اهالينا وتعبت أطفالي معايا في الغربه واخرتها ولا ششي ما أقول غير حسبي الله ونعم الوكيل.

كلنا نواجه المشكله دي منجد ما ادري كيف يفكرو وايش الهدف من النظام المتلخف اللي مطبقينه يعني يبغونا ندرس تخصص مو تخصصنا؟ وحتى امتداد ماينفع طيب انتو مو هدفكم ننفع الوطن ؟ كذا انتو ما بتأهلونا عشان ننفع وطنّا يعني انا لو درست تخصص دقيق يندرج تحت تخصصي كذا حنفع وطني لان اغلب الوظايف تشترط امتداد تخصص الماستر للبكالوريوس ، مو اهم شي ادرس اللي يبغوه وخلاص.
مايفكرو في اي امر من هاذي الامور. يعني انا حتى التخصص اللي مبتعثه عليه مسماه مختلف في امريكا. مو معقول المفروض يطالعو في المضمون بس مو بس الاسم لا وكمان اللي قاهرني حرف مايتغير ما اقول غير حسبي الله ونعم الوكيل واتمنى نتحد ونشوف حل للمهزله دي لاتبتعثونا وتغربونا اذا انتو تبغو تطبقو قوانين مالها اي معنى وفي النهايه نرجع من غير اي فايده.
يعني انا الحمدلله درجتي اللغه عاليه ومعدلي ممتاز واقدر اقدم في افضل الجامعات في تخصص مرغوب في السعوديه وتحتاجه اغلب الوظائف بس بسبب القرار ماحقدر اكمل حلمي واحقق طموحي.
حسبي الله ونعم الوكيل..