محطة تجمع منتظرين الفيزا الأمريكية

قول لا إله إلاّ الله ! عطنا علمك ، انت مرافق و الا مبتعث اساسي ،، و هل على حسابك ؟ وايش تتوقع سبب التأخير ؟ موظف او غير موظفننتظر اجابتك بفارغ الصبر و مبروك الفيزا الله يعطيك خيرها و يكفيك شرها

ههههههههههههه .. والله صدق يخوف ورقم مميز .. على كل حال صبرت وربي فرجها عليك .. يا الله يا رب أن تيسر له الدراسة وتوفقه .. وتيسر لنا الفيزة وتعجل بها علينا .. أخوي الحبيب Waled555 مثل ما قال اخوي روحين بنبض واحد ورفيق دربي بالانتظار .. عطنا علمك وسالفتك ..

الئ جميع المتحطمين
العمر 27 وعاطل لي سنوات
وصار لي انتظ 60 يوم
اللي اصغر مني روقوووووو
بتزين الاوضاع والرزق على الله

يا أخوان يا ناس طولوا بالكم شوي ..أهم شيء أنكم مقبولين بالتأشيرة لآن فيه ناس رفضوهم الله يعينهم ، والباقي يهون حتى لو طولت التأشيرة لآسمح الله .. أهم شيء القبووول فيها ...أما أخوانا أصحاب التأشيرة السياحية أنتم بالذات طولوا بالكم لآحقين عليها بس المشكلة في الطلآب لآن وراهم دراسة الله يوفقهم إن شاءلله ....وحتى الطلآب إذا باقي على دراستهم أكثر من شهرين أقولهم هدوا أعصابكم إن شاءلله بتطلع دام باقي لكم وقت ..... ترى أنتم أفضل مني .. لأني أنا عقدوني شوي حسبي الله عليهم ....لآول مرة بحياتي أقدم عليهم تأشيرة سياحية وطلبوا مني ورقة خلو سوابق وفيه غيري بعد طلبوا منهم نفس الطلب وما أستلمت تأشيرتي الآ بعد شهووور فأقول لكم أنتم افضل مني ماشاءلله بس طولوا بالكم وصدقوني بعض المتقدمين حاولوا بالسفارة أنهم ينهون تاشيرتهم بسرعة واللي يقول عندي دراسة قريبة واللي يقول عندي رحلة بس محد نفعهم وحتى اللي في السفارة قالوا متى ما خصلت الفيزا بتكون جاهزة لكم ، يعني ما بيديهم شيء !!حتى بعض الموظفين ما يدرون متى تنتهي الفيزا بالضبط لآن بعض التأشيرات يكون أجرائات أنتهائها من أمريكا نفسها وبعضها تكون من داخل السفارة بدون العودة لآمريكا فلآ تتعبون أنفسكم متى ما خلصت بتطلع لكم أهم شيء أدعلوا لآنفسكم ولآخوانكم أنها تطلع لكم ، مالكم الآ الدعإأإأإأإإأء ،،

على فكرة وحدة قدمت قبل أسبوعين تقريباً في سفارة الرياض وقالوا لها يمكن تخلص التأشيرة بعد أسبوعين لآن عندنا ضغط وكثير ناس مقدمين ..وأنتم عارفين أجازة اخر السنة بالنسبة للمدارس بعد أسبوع تقريباً ، يعني طوووولوا بالكم شوي ..أعيد وأكرر الحمدلله وحلو إذا وافقوا على المتقدم للتأشيرة أحسن من رفضة وأما التأخير يهون بالنسبة لي مقابل الموافقة .أخوي أنا سائح شكلك متحمس وودك تروح مثلي خخ بس أنا لا تلومني قدمت على التأشيرة من أواخر 2010 وإلى الآن ما سافرت أمريكا لكن إن شاءلله قريباً جداً بكون هونيك

شفت موضوع قبل كم يوم صاحبه يسأل عن أحد يكون بنفس رحلتة وتشجعت أكتب ..هل فيه شخص بيروح بلحاله لآمريكا نكون مع بعض ؟مودتي ،،

مبرووووووك والله يوفقك يارب........... بس مو جاي هنا كأنك تقهرنا مثلاهنا محطة منتظرين الفيزا الأمريكيه ...... وانت عملتها واستلمتها في يومين ماشاء الله بس إيش عندك هنا ...^^^^^^^ لعد أشوف خشتك فاهم

^
أخت معيده ومبتعثه
أنصدمت من ردك ..هل هذا أسلوب ؟؟
بما أن الآخ الكريم طلعت تأشيرتة الحمدلله وشارك هنا .. دايركت أسأتي الظن فيه ! طيب وش المشكلة إذا شارك ؟
ما يمنع أبداً اللي طلعت تأشيرتة يجي يبلغ أخوانة هنا ويشارك بالموضوع ، ما المانع !
الله يهديك ،،

هلابك يابعدي نعم عندي سفريات لسوريا كثيرة لكن اليمن لا مالي سفريات لها
وكثير اللي سافرو لسوريا واليمن واخذو الفيزا بوقت قياسي يعني مو مقياس مالهم مقياس محدد ماتدري وين الله حاطك بينهم حسبي الله عليهم

ياخو عبادي انا مشكلتي مجهز كل شي وحاجز ومنتهي على أساس انهم من ادخل عليهم بالسفارة يبي يفز لي القنصل نفسه ويهلي ويرحب وتخلص فيزتي خلال دقايق لكن حسبي الله عليهم عطلونا وغثونا وحتى اجراءاتهم كأنك مقدم على جنان الخلد بديرتهم واللي يشوف اجراءاتهم يقول ان اللي بامريكا الحين كلهم ملائكة مايبون واحد شرير يعكر عليهم جوهم الملائكي حسبي الله عليهم

انا والله من جد متحمس وناوي اروح بس اذا طولت التأشيرة أكثر من كذا ماراح اروح الصيفية هذي ابشوف ديرة غيرها ماعندي استعداد اجلس انتظرهم
بس قلي وانا اخوك وشلون اسحب جوازي منهم لأني ماراح اجلس ابسافر

موفق اخوي

اسأل الله لنا ولكم تيسير الامور
شاركت لاول مره لأني ممكن من اكثر الناس انتظروا هذه الفيزا وحرصت على المشاركة لابين لكم انها ممكن تطول بشكل كبير ولكن كلما اشتدت فًًرجت
عندي فيزا سياحيه من زمان ورحت امريكا اكثر من 7 مرات ومقدم على فيزا J1 يعني نفس المتطلبات ل F1 لم أسافر لأي دوله من المغضوب عليها
كلمت عشرات الناس بالسفارة اعرفهم وكلمة الملحقية والسفارة وارسلوا لإدارة الهجرة وكل هذه لم تؤتي اي نتيجة الرد واحد التدقيق كامل بواشنطن اذا الله يسرها ممكن ثلاثة ايام وقد تمتد الى اكثر من هذا بكثير ( مادري الدكتورة ندى خلصت ولا لا) كنت متابع لكم يوم بيوم وحاس بكم جميعا ولكن ممكن يكون فيها خيرة الله سبحانه هو العالم بالاصلح لنا والحمد لله والله الذي لا اله الا هو لقد حصلت على أشياء وتمت لي أمور لو ان الفيزا خلصت في البداية لما حصلت عليها
اسال الله العظيم رب العرش الكريم لكم من كل هم فرجا ومن كل ضيق مخرجا