محطة تجمع منتظرين الفيزا الأمريكية

باك

الرجال دكتور حلو وكاتب وله كتب مشهوره الزبده

جيته بالفيس قلت له ادعي لي ياابوي ماني قادر انام اليل من الفيزا

قال لو بالرياض بساااعدك ..!!

المهم قلت الحمدلله ايه بالرياض ومن هالكلام قالي وقتك غلط مسافر مصر الان انا ..!!


عطاني اسامي 3 اشخاص بالقسم الثقافي قال دق عليهم وخذ ارقامهم وقولهم من طرف فلان 100% بيساعدونك


وسافر الرجال انتظر يصير متصل واازن عليه هههههههه

عساهم ينفعون .. لكن لا أوصيك .. أنشب لهم

هذا الي بيصير باذن الله

ما ودي أحطمك (: بس ما راح يفيد الشخص الي بالسفارة إلا إنه يخبرك عن حالة الفيزا تحت الإجراءات الإدارية

لأني من ثلاثة أشهر الجامعة كلموا لي واحد بالسفارة -ومنصب- يشوف يعجل في اصدارها ، بس ما قدر يسوي شي وزهقني
فوق إن السفارة مزهقيني جا هذا وزهقني وعلقني معاه أكثر من شهر ولا سوى شي
يا ليته ريحني من البداية وقال ترى ما بيدي شي

وأنا أتصفح موقع السفارة قاعد أدور على أي شي أتشبث فيه بحيث أحاجج فيه القنصلية ، لقيت هذا الكلام الي يسد النفس

نرجوا التنبيه بأنه لا يمكن تعجيل إجراءات إصدار التأشيرة ولا توجد فترة زمنية محددة لإصدار التأشيرة، وإن موظفي السفارة لن يمكنهم الإجابة عن الأسئلة التي تم الإجابة عليها في صفحتي أسئلة متكررة أو المعلومات العامة..

سلاااام عليكم

انا الين الحين ما اررسلت لهم صور الجواز القديم حقي. والقنصلية راسلين الرسالة من تاريخ ستة هذا الشهر لان عندي بعض الامور خارجة عن ارادتي عادي اتاخر في الرد عليههم ولا في اشكاليه. *

- - - مشاركة محدثة - - -

طبعا تاريخ ستة عربي

وعليكم السلام. .
لا لاتتأخر أبدا في الرد عليهم . . حاول تعطيهم كل شي يطلبوه بأسرع وقت . . عشان مايلاقوا عذر بتأخروا عليك زياده . .

تحياتي

جماعه بسألكم . . انتوا تقولوا إن امريكا فيها عيد مدري وشو . . إجازه لهم والسفاره مجازه . .

يعني هل المعاهد والجامعات في أمريكا مجازه أيضا . . لأنو ارسلت للمعهد اللي اخويا مسجل فيه وماردوا . . ولازم صوره من الآيتوني توصل اليوم او بكره عشان موعد السفاره الأحد . . ولا أضطر اغير الموعد . .

لاحوووووول بس منهم . . يعني وقتهم هما والعيد حقهم المخرفين هذولا .

ياليت تفيدوني بالمعلومه هذي . . وبالتوفيق للجميع يارب

كل أمريكا فالتها .. هذا عيد عندهم اسمه فورث أوف جولاي .. العاب نارية Fireworks

لاحوووول طيب وبكره? . . برضو عيد ومقفلين ولا يجيبولنا الآيتوني هذولا بالله . . .نفسي اقولهم روحوا موتوا أحسن بس صعبه لازم اروح عندهم أوول . .هههههه

خايفه لو كان بكره وبعده كمان عيد أضطر اغير موعد لأخويا . .