محطة تجمع منتظرين الفيزا الأمريكية

السلام عليكم ...

يسعدني ( بل يؤلمني اشد الالم) الانضمام لشلة المنتظرين ....

اليوم هو اليوم الرابع والعشرون ..


ولكن لدي سؤال وقد تساعدوني ..

بحكم قرب دراستي افكر ان احجز موعد واجري المقابلة مره ثانية ؟؟

هل هذا ممكن ؟؟ ام راح أورط نفسي ؟؟ هل مرت عليكم نفس الحاله ..؟؟

كل الشكر .. وان شاء الله تصحون على خبر صدور كل فيزا متاخرة ..

يارب بحق أذان الفجر ان تفرج همنا جميعا ونصحا باكر ع اخبار تسر الخاطر وكل من ينتظر طلوع الفيزة يستبشر بأخذها يارب ويدخل رمضان وأمورنا متيسرة ياااااااارب

بقولكم سآلفتي مع الفيزآ..

تصدقون انا قريت الموضوع وتحطمت كثير قبل تقديم الفيزا..

والمشكله الاكبر اني كنت حاجز موعد السفارة بالظهران يوم الاثنين وطول الوقت على بالي انه الثلاثاء.. وما استوعبت السالفة الا الاثنين بنص الليل.. والآخلآق خلآص قفلت وحسيت حلم اكمآل الدرآسه بآمريكآ تبخر..
رجعت للبيت بسرعه وشفت الظهرآن حصلت آقرب موعد بعد 20 يوم وضآق صدري بس الحمدلله حصلت موعد بالرياض على يوم الأربعاء.. توكلت على الله ورحت لهم..

دخلت السفارة 8 وطلعت منها 9..
وقآلي الموظف انهآ بتآخذ حول 5 أيآم.. قلت بقلبي علينآ هالكلآم.. غيري لهم شهور مآوصلت وانت تقول خمس ايام.. بس الله كريم..

طبعآ السفآرة الخميس والجمعه ويكند..
على السبت الليل وأنآ أحوس بأورآقي قلت خل اجرب احط رقم الترآكنق حق فيديكس.. واشوف فتح معي الموقع وطلع كلآم تفاصيل ارسال الطرد واستغربت من الموضوع مآتوقعت انهم اصدروهآ..
الأحد صحيت الصبح لقيت مسج بجوآلي يقول تعآل استلم جوآزك.. عآد أنآ وقتهآ بقلبي قلت شكلهم رفضوهآ ورجعوا الجوآز.. لآن مو معقوله تخلص بسرعه..
ولمآ استلمته حصلت الفيزآ موجوده وحمدت ربي ع النعمه وآنهآ جآتني بوقت حلو.. ودعيت للي مآوصلتهم الفيزآ آنهآ تجيهم بآسرع وقت ممكن..

بس اللي استغربته بالموضوع ليش فيه نآس يآخرونهم بالشهور ويعطلون عليهم درآستهم.. مع ان بامكانيتهم يصدرونهآ بسرعه مثل حآلتي وتكون وآصلتني خلآل 4 ايآم و 2 منهم كآنوا ويكند !!!

الله يسآعدكم وييسر لكم فيزتكم ويوفقكم بدرآستكم .. قولوا آمين..

** للمعلومية آنآ مآجيت علشآن اقهر اللي مآ اصدرت لهم.. لآ والله.. بس آنآ قلته من بآب الاستغرآب من الموقف.. واني أتمنى للجميع الحصول على مبغآهـ.. وآن حتى لو كآن فيه حآلآت يأخرونهآ السفآرة.. فيه غيرهآ تصدر بسرعه..
فتوكل على الله ياللي بتقدم.. والله يكتب لك اليسر والسهوله في الاجراءات**

آخوكـم ومحبـكـم../
سليمــآن

احلى شعور اني اصحى من النوم والاقي رساله اعتذار من السفاره وطالبي مني الحضور بأي وقت يناسبني بس بشرط اني اطبع الايميل عشان يدخلوني ولاني قلت لهم ماااابي اكمل دراااسه حولوها سياحي وفكوني من جد قفللللللت الاخلاق مررره .. عاد بروح اليوم والله يكتب اللي فيه الخير

- - - مشاركة محدثة - - -

احلى شعور اني اصحى من النوم والاقي رساله اعتذار من السفاره وطالبي مني الحضور بأي وقت يناسبني بس بشرط اني اطبع الايميل عشان يدخلوني ولاني قلت لهم ماااابي اكمل دراااسه حولوها سياحي وفكوني من جد قفللللللت الاخلاق مررره .. عاد بروح اليوم والله يكتب اللي فيه الخير

السلام عليكم ورحمة الله وبركاته


اتوقع هناك فعلان تحديث امس استلمت الفيزا بعد 21 يوم انتظار والموظف قالي شهر واحد من اخوياي معطينه ورقة وقالوا انها بتتاخر اجراءات ادارية واحد ثالث ومعه زوجته واتوقع استلم جوازين له ولزوجته


الغريبه ثلاثه من اخوياي ماخذو اقل من اسبوع الا واستلمو جوزاتهم وانا واثنين استلمنها بيوم واحد مع ان موعد مقابلتي كانت بـ 25 /6 .


وإن شاء الله يكون صحيح هالتحديث وتطلع فيزتكم و تنتهي قصة محطة تجمع منتظرين الفيزا الأمريكية نهاية سعيده بعد احداث مشوقه

بس ماالله خلقني من بكاي معصوم . . . . وادري ان المحاجرلوتفيض افضحت

والله إني على جرحي صبور وكتوم . . . لكن الدموع ان روحت روحت

لو تحن المشاكل عقب حب الخشوم . . . كان حبيت خشم المشكله واستحت . .

لوتعرف الخطايا كيف كنت محروم. . . كان سود الليالي يوم طحت اسمحت. .

لوهموم المنتظر مثل كل الهموم. . . ماتشوفون عيني بالدموع اسبحت.


اعذلتني ظروفي وأهلكتني عزوم . . . والوجيه احزنت لي والقلوب افرحت

كيف ابنسى وانا اللي من جفاف لسموم . . . ماحشمت العيون ولا الدموع افلحت . .

انا مرافقي نفس الشي بعد 20 يوم من الانتظار على انهم قالوا له بتخلص من شهر لشهرين ..وبالنسبة لي يوم واحد فقط ....اللهم لك الحمد يارب وعقبال كل المنتظرين الله يفرجها لهم ويعجل بفيزهم ...

- - - مشاركة محدثة - - -

انا مرافقي نفس الشي بعد 20 يوم من الانتظار على انهم قالوا له بتخلص من شهر لشهرين ..وبالنسبة لي يوم واحد فقط ....اللهم لك الحمد يارب وعقبال كل المنتظرين الله يفرجها لهم ويعجل بفيزهم ...

أمس أرسلت للقنصلية رسالة من نوع آخر وانتظر ردهم وسأوافيكم بالخبر.

يا رب تصيب. وتطلع الفيزا ونرتاح من همها

مبرووك والله يوفقك ان شاء الله بحياتك الدراسيه القادمه . .

بقول وجهة نظري بدون زعل ياخوي . . . صدقني الكلام هذا اللي كتبته كله مكانه مو بالمحطه هذي . . . احنا عارفين انه اكثر الناس تطلع بيومين وكثييير جو كتبوا عندنا. . . وماجبت شي جديد

اللي حيقول يامعيده انتي بدون أسلوب . . حقوله اتقبل رأيك . . بس لاتجي عند ناس متحطمين ومنتظرين بالشهوور وتقولهم فيزتي طلعت بيومين اكتب الكلام هذا بمكان ثاني.

تحياتي

أنا كتبت للقنصلية رسالة في موضوع معين غير السؤال عن الفيزا، وجاني الرد من القنصلية إن الفيزا تحت الإجراءات الإدارية !!
يعني قمة الاستخفاف

الحين جامعتي رافضين ادرس في اي دولة غير امريكا طيب على ايش من زينها وزين تعاملهم !

ما اقول إلا الله يصبرنا