تقرير الجواز الأمريكي - كل ما يتعلق به -

السلام عليكم
ارجوكم ساعدوني ما لقيت جواب لاسئلتي وان شالله القي احد يجاوبني.
انا معاي الجواز الامريكي وجاتني بعثة للدراسة لامريكا السؤال هل احتاج اني اقدم ع فيزة طالب؟
واش نوع الفيزا اللازمه لزوجي واطفالي لتعبئته
رجا ابغي اجابة الله يجزاكم خير

لا ماتقدرين تستخرجين فيزا لك .. لانك مواطنه امريكية ..

واطفالك يتبعونك .. اما زوجك فيصدر فيزا خاصه به ..
تقدرين تطلعين لاطفالك الجنسية الامريكية كونك انتي امريكية .. فيحق لهم إكتساب الجنسية من خلالك ..
وبالتالي تاخذينهم معك ..

اما زوجك فيستخرج فيزا K3 واذا رحتوا لامريكا .. يستخرج القرين كارد من هناك (يقدم عليها) ..
واذا ماكان يبي قرين كارد .. يقدر يستخرج فيزا سياحية B1 ..

راجعي السفارة الامريكية .. وشوفي المتطلبات منهم وهم يساعدونك في هالامر ..

اشكرك ع تجاوبك السريع بس الحين يوم استخرجت الجواز من السفاره قالي الموظف ان مااقدر اطلع لهم جواز وقال لازم f2
ماادري انا اعبي نمودج لوزجي واطفالي 160-D واحجز موعد
وهل احتاج دفع سيفيس لهم
وعند حجزي موعد هل احجزه باسمي

F1 وليس F2 .. الـ F2 خاصه بالمرافقين اللي مع الـ F1 ...

بصراحه وضعك مختلف ولا اعرف هل الاطفال بيسمحون لهم انهم بيجون مع زوجك او لا !
لان الاطفال لابد يكونون مع الام ..

انا اعرف انك تقدرين تطلعين لهم جواز قانونياً لانهم اطفالك وانتي معك الجنسية الامريكية فيحق لهم اكتساب الجنسية عن طريق الأم ..
بس لها اجراءات خاصه ..

اسألي السفارة عن اطفالك كيف راح تكون اجراءاتهم .. كونك معك الجنسية الامريكية ..

زوجك امره بسيط يقدر يطلع فيزا F1 ويكمل دراسته بشكل طبيعي بدون مشاكل ..

لكن انتي عندك الابناء .. هم اللي يحتاجون يكونون مرافقين معك .. وهم اللي لابد تكلمين السفاره عنهم وتشوفين كيف راح يكون وضعهم ..

ممكن فيه انظمة تغيرت مع النظام الجديد .. فأنتي تأكدي من الامور معهم ..

قولي لهم انا مواطنه أمريكية , واطفالي مولودين بالسعودية ولا معهم جنسية امريكية , وانك تبين ترجعين امريكا .. فأيش الاجراءات اللي اقدر اسويها لاطفالي علشان اقدر اخذهم معي لامريكا ؟

جزاك الله كل خير

اعملي اللي قلت لك عليه , وعلمينا باللي يصير معك .. وان شاء الله الامور تتيسر بإذن الله ..

اختي hanu انا ايضا امريكي لا يحق لاطفالك استخراج جواز فعلا لأنك لم تعيشي على الاقل ٥ سنوات في امريكا .. لكن يحق لزوجك واطفالك (جرين كارد )

طيب اخوي ايش الاجراءات والاوراق والنمادج الي انطلبت منك ولعائلتك من السفاره

الافضل انك تعبي الاوراق للهجرة )القرين كارد( من داخل امريكا اسرع وافضل

( تمت المشاركة باستخدام تطبيق مبتعث )

السلام عليكم

واحد من اخوياي مولود في امريكا وشهادة ميلاده الامريكية مافيها اسم القبيلة لان جواز ابوه ماكان فيه اسم القبيلة وقتها

وايضا الاسم الثالث الموجود في شهادة الميلاد غير موجود في الجواز

(فقط الاسم الاول والثاني)
والان يبي يطلع الجواز الامريكي عشان يروح امريكا لكن لازم اسم شهادة الميلاد الامريكية والاسم بالجواز السعودي يتطابقون


هل يقدر يحذف اسم القبيلة من الجواز السعودي؟ ولا لازم يحذفه من البطاقة الشخصية ثم يجدد الجواز

وش الاجراء ؟


وشكرا لكم