محطة تجمع منتظرين الفيزا الأمريكية

وبعدين معاهم !!! متى تجي الفيزه و نرتاح ؟ قالوا مده معينه ليش ماتطلع على المده اللي حددوها ؟؟

< يجيب مراكي للضيوف الجدد

يالله حيهم يالله حيهم

حياكم الله في ديوانية ( متبهذلين وحالتنا للأسف والله صعيبه ،، جواز من غير ختم الفيزا وش نبي به ؟ ،، خلصونا يالسفاره أوضاعنا صارت كئيبه !! ) < وش هالديوانيه اللي عنوانها يبي له دفتر أبو 200 عشان تقدر تكتبه P:

،،،،

المُشكله ما لنا غير الانتظار ! ما لنا أي حل بديل ، يعني ما نقدر مثلا نجيب معقّب < قل قسم

أو ندق على واحد معارفه كثير ونقول تعرف احد بالسفاره < الشغل ذا يمشي بالأحوال بالجوازات بس الشقر الصفر ما يمشي معهم هالكلام

تخيل تجي لامريكي وتقول له انا جاي من طرف فلان ، يعني تقول له بالانقليزي : I am coming from Faln's side بيرد عليك الأمريكي : Go to the Hill u and your flan's side

اللي ابي اقوله إن ما لنا غير الانتظار ، لا نقدر نروح للسفاره نستعجلهم ولا الايميلات ولا الاتصالات تفيد ، تفيدنا بالاستفسار بس لكن ما راح تسرّع الإجراءات وتسرّع صدور الفيزا

ما لنا غير الصبر وضيقة الصدر

والله يعجّل بصدور كريمتي المصونه ( الفيزا ) وكريماتكم المصونات

مع أني عارف أنه اليوم خميس ولا في دوام بس قاعد كل اشوي أشيك اشوف وصل ولا لا هههههههههه

الحال من بعضه و ازيدك اي مسج يوصل ع الجوال افز وياه احتمال يكون رسالة السفارة او فيدكس
الحمدلله على كل حال و كل تأخيره فيها خيره يمكن يكون فيه مكرمه و الله كاتب ما نروح الا و الجميع مقبولين فيها مباشره (*_*)

بالتوفيق

11-2-2012
19 يوم انتظار

هههههههههه مقابلتي يوم الاربعاء الساعة 9 ونص في الرياض
ونقول يالله يا كريم طبعا المقابلة في 7 مارس وموعد الدراسة 13 جون يعني باقي على موعد الدراسة تقرريبا 100 يوم ونقول إن شاء الله تطلع بعد 3 ايام من تاريخ التقديم
هههههههههه مستعجل صحيح
بس على العموم خل وقتك ملك لك ولا تجعلة لغيرك
وانا مخليهم على كيفهم و لن استفسر إن شاء الله عن الفيزة إلا قبل الدراسة بعشرين يوم يعني معهم 80 يوم إذا ما كفتهم فبلاش من امريكا بكبرها
الله يسهل الامر و يجعل لنا في الامر خيره
على فكرة ألاوراق المطلوبه
هي كالتالي
1 - الجواز الأصلي ( صورة منه )
2- الاي توني ( هل اوقع عليه ولا ما يحتاج علمأ بأني لم اوقع عليه )
3- اخر شهادة جامعية ( صورة منها )
4- السجل الاكاديمي ( صوره منها )
5- الضمان المالي من التعليم العالي ( وكذالك من الملحقيه )
6- إيصال السيفس ( صوره منها للملحقيه بعدين )
7- إيصال سامبا ( صوره منها للملحقيه بعدين )
8- صورة من بطاقة العائلة
9- نموذج 160
10- نموذج حجز الموعد
11- بطاقة الملتقى ( لللأهمية )
12- شهادة بنكية وكشف حساب للمرافق
13 - يفضل واقول يفضل إن يكون الشخص هو الي مقدم الطلب مو مكتب طبعا صعبه بس انا قلت لمكتب تجسير الفكر لا تكتب إنك ساعدتني في شي من شان ما تتأخر الفيزة ( لأني سمعت عن طريق المكاتب تتأخر )
وسلامتكم و إذا فيه شي اضافي قبل ما اروح في 7 مارس يوم الاربعاء يا ليت تفيدوني و بشكل مفصل

لي 20 يوم انتظر

يااارب ييسرها

اليوم دخلت في اليوم 32 من الانتظار وأجلت دراستي .. يارب تعجل في صدورها ..

وش السالفه بنت الرازي ممكن توضيح وش سويتي في المقابله يعني وين الظهران الرياض الجدة ههههههههه يعني جدة
بعدين
ما االاوراق المطلوبه
انتي سافرتي ولا لا قبل كذا
يا ليت تفيدينيا

السلام عليكم ورحمة الله وبركاته

تمت المقابله بالرياض 28 فبراير 2012

قلت اصفط ورى اخواني المنتظرين وانشاء الله ماحد يتأخر ..

الله يسهل الامور ويوفق الجميع...

ويش صار معك في السفارة
ايش الاسئلة ؟