محطة تجمع منتظرين الفيزا الأمريكية

ههههههههههههه الله يخليك ويطول بعمرك ويبشرك بالخير ،، والله كلامك خلاني اتفاءل شوي ( محزن ومحبط من طلع من السفارة ) ..
الله يعين ويسهلها وتطلع بدري إن شاءالله .....

جزاك الله خير..

بالتوفيق للجميع استفدت من الموضوع

صباااااح الخييير


كبفكم جميعا

لي فترة ما دخلت المنتدى طمنوني ايش جديدكم ومين راح ومين لسا طبعا لا جديد عندي لسا مرافقي انتظااااار تقريبا لنا ١٠ شهور الان وشويا.،

اما انا فنزل اسمي بجدارة واذا ربي كتب وجات الوظيفة بستخير الله وببطل من البعثة

ابارق ياريت تطمنيني عليييييك لو شفتي كلامي *

ياجماعه كم المده الغالبة بين اتصال السفارة و اصدار الفيزة ؟؟

انا لي 5 ايام بعد القابله وجاري الانتضار

مرحبا موعد السفاره كان في 27 /3/2012 يوم الثلثاء الساعه 10.30 مساء ههههههه صباحا
ابصراحه كل اللي قالوه عن السفاره الامريكيه من تخويف وانهم يعقدونك ويستفزونك وووو
والله ماغير ابتسامات واساله عاديه
تبغى تدرس ولا سياحه قلت له دراسه
قالي اي ولايه قلت اورقن وماسأل اكثر
باكلريوس ولاماجستير رايح ادرس انجليزي وهناك ببحث عن جامعه سألني وش تخصص تبي قلت ادارة اعمال
من يدعمك انا المتكلفل وماي فاذر هلب مي
هل سبق سافرت امريكا او طلبت تأشيره لا
وين سافرت انا من كثر خوفي سافرت دولة الهند وقطر والامارات وكنت بروح ماليزيا واندنوسيا بس ماامداني على شان اغطي على سوريا وبصراحه مادقققوو
متى تخرجت طبعا اذا متخرج من فتره يسألونك وش سويت بعد التخرج اذا عملت يقولك وين( جتى والله مادقق بالاوراق حقت العمل)
عاد طلب مني صوره جيت بعطيه لقى صوره انا حاطه بنص الجواز قال خلاص قلت ليه واي اي ام هاند سم ضحك وقالي خلاص ان شاء الله كل شي تمام
قلت له متى استلم الفيزا قال ان شاء الله مافي تاخير
وبصراحه ماادري موافقه ولارفض بس سددت الفيدكس ناس تقول لسى ممكن يرفضو وناس تقول مادام راحت الفديكس خلاص وافقو
والله كرييييييييييييييييم

بالتوفيق .. وربنا يسهل للجميع


بصراحة مرافقك وأحد الأخوان هنا اسمه محاسب .... مدري.. له 8 أشهر ولا طلعت الفيزة .. ولا أقول الا الله يسهل أموركم ويفرجها من عنده ولله حكمة في ذلك إن مع العسر يسرا


غاليا بحدود 10 أيام إلى اسبوعين ولو زادت عن ذلك راح تكون من الشهر وفوق


أخوي خالد .. توك بدري وإن شاء الله بتطلع لك هاليومين،،


إن شاء الله خير .. بحدود اسبوعين تطلع إذا أمورك تمام ..

اكيييييد حكمة الله خير وان شاء الله مايروح هالانتظار عبث

تأخيرهم يخلي الواحد يشك بنفسه وربي

انا طلعت فيزتي بيومين وهو الى الآن ينتظر في جون راح نكمل السنة والله

تناقض عجيب انا وياه بنفس الشباك وبنفس اليوم عملناها و المقابلة اقل من عادية وتافهة جداااااا اصلا ما سأل شي


لكن الله كريييييم ربي يوفقنا جميع يارب

أختي Dr.Nada (لأني بصراحة مستعجب من أمر هالفيزة وطريقة اصدارها لأبعد حد وبشكل ما تتخيلينه)
إذا مافي إحراج ابي أسألك أسئلة شخصية إلى حد ما ولك الحرية بالاجابة عليها هنا أو على الخاص او الرفض
1- هل مرافقك سبق وان سافر لأمريكا ؟ بمعنى طلعت له قيزة من قبل.
2- هل لديه وظيفه؟ طالب؟ متسبب؟
3- هل سبق وأن سُجن في السعودية لأي سبب كان؟
4- هل سبق وأن سُجن أو أُوقف في دولة بالخارج؟ لأي سبب كان حتى لو قطع إشارة أو عدم حمل إثبات؟
5- ما هي نوع فيزته؟ F1 او B1
6- هل انت مبتعثة على حسابك أو منح خادم الحرمين أو معيدة؟

وربي شيء يجنن هالفيزة

الله يفرجها على الجميع

انا لي 41 يوم انتظار ان شاء الله بكره تفرج علينا وعلى جميع المنتظرين