حوار السماح بتغير التخصص للمرحلة التاسعة

طلب تغيير تخصص والتخصص المطلوب هو إمتداد لتخصصي في مرحلة البكالوريوس.

حلو ان شاء الله انهم يمشونك ولا يعقدونك

عفوا ليش لو الطلب تغيير جامعة ينرفض؟ انا عندي امتداد, المشكلة في قرار الابتعاث بس

بس عشان تقدم طلب تغيير تخصص لانهم اول كانو مقفلينه وكان يمشون بعض الطلاب عن طريق طلب تغيير جامعه والحين فتحوا للجميع التغيير . مو معناته اذا رفضو طلبك ان مافيه امل تغيري التخصص بس عشان تقدم بطلب تغيير تخصص وتكون المعامله ماشيه بالطريق الصحيح.

للأسف تم رفض طلبي تغيير التخصص

والسبب (وذلك لأنه غير مسموح للطالب في المرحلة التاسعة للابتعاث بتغيير تخصصه حسب الفقرة رقم 4 في قرار الابتعاث، ولأن التخصص المطلوب ليس من تخصصات برنامج الابتعاث، ولما سيترتب على الموافقة زيادة في مدة البعثة، ولعدم قبول مبررات تغيير التخصص.)

تخصصي إدارة أعمل تسويق وقبولي ماجستير دارة أعمال تسويق (نفس الإمتداد وإستشرت الأساتذة بجامعة الملك سعود)
مع العلم ماراح تزيد مدة البعثة والمبررات أنا كتبت كل شيء يعني ما أعرف وش يبون أكثر.
وش أضيف؟

-----

صاحبي اليوم تلقى الرفض بعد ونفس الأسباب بالضبط.

هو يبي يغير من إعلام رقمي لعلاقات عامة على إمتداد تخصصه في البكالوريوس
والرفض ... نسخ لصق.

-----

زرت الوزارة اليوم وللأسف قالوا لي ايضا مافي تغيير تخصص والمشكلة أسلوب المدير جدا بشع
المهم قال: "مافي أحد من المرحلة التاسعة قام بتغيير تخصصه، أبدا" وأضاف "، إذا فيه أحد زودني بأسمه وراح أساويك فيه."

غير كذا سألت عن حل، ورد "قدم طلب تغيير دولة، رح أمريكا"

يعني بالله هذا حل؟

أسلوب جدا سيء .. أنا والله تعبت نفسيا من الوزارة. الله يعين بس.

قدم مره ثانيه بطلب تغيير تخصص لا تيأس انا رفضوني اربع مرات وقالو لي نفس الكلام هذا.
لكن المره الاخيره ارفقت مع الطلب جميع الجامعات الي رقضتني في امريكا وبريطانيا وفرنسا وهولندا وايرلندا.
قدم على جميع الجامعات عشان تحجهم بالرفض

يالله , انا بالصراحه ماني فاهم ليش هالتصعيب العجيييب علينا يا طلاب التاسعه, شيء ابدا ماهو منطقي لما يقارن حالنا بالطلاب المنضمين على البعثه او المراحل السابقه.

مين المسؤول اللي قابلته؟ انا راح اروح يوم الاثنين احاول اقابل احد.

اشوف ان اغلب اللي في الموضوع طلاب ماستر, طيب ماعندكم خبر على طلاب مرحلة الباكوريوس كيف وضعهم, هل بنفس المستوى من التشديد؟

أنا وصلني رفض أمس بسبب المرحلة ٩

طيب عندي سؤالين، ابي مساعدتكم لو سمحتوا!

الحين لو بدرس على حسابي هل بالمستقبل راح يعادلون شهادتي ولا بيحرموني؟ حاولت أسال مشرفي بس ما يعرف!

ثانيا إذا برفع طلب تغيير تخصص بالمستقبل، أنا أرفقت مبررات من ٥ صفحات! بس أحس ما يفتحون الملف. هل مستقبلا أفضل أكتب المبررات في خانة المبررات بالطلب بس؟

شكرا لكم

انت وش تخصص الإبتعاث؟

أنا زرت الوزارة ومافي فايدة مضيعة وقت وممكن تنصدم!

أنا رحت للوزارة بخصوص تغيير التخصص بس المدير قالي: إنت إعلام رقمي؟ وش هذا؟ هذا البرنامج غير مدعوم!!!!!!!!!!!!!!

قلت له: أنا مبتعث على تخصص إعلام رقمي!

قالي: لا مستحيل

وأخذ رقم الهوية وقام يقول: ايه ايه فعلا، بس تغيير تخصص انسى

الي زرته كان مدير البرنامج العام أتوقع الحربي! الي إستغربت منه أكثر، في طلاب هناك يترجون الموظفين عشان يساعدونهم. والله منظر محزن.

الله يعين الجميع//

هناك شروط لمعادلة الشهادة موجودة في موقع الوزارة، منها أن يكون التخصص موصى به في جامعة موصى بها.

المعادلة مهمة فقط للعمل في الأجهزة الحكومية بالنسبة لتخصصات الهندسة والتخصصات الإدارية أما بالنسبة للعمل في القطاع الخاص فأنت تحتاج فقط ختم مصادقة على وثيقة التخرج من قبل الملحقية الثقافية حتى تثبت أن شهادتك صحيحة وليست مزورة.

التخصصات الطبية تحتاج لمعادلة لأنك تحتاج لتصنيف التخصص.

عادة المبررات تكتب في خانة المبررات بالطلب و ٥ صفحات كثيرة جدًاجدًا، تحتاج إبراز المبررات الأساسية بشكل مباشر، و بالتالي موضوع تغيير التخصص في المرحلة التاسعة هو (حظ).

أعرف طلاب بكلريوس في كندا تم تغيير تخصصاتهم من الملحقية إلى هندسة في يوم واحد، و من نفس المدينة ونفس التخصصات طلبوا تغيير بعدها ب شهرين وتم رفض التغيير.