محطة تجمع منتظرين الفيزا الأمريكية

أكملت ٥٥ يوم بدون أي تحديث .. الله يسهلها .. سحبت جوازي وقاعد افكر في اني احول .. كرهت الروحه لدولتهم

وربي مليت من الانتظار
فيزة مرافقي على حالها ما تحدثت الا مره وحده في ابريل
واخر موعد لاصدار القرار في شعبان >> على حسب كلام غاده السالم
الوزاره المفروض ما تضغط علينا هذا شي مو بيدنا
نلاقيها منهم ولا من هالسفاره الخايسه
افككر جديا اغير لـ أي دوله غير امريكا
الشي الوحيد اللي كان مصبرني على امريكا ( ان الكحول لسن الـ23 وفوق وهذي ميزه للي مرافقها صغير بالسن )
ايرلندا وكندا عندهم نفس النظام ؟؟
وسفارات هالدول تحتاج مقابله شخصيه ؟؟ ويطولون بالفيزه ؟


الله يفررجها ع الجميع ياارب

YOU MAY CHECK ON YOUR VISAS STATUS USING YOUR
APPLICATION ID# THROUGH THE FOLLOWING LINK:
https://ceac.state.gov/CEACStatTracker/Status.aspx

NORMAL VISA PROCESSING TIMES ARE THREE (3) TO EIGHT (8) WEEKS. IF YOU
INTERVIEWED FOR A VISA IN DHAHRAN AND YOUR CASE HAS BEEN PENDING FOR
LESS THAN EIGHT (8) WEEKS, PLEASE CONTINUE TO WAIT. IF WE NEED ANY
ADDITIONAL INFORMATION FROM YOU, WE WILL CONTACT YOU DIRECTLY BY E-MAIL.
OTHERWISE, WHEN THE VISA IS READY, IT WILL BE SENT TO YOU BY FEDERAL
EXPRESS.

ارسلت لهم ايميل وعلى طول جاني هذا الرد ما اخذ حتى دقيقتين ، اتوقع أنه رد ألي بسبب السرعه اللي جاني فيها ، بحسب اللي فهمته انه الفيزا كأجرائات طبيعيه من 3 الى 8 اسابيع ، بس اخر شي اللي حطيته بالأحمر مافهمت يقصدون ان بنتظر اكثر من 8 اسابيع ؟ او يتوقعون اخلص قبل 8 اسابيع ؟

وفي شي قريته مدري هو يجي للكل رد منهم او هم عرفوا ماشالله كأنهم عارفين ان سوينا حجز من فتره لكل شي ، او يمكن اللي قابلتنا لأن قلنا لها ان حجزنا كل شي وهزت راسها ان اوكي

PLEASE NEVER CONFIRM U.S. TRAVEL PLANS UNTIL YOU HAVE YOUR VISA.

الله يسهل ان شالله على الكل

- - - مشاركة محدثة - - -


اخت ريم الواضح من الايميل انه الاجراءات الادارية تاخذ من 3 اسابيع الى 8 اسابيع يعني شهرين بالضبط

وبنفس الوقت يقولك بالايميل انه انتي مازلتي اقل من 8 اسابيع مضى عليك فقط اسبوع وهو غير كافي لللاجراءات انتظري اكثر وان شاء الله يردوا عليك خلال 3 اسابيع او 8اسابيع

الله يعين .. انا الان تم لي بالضبط 32 يوم من موعد المقابله 4 اسابيع بنتظر وان شاء الله الفرج قررريب


الله يوفقنا وياك والجميع ويسهلنا امورنا ..

ما اتفق معك اخ احمد من المكتوب اتوقع ان فيزتها خالصه وموافق عليها ومنتهيه لكن معلق اصدارها بسبب كلمة Pending ماهي تحت اجراءات Administrative Processing بمعنى والله العالم أن باقي وقت على دراستها وماراح يعطونها الا قبل الدراسه باسبوعين او اسبوع اتوقع والعلم عند الله مع ان ماعندي فكره متى بتدرس بس هذا اللي فهمته

اللي تحت اجراءات في كثير من البنات والشباب يردون عليهم بطريقة صريحه انها اجرائات والصيغه اللي تجيهم مختلفه عن الأخت ريم والرد يكون بعدها بفتره ، ثانيا الرد بحسب ما ذكرت انه جاها على طول ما انتظرت بمعنى اعتقد ان فعلا رد الي

قد يكون تحليلي غلط لكن هذا اللي استنتجته ، واذا في شخص يعرف اكثر مني اتمنى يعلمنا حتى نفهم في المستقبل اذا احد فينا صار معه نفس الشي

اذا ماعليك وضعك مضبوط ، ان شاء الله كلها 15 يوم وتوصلك فيزتك ، لان الاجراءات الاداريه كحـد اقصى 60 يوم ،

اذا اسمك مشبوه فيه او فيه اسم عندهم نفس اسمـك ، راح تتـاخر

وبالتوفيق يالغالي

ماشاء الله
الف مبروك حرم العنزي

الله يسهل لك وللجميع يارب

السلام عليكم ,

أود أن أتقدم بجزيل الشكر للقائمين على هذا الموقع والمشرفين كذالك,

أتمنى أن يحصل الكل على مبتغاه من فيزا أو قبول ونحوه, وأحب أن أطمئن الجميع بأن لايوجد بعد الصبر إلا كل خير وأن يلتزم الجميع بخططهم المرسومة وأن يشغلو أنفسهم
في أوقات الإنتظار لكي لايرهقو أنفسهم بالتفكير فيه.

أود كذالك بالتذكير بأهمية فرصة الإبتعاث وهي ليست متاحة للجميع وإن طال إنتظارها ولكن يبقى في الأخير أن كل واحد مننا سيقطف ثمار مجهوداته ولن يضيع صبره في الفراغ.

منذ عام 2005 لدي أمر إبتعاث وسأحاول تجديده ومن لديه خبرة في الموضوع أرجو أن يفيدني وسأكون له من الشاكرين.
موعد مقابلتي كان في تاريخ 22/04/2013 وتم تغيير تاريخ التحديث في 29/05/2013 وتم إصدار الفيزا بتاريخ 01/06/2013 أي استغرقت حوالي 38 يوما لي ولزوجتي وابنتي ذات العامين.

المقابلة كانت في مدينة الظهران وتاريخ بداية الدراسة 20/08/2013 في ولاية أوهايو مدينة كنت.

عذرا للإطالة ولكن حاولت إختصار المعلومات القيمة قدر الإمكان.

إذا وجد أي استفسار فالرجاء عدم التردد بالسؤال..

والسلام خير ختام

.

الف الف مبروك و شكرا على مشاركتك المختصرة و الوافية. و الله تفاءلت كثير بفيزتك لان مقدم بعدك بيومين 24/4/2013 في قنصلية الظهران و بعثتي الى ولاية اوهايو بس مدينة كولومبوس و صار لي انتظر 38 يوم و بداية الابتعاث 1/7/2013. إن شاء الله الموضوع قرب و دعواتكم لنا و جميع المنتظرين بتسهيل الفيزا و الله يوفقك في رحلتك و دراستك

ما اتوقع ان الكحول في امريكا من سن ٢٣ .. ٢١

وبعدين هذا غلط كبير .. اللي يبي الخراب بالسعوديه يلقاه ..

كندا فيزتها سهله مجرد انك تكملين كل الاورق المطلوبه خلال اسبوعين تجيك بدون تاخير ومايعلقوننا