مساعدة رفض تغيرر التخصص!!

حسبي الله على كل ظالم

طيب والحين شنهو الحل ؟
حاولي ترفعين لهم القبول مره ثانيه عن طريق البوابه مع خطاب فيه اسباب تخليك تدرسين هالتخصص
وانه افضل من التخصص القديم

وخبرينا باللي يصير معاك..

اكتب لكم التفاصيل غدا لان تعبانه من المشوار وبكره دوام..

اوكي حبيبتي .. اذا فضيتي كتبي لنا عشان نستفيد وانشالله نقدر نفيد

الله ييسر أمورك ويوفقك يارب وييسر امورنا أجمعين

من تجربتي في تغيير التخصص
انه الوزارة كل العاده دائما ما تقف عقبه في طريق المبتعث لاكمال طريقة نحو تحقيق الهدف من البعثه في الحصول على الدرجه العلميه

تم رفض تغيير التخصص بعد ما حصلت على قبول نهائيه من قبل الوزارة 3 مرات
والاسباب بصرحه مضحكه ومبكيه
ما في شي منطقي في رفضهم فقط تناقض غريب وايجاد اي شى لانهاء البعثه

البعثه عندهم اجازه مدفوعه التكاليف

انا طالبه من المرحله التاسعه متخرجة تربوي - تربية خاصة.
الوزاره اعطتني تخصص علوم صحيه - اضطرابات تواصل.. حاولت اني اجيب قبول عليه بس ماقدرت لان اول شيء لازم اختبار جي ار اي! طيب المشكله موب على الاختبار المشكله مضمون الاختبار فيه رياضيات مو اي رياضيات يعني موب 1+1 فما راح احل!! المشكله الثانية لان انا متخرجة ادبي فلازم مواد تكميليه فوق السنه ونص طيب ايش يضمني اني راح امشي ولا اعيد ماده!! وتطول علي سنوات واتعثر في الدراسه. المهم انا جبت قبول من امتداد تخصصي.. ورفعت طلب من البوابه وكالعادة البداية رفضوا لي.
تواصلت مع المشرف قالي تكدس!! قلت له طيب انا دخلت وشيكت وماطلع لي انو تكدس؟ قالي ارفعي الطلب مره 2 رفعته وجلس اسبوعين من واحد لواحد ويرجع لي في كم شي ناقص والخ.. المهم وصل الطلب عند مساعد الملحق الثقافي. وجا منه الرفض السبب لان انتو دفعة تاسعة ممنوع تغير التخصص مهما كانت المبررات.
قلت اوك انا راح اروح للملحقيه واقابل د: عبد الغني الحربي. رحت هناك وقابلته.. صراحه هو خلوق وطيب وهالشي الكل يعرف عنه.. قالي والله اتاسف ماقدر كنا قبل نقدر نغير التخصص بس الان الوزاره سحبت منه هالصلاحيه.. نقدر فقط نغير لكم جامعه.. بس المرحلة العاشرة لا جامعه ولاتخصص. حاولت معاه بس واضح مابيده شي.. بس هذا الي صار

ولا ادري ايش اسوي الان.. باقي لي فقط شهرين من تمديد اللغه.

في حال رغبة المبتعث تغيير تخصصه لدراسة تخصص آخر أو لوجود ظروف تمنعه من دراسة التخصص المبتعث من أجله ، فيمكنه التقدم بطلب ‏لتغيير التخصص حيث يتم دراسة طلبه لدى الملحقية ثم إرساله لجهة الابتعاث للنظر في الموافقة ، وبالنسبة لمبتعثي وزارة التعليم - التعليم العالي ‏فيمكن أن يتم تغيير التخصص لهم بقرار داخلي في حال توافر بعض الشروط كأن يكون التغيير ضمن مجال التخصص العام المبتعث عليه الطالب وأن ‏يكون لتخصص فرعي أفضل مستوى وعدم ترتب زيادة على التغيير في مدة البعثة الأصلية. يجب على الطالب الالتزام بتخصصه المبتعث من أجله ‏حتى صدور الموافقة وتبليغه بذلك عن طريق الملحقية الثقافية ، وفي حال تغيير التخصص بدون الحصول على الموافقة المسبقة من الملحقية ‏الثقافية فقد يترتب على ذلك إيقاف الصرف مؤقتاً وعدم دفع الرسوم الدراسية للجامعة الجديدة ومن ثم إبلاغ جهة الابتعاث لاتخاذ الإجراء المناسب‎.‎

حطيت هذا الكلام والرابط في طلبي لتغير التخصص وحطيت مبررات إني مالقيت قبول في البرنامج الي أنا مبتعث عشانه وأضفت بعد أن القبول الي وصلني في مرحلة الماجستير هو إمتداد لتخصصي. مو بس كذا بينت لهم إن التخصص الي جاني قبول فيه أفضل من التخصص الي مكتوب بقرار الإبتعاث. بس طلاب المرحلة التاسعة مالهم حقوق، وتم رفض تغيير تخصصي ٣ مرات بحجة الشرط أو البند رقم ٤ أو ٣ بعدم تغيير التخصص لطلاب المرحلة التاسعة.

السلام عليكم..

انا رفعت طلب تغيير تخصص وجامعة من 3 اسابيع والطلب كان يتنقل من موظف لموظف في الملحقيه و قبل يومين راح للوزارة.. ابغى اعرف مين المسؤول عن رفض التخصص الملحقية او الوزاره؟