محطة تجمع منتظرين الفيزا الأمريكية

الف مبروك بنت خالد بالتوفيق ان شاء الله
وادعو ربي سبحانه انه يسهلها لنا مثل ما سهلها لكم

الله يبارك فيك اخوي ياسر .. و عقبال ما اسمع اخبار حلوه منكم بوصول فيزكم = )


الله يبارك فيك اخوي vip .. و انا بعد اتمنى لك التوفيق
و ان شششششششاء الله ربي يسهلها عليكم


موفقين لكل خير

يا الله يا كريم تسهال لنا امر الفيزا مثل ما سهلتها لهم دعواتكم يا اخوان ان الله يكتب لنا في هالبعثة الخير ويوفقنا جميع

على البركه لكل اللي طلعت لهم
انا مقابلتي كانت بالرياض في 14 فبراير ودراستي تبدا في 5 مارش وللحين ماطلعت شكلي بطلب اي توني جديد اذا ماطلعت خلال هاليومين والله يكتب اللي فيه الخير لنا ولكم يارب

ألف مبروك أختي بنت خالد , وعقبالي وبقية الشباب المتأخرة فيزتهم

أنا مقابلتي كانت يوم الثلاثاء الماضي21 فبراير ، واللي قابلتني ضيقت صدري ، قالت لي أوراقك كلها تمام لكن يبي لك شهر ! قلت لها دراستي تبدأ بـ 21 مارش صعب مره أنتظر شهر !! وخوياي نفس وضعي بالضبط واوراقي كامله مثل أوراقهم وفيزتهم نزلت في يومين ليش أنا بتتأخر فيزتي ؟!

قالت لي كل واحد يختلف عن الثاني والإجراءات برضه تختلف ، وفيزتك بتاخذ شهر ويمكن أقل

الله ييسرها ، أخاف أتأخر عن موعد الدراسه وأدخل في لخبطة طلب الآي توني الجديد

توكل على الله وان شاء الله تتسهل امورك وامورنا
تفائلو بالخير تجدوه

السلام عليكم ورحمه الله وبركاته

يا اخوان كم المده اللى لازم انتظرها وبعدها اقدر ارسل ايميل الى السفارة للاستفسار عن حاله طلب الفيزا

انا اللحين ليا انتظر 14 يوم ....

وشكرا لكم

سلاااااام عليكم

انا لسى راجعه من السفارة بالرياض ، كانت أوراقي كامله ولله الحمد ومرتبه بالدور وطبعا هذا جهدي الشخصي وماستعنت بمكاتب (- بالعربي تبي تقولكم انها سسسسسنعه

والمقابله كنت بشباك 10 ولما قالو رقمي فتشت على طول ورحت والابتسامه شاقه وجهي شق من أذني اليمين لأذني اليسار
وكان الي قابلني رجال شاب حليو يسؤلف معي يقول وش بتسوين في امريكا قلت بدرس قال coool
بعدين قال وين بتدرسين قلت كولورادو قال cool
بعدين قال أمورك تمااااام بس ادفعي الفيديكس وأسبوعين وفيزتك جاهزه






و بس

الغريب في ردودهم اخت هيفا ان بعضهم يقول لك فيزتك مقبولة او يحدد لك زمن معين مثل ما قال لك اسبوع وتكون الفيزا عندك
والبعض الاخر و منهم انا ما يرد عليك بقوله فيزتك مقبولة او يحدد لك وقت
بس يقول لك روح سدد فدكس
نسأل الله التوفيق للجميع
ياسر نشوف من فيزته بتوصل قبل انا ولا انت ولا هيفا

يمكن على حسب نفسيته هههههههه
انا الصراحة كان رايق ويسولف ويضحك بعد كل ماقلت شي قال كووووول كوووووول حسيت اني سوبر وومن


بس هي معروفه دامه قالك ادفع فدكس معناها بتجيك الفيززززا أرقد وآمن ماعليك ان شاء الله