محطة تجمع منتظرين الفيزا الأمريكية

نفس السؤال ياليت تشرح لنا بالتفصيل الممل بعد اذنك

هلا حبايبي عراب ودكتور
اولا نظامهم ماتقدر تقدم على فيزا جديده وعندك طلب معلق على نفس النوع الا اذا ردو بالرفض او اللغيت الطلب انت ..بس تقدر تقدم على نوع فيزا ثاني مع بقاء النوع الاول ,,مثلا مقدم فيزة طالب ومعلق تقدر تقدم سياحه والطلب الاول مستمر وهذا اللي سويته انا وقلت بشووف اخرتها لانه صار لي سنه انتظار ,,والله يوفقكم

الله يعطيك العافيه اخوي عبد العزيز انا دخلت شهري الرابع ولا تحديث ولا شي الحمدالله على كل حال

المشكلة جوازي معهم ودي اسحبه واسوي كنسله واقدم من جديد مالي الا هالحل مليت وربي

اخوي بو عبدالعزيز زوجي مقدم اف تو هل يقدر اف ون و الطلب اول معلق طيب كيف نقدم و الجواز عندهم الله يعطيك العافية اتمنى الرد

استفسار لو سمحتو
وش طريقه اللي اعرف اذا تمت تحديث بياناتي عند السفاره
لاني مسوي المقابله نهايه شهر 12-2012
وللحين لا حس ولا خبر

ادخل على الرابط هذا واختار NONIMMIGRANT VISA بعدين أدخل رقم نموذج السفارة اللي يبدأ بـ AA. اضغط SUBMIT ويعطيك حالة الفيزا .

https://ceac.state.gov/CEACStatTracker/Status.aspx

اليوم كملت 165 يوم الله يعيني على حالي و يصبرني و يصبركم ..

لاحول ولا قوة إلا بالله ( 6 شهور ) أول حالة أشوفه مطولة حالتك ، رح بالورقة الصفراء للسفارة واستفسر وجه لوجه أفضل وخل عنك رسايل الرد الآلي . طع الشور هاذي مب سهله وأطلب منهم مقابلة السفير أو من ينوب عنه عشان يتأكدوا من جديتك . عما ماصارت ياخي . الله يعينك ويصبرك . سنتر في السفارة يايعطونك الفيزا ولا تعرف وش انك عليه وتغير الدولة

هلا اخوي تقدر تطلب جوازك بدون ماتلقي الطلب ,,تقول احتاجه الى ان يتم انهاء اجراتكم ,,ومن ناحية يقدم مره ثانية اذا كان نوع الفيزا يختلف يقدر بس اسال السفاره منت خسران

استخير الله والخيره فيما اختاره الله