محطة تجمع منتظرين الفيزا الأمريكية

شباب كيف اعرف اذا اجراءاتي في وشنطن وله في القنصلية هينا وهل في احد جرب يراسل وزارة الخارجية الامريكية واستفاد او على الاقل ردو عليه وعطوه سبب

لاتتعب نفسك مااحدر راح يعطيك وجه

اذا الفيزا اخذت اكثر من اسبوع معناها ان ملفلك تحت الاجراء الاداري

مشكور اخوي ... استغفر الله استغفر الله استغفر الله 3 شهور انتظار بدون سبب وله تحديد مدة معينة

الله الله ويرحبون ويهلون فيك هههههههه الله يسعدككك
كلآمك ذكرني بواحد من الرياض أشوف مشاركاتة في النت واضح أنه معصب منهم بس مايلام والحمدلله أستلمها بعد تقريباً 5 أو 4 شهور
شكلك ما كان عندك أي تصور عن التأشيرة الأمريكية قبل التقديم عليهم ..
بخصوص كلآمك يا الغالي هم يخافون من الهجرة ، وسبب المقابلة لآزم تسوق نفسك وتقنعهم أنك إذا رحت أمريكا بترجع لبلدك وما راح تهاجر ..
تدري أنهم كاتبين بلقاء أن 75% من المتقدمين يحصلون على التأشيرة في أسبوع < أنا وياك شكلنا من الـ25المتأخرين
فيه ناس ماشاءلله طلعت لهم بخلآل كم يوم مثل أحد أخواني أما أنا بالشهووورر
صدقني أنا كنت مثلك جاهز للرحلة في 2010 وكنت مواعد ناس نتقابل بأمريكا وخربت خططي وراحوا هم وأنا جلست بسبب الآنتظار وإلى الآن ما سبق ورحت أمريكا وإن شاءلله بروح لها ولآحق عليها بإذن لله ، بس أنت طول بالك مثلي ولآتتعب نفسك متى ما تكون جاهزة بتستلمهااااا .
لآسترجاع الجواز أرسل إيميل لهم على RiyadhNIV@state.gov
ويرجعونه لك بخلآل كم يوم عمل مثل ما أنا سويت معهم سابقاً .. وترى هذا الآيميل لسفارة الرياض ، إذا تقديمك بالظهران أو جدة خذ إيميلهم ..
وترى مرات تجي منهم .. بأخر المقابلة يقول للمتقدم خل الجواز معك وإذا أنتهت أجرائات تأشيرتك بنرسل لك إيميل عشان ترسله لنا ونطبع لك التأشيرة
السبب عشان ما يقعد جوازك عندهم على الفاظي يمكن تحتاجة بسفرة شيء وفعلاً ترى صارت مع البعض وحلو بعد أنهم يراعون ومتفهمين ويقولون كذا بعد ...
إذا أسترجعت الجواز وبعد فترة أنتهت أجرائاتك ، بيرسلون لك إيميل يبلغونك فيه بأنتهاء أجرائاتك عشان ترسل لهم الجواز .
عموماً إذا عندك أي أستفسار ترى السفارة الأمريكية بالرياض عندهم حساب بتويتر والفيس بوك
ويجابون على أسئلة الجمهور ، أسألهم أي سؤال وبيجاوبونك إن شاءللهـ ،،

مللت الإنتظار . . . . .

135 days of waiting

وين النااااااااااااااااس

موجودين ولكن كالعادة لاجديد

- - - مشاركة محدثة - - -

طيب في احد سألهم في تويتر او الفيس بوك وخذ جواب عن فيزته

الحمد لله البارح 30 مايو استلمت جوازي علما ان مقابلتي كانت 13 مارس ودراستي كانت قبل يومين لكن الحمد لله على كل حال ...............
اسال الله ان يفرج كل مهموم ............ امين .

يعني هقوتك اننا من المغضوب عليهم؟؟
وبعدين ماخليت عنهم شي علشان اقنعهم اني ابرجع لديرتي جبت لهم خطاب من العمل وقلت لهم ان عيالي جالسين هنا ماراح يسافرون معي يعني لازم ارجع لهم ولا ابهاجر واخليهم بعد !! لا وفيه صورة ولدي معي بالجواز بعد وقلت لهم اني انا المسئول عن امي علشان يقتنعون اني لازم ارجع وش يبون اكثر من كذا؟
وانت ماقلت لي ياخوي كم اخذت وقت فيزتك ؟ وكم يوم احتجت علشان يرجعون جوازك لك؟ وهل اذا سحبت الجواز منهم تستمر اجراءات التأشيرة؟ وإذا كانت تستمر هل فيه وقت محدد لازم ارسل لهم الجواز ولا تروح علي؟ يعني لو مثلاً خلصت الفيزا وانا مسافر ولا راح ارجع إلا بعد شهر ونصف أو أكثر هل ينتظروني ارجع ولا تروح علي الفيزا؟؟ والسؤال الأخير ماتلاحظ اني اسألك وكأنك القنصل الأمريكي هههههههههههههه لالا الاسئلة هذي موجهة لك ولغيرك من اللي يعرفون الاجابات وماقصرت وانا اخوك
وبعدين وش حسابهم بالتويتر والفيسبوك وهل يقبلون الاسئلة بالعربي؟ لأني بالانجليزي اعرف اقرا وافهم بس لكن ماعرف اكتب واخذ واعطي بالانجليزي ..


اخت معيدة انتي للحين تنتظرين؟؟ انا وانا مالي ثلاث اسابيع مليت والله انك معذورة انتي والاخوان اللي ايامهم وصلت إلى ثلاث ارقام الله يعين بس
وروحين بنبض واحد الله يعينك وصلت 135 يوم وانت رايح معك عائلة اجل انا اللي رايح لحالي كم ابنتظر الله يعين بس

ادري بتقولون ياكثر كلامه والله هذا مو من طبعي بس قهروني