محطة تجمع منتظرين الفيزا الأمريكية

AD الله يعينك ويصبرك وان شاء الله خير لك
أبو حسري ألف مبروووك والله يوفقك وترجع بأعلى الشهادات
اما انا كل يوم ادخل موقعهم ولا جديد ( نو ستيتس ) وحتى تحديث المقابله ما شفته فقط تاريخ انشاء الطلب
وللأسف حتى ما يردون على الايميلات
وكل يوم اعمل تشييك في موقع الفيدكس ولما ادخل رقم الترك نمبر ما يطلع لي شي
لكن اليوم طلع ان الشحنه في الطريق وتاريخ الانشاء قبل شهر ونصف اي بعد يوم من المقابله
تفائلت خير وكلمت الفيدكس وقالوا لي ما في شي بالطريق وما استلمنا شي من السفارة
والله اني تمنيت انهم رفضوا الفيزا ابرد لي قلب من هالتعليقة اللي ما ادري وش تبي
الله يصبرنا ويفرجها علينا

يارجال هونها وتهون باذن الله, ولا توقف على امريكا وتجلس تنتظر الدول ياكثرها, وان شاء الله انها تتيسر لك, بالنسبه لي لو ماجت الفيزا او ردوا بالرفض كنسلت ابو الدراسه كلها وعلى الاقل انا مقتنع باني حاولت , وانا توني رحت فيديكس امس وحاولت ارسل الاوراق قالوا مقفلين تعال 14 اوقست قلنا يالله خيره, وارسلت ايميل لهم وبكيفها زي ماتجي تجي..

الله يبارك فيكم جميع وانشاء الله تتيسر اموركم وتطلع فيزكم باسرع وقت

بالتوفيق جميعا

- - - مشاركة محدثة - - -

مقابلتي كانت في الظهران تاريخ 23/10/2012

يا شباب اصبروا ان شاء الله تتيسر لكم امور الفيزا , والللي جته الفيزا الله يوفقهم ويكتب لهم مافيه الخير والصلاح , انا اللحين اجازه بدون راتب ومعلق نفس طريقتكم لكن الله ييسرها لنا ولكم جميع. واللي عنده طموح لا يوقف على دوله وحده ياكثر الدول جرب مره ومرتين حتى تمشي معه.. تقبلوا مروري وتحياااتي للجميع ..

الله يوفقكم جميعا ويسر امووركم ان شاء الله

مبروك والف مبروك صدور الفيزا الخبر هذا جيد للجميع ويثبت ان التحديثات فعلا من واشنطن اللي عندنا مالهم علاقه لأن صدر تحديث بأصدار فيزا اليوم رغم اغلاق السفاره وهذا يعني ان الأغلاق هذا يشمل المقابلات وعملية طلب الجوازات وعملية طباعة الفيزا
ولا يشمل موضوع التحديثات وهذا اللي اكثرنا ننتظره وهي التحديثات وكلمة الإصدار

ي اخوان هل إجازة السفارة تعني ما فيه متابعة لحالة الطلب وليس هناك تحديثات ولا يمكن اصار الفيزا في وقت اجازتهم ؟

انا كنت قبل اسمع ان التحديثات والأصدار من واشنطن بس كنت اقول يمكن لكن بعد اللي صار اليوم مع ابو حسري اللي صدرت فيزته اليوم رغم انهم باجازه ومقفلين اثبت لي ان هالشيء ما يأثر على اللي فيزهم معلقه بتبقى اجراءات وتحديثات ، لكن بتأثر على موضوع طلب الجوازات وعلى موضوع طباعة الفيزا باعتبار انهم مقفلين

ههههههههههههههههههههههههههههههههههههههه قسم بالله اني ناوي انزل مووضوع قبل شوي

وهو انه بعد صلاة العشاء امس .. كنت فاضي من جد وقلت خلني اشيك ع فيديكس .. طبعا من يوم المقابلة كنت اشيك وم بطلع لي رقم الشحنة

ويوم شكيت وطلع لي في مرحلة النقل .. وتاريخ الشحن 1 مايو بنفس يوم المقابلة قبل 3 شهور ..الزبدة طرت من الفرحةةة قلت خلاص الفيزا جتني الحمدلله

وطيران ع فيديكس .. وقالولي انه مافي شي وصلنا ولاندري هل شحنتك طلعت من السفارة والا لا ..

واتصل ع فيديكس الرقم الموحد ونفس الكلام مافي اي شي واصل بالطريق ... وراحت الفرحةة


الله لايوفقهم من سفارة ..

الله يفرج همنا يارب وتصدر لنا الفيزا بعد العيد

الله يفرج همنا اجمعين

تخيلو
صدرت الفيزا ويقول لي موظف مكتب الطيار مافي رحلات
ياربي رحمتك