محطة تجمع منتظرين الفيزا الأمريكية

مبروووووك وعقبلنا

الحمدلله ..

صحيت الصباح يوم الاربعاء ولقيت رسالة من الفيدكس ..
بعدما فقدت الأمل وقررت أغير الدولة ..

بعد إنتظار 5 شهور ..
وسوسة .. وقلق .. لكن كان التأخير خيرة ياربي لك الحمد ..
وعقبال البقية ..

الف مبرووووك يااختي tote
وعقبالنا يارب

شكلها تصريفه منهم دامها وصلتك قبل شهر الرساله وللحين ما خلصت فيزتك
الله يعين ، الحين بتطقني الوسوسه اقول لايكون السبب ايرفاين
انا مثلك طالع لإيرفاين
بالتوفيق

الف مبروك توتي وعبودي وابوالبراء وخالد وعقبالنا ياعبدالعزيز الله يوفقنا وياكم يااارب.

ألف ألف مبروك توتي وأبو البراء والله يسهل لكم أمور السفر , وبالتوفيق في الدراسة

فرحتيني ي توتي والله أحس فيزتي قريب بتطلع لأني مقدم بنفس اليوم إلي مقدمه فيه وبالظهران ..

عقبال فيز الجميع يارب

شباب تتوقعو لو أروح السفاره بالرياض يدخلوني ؟ إذا فيه أحد مجرب وراح ومادخلوه يقول لأن ناوي أروح الرياض للسفاره

كان موعدي للمقابلة السبت 13 أكتوبر الصبح في القنصلية بالظهران، ورحت أنا وزوجتي ومعنا كل الأوراق المطلوبة

لما وصل دوري ورحت للموظفة اللبنانية اللي تدقق الورق قالت لي : معك أوراق خير الله!! قلت لها هذي طلباتكم

المهم بعد ما شافت ورقة الDS160 ما أخذت إلا أربع اشياء فقط :

1- الضمان المالي
2- I-20
3- إيصال سامبا
4- الجواز

والباقي ولا حتى شافته..

لما وصل موعدنا قابلنا المسؤولة الأمريكية وسألتني أول شي كم سؤال تقليدي : ليش مسافر - أي ولاية - من بيدفع لك - أول مرة تزور أمريكا - ايش تخصصك.. ثم شافت كشف الدرجات حقي ولا قرأت منه شي لأنها حطت عينها عليه لمدة ثانية وحدة تقريبا
شوي قالت لي أنت تتكلم زين ليش بتروح الحين وبرنامجك يبدأ في شهر 8؟ قلت لها قدمت على Academic English Courses

قالت خلاص والتفتت لزوجتي وقالت لها : وش اسمك - كم ولد عندك وكم أعمارهم وهل تشتغلين ولا لا- هل زرتي إيران أو اليمن أو العراق أو افغانستان؟
قالت زوجتي نعم زرنا اليمن ، فقالت لها : عندك أقارب هناك؟ فقالت زوجتي لا

الموظفة من أول ما جينا وهي تقول good - great - ok ok ، من أول ما سمعت اسم اليمن تغير وجهها شوي وقالت لزوجتي خلاص ثم رجعتني قدامها وقالت أنت زرت اليمن؟ قلت ايه وهذا مكتوب في الDS160 ، قالت ليش؟ قلت لها سياحة.. سكتت شوي ثم قالت أنت متأكد أنك ما رحت لأفغانستان أو العراق أو إيران؟ قلت ايه ما رحتهم أبدا

سكتت وقامت تناظر بالشاشة وتقول mmm وبعد دقيقة صمت التفتت لي وقالت لي :
فيزتك وفيز عيالك مقبولة لكن زوجتك لا، تحتاج إجراءات إدارية! طبعا مدري ليش ولا قدرت أسأل بس من جد شي غريب أننا مسافرين مع بعض وفيزتي تمشي وفيزة زوجتي تحتاج إجراءات إدارية

طبعا أخذت جوازاتنا كلنا وقالت ادفعوا لفيديكس، كلنا بظرف وزوجتي بظرف لحالها..

حسب ما قريت هنا أن هذا يعني غالبا الفيزا مقبولة لكن ما أحد يدري هالإجراءات الإدارية كم تاخذ، شهر أو شهرين أو أكثر.. قريت أن بعضكم له 9 شهور ينتظر

حبيت أكتب تجربتي وأصف معكم بالطابور أنتظر الفرج من الله

والله العلوم ماتسر
حسب الردود الغالبية طولت معاهم الفيزا
الله يستر ويسهل الإمور بس

صديقي الوهيج باقي انا وانت من الظهران وفوق السبعه شهور ..بسألك انت رحت القنصليه وش قالو لك لاني ناووي اروح اشوف اتوقع وضعي غير طبيعي تجاوزنا 6 شهور ودي اروح اقولهم وضعي طبيعي وله شنو