مشكلة استخراج الجرين كارد من أمريكا أو من السعودية أفضل؟؟

نصيييحة نصيحة نصيييحة
ابحثي في النت عن محامي لأمور الجنسية وبتلاقين بأعداد خيالية
بأسعار رمزية لا تتعدى 300 دولار راح يعطيك أسهل الحلول لك وبيضمن لك أسرع الطرق وأذكاها لحفظه كل نقاط الضعف والقوة في النظام
بعتقد تقتدري تتجنسي خلال سنتين بالكثير
والجرين كارد بتحصلي عليه خلال كم شهر وأنتي بأمريكا
عليك بمحااامي
تحياتي

والله للأسف مااعتقد نقدر نروح السعودية
وحتى لو رحنا مثلاً في الكريسميس مافي وقت , الوقت جداً ضيق ومايمدينا نسوي شي ..
يعني لازم من أمريكا
بالنسبة للرسوم دخلنا على موقعهم الرسمي وحسبناها لكن في ناس قالوا لنا لاتتقيدوا بكل الإستمارات لأنها بس من باب الزيادة وماهي مهمة
أهم استمارتين يقولوا الخاصة بالدخول والخروج من أمريكا واستمارة الدراسة أو العمل
وأنا لوحدي ماعندنا أطفال
إحنا إن شاء الله جالسين أكثر من 3 سنوات لسه زوجي يبغى يدرس ماستر ,
طيب بس لزيادة معلوماتي أنا قبل سنة ونص كنت عايشة في أمريكا لمدة 3 سنوات بفيزا F2 ماتنحسب لي ؟
لازم من وقت القرين كارد أجلس 3 سنوات عشان الجنسية؟
وشكراً جزيلاً أخي الكريم , ماقصرت

أخي الفاضل
ألف شكراً على مجهودك معانا والله كل ماسويت شي في أوراقي دعيت لك في ظهر الغيب ربي يوفقك,

العفو أختي الكريمة والله يوفقنا جميعا،

والحمدلله طمنتني بالنسبة لترقية القرين كارد
على فكرة عبيت أغلب الإستمارات بس في تقريباً فقرتين ماعرفت لها أحسها محيرة

في أي استمارة؟ ال I-130 أو ال I-485 أو وحدة ثانية؟

وبالنسبة للترجمة ايش الوثائق اللي تحتاج ترجمة, عقد النكاح ولا البطاقة العائلية ولا كلهم ؟ وهل في شي غيرهم ؟

أي ورقة مكتوبة بغير الانجليزية لازم تترجم. طبعا الأوراق اللي عليها معلومات بالعربي والانجليزي (زي الجواز) ماتحتاج ترجمة.

وهل الأفضل أربط حسابي البنكي بحساب زوجي عشان يبان إنه عندي راتب منتظم ؟

هذه نقطة مهمة أيضا علشان تثبتون ان زواجكم "Bona fide" ، لو تسوونها الحين وترفقون كشف الحساب مع الطلب الخاص بال I-130 يكون أفضل. بالنسبة للدخل ، ورقة الملحقية تكفي.

وهل لازم أقدم لهم كشف حسابي البنكي؟ولكم شهر؟ أو تكفي ورقة الملحقية اللي فيها الدخل ؟

ورقة الملحقية تكفي.

وآخر سؤال اتصلنا على دكتور في منطقتنا يقول الكشف الطبي 200 دولار
ولازم تطعيم يكلفني 200 زيادة ولما قلنا له إني أخذت كل هذي التطعيمات قال لنا هاتوا إثباتات
وأنا من جد أخذتها لما كنت أدرس في معهد اللغة في 2008 لكن ماعندي أوراق تثبت, ماني عارفة ايش أسوي
هل لو رحت أخذتها في مستشفى عادي يغطيها التأمين الطبي ؟ولا لازم اخذها عند هذا الدكتور وأدفع 400 دولار ؟

ما أقدر أقول إلا الله يوفقك يا فيصل ويسعدك على مساعدتك وتوضيح الأمور لأخواننا واخوتنا

موفقين جميعاً ...,

عندي سؤال كمان عن الجنسية أخي الفاضل
طيب إن شا الله راح يعطوني القرين كارد المؤقتة ومدتها سنتين
وبعد السنتين بإذن الله أقدم على القرين كارد اللي مدتها 10 سنوات
طيب بعدها متى أقدر أقدم على الجنسية
هل انتظر 3 سنوات ؟ فوق السنتين اللي راحت وتصير 5 سنوات؟
أو أقدم بعدها بسنة وتصير 3 سنوات مع مدة المؤقتة ؟

تقدرين تقدمين الجنسية بعد 3 سنوات من حصولك على ال (Conditional green card). يعني مثلا لو ال (Conditional green card) تم اصداره في 1/1/2012 ، وبعدين أرسلتي استمارة I-751 (ترقية الغرين كارد) في نوفمبر 2013 مثلا ، تقدرين تقدمين على الجنسية في 1/10/2014. اذا ادارة الهجرة تأخروا في اصدار الغرين كارد الجديد بسبب الزحمة مثلا ، بيصير تمديد سنوي للاقامة المشروطة (يعني بيجددونها لكم كل سنة). في كل الأحوال ، تقدرين تقدمين على الجنسية خلال الثلاثة أشهر الأخيرة من السنة الثالثة حتى لو طلب ال I-751 ماخلص من عند ادارة الهجرة.

أعرف أحد الزملاء زوجته أخذت الجنسية قبل شهرين تقريبا وهي لها سنتين على ال Conditional وبعدها سنة وكم شهر بعد الترقية (الترقية تحسب بأثر رجعي يعني يكون تاريخ اصداره بتاريخ اصدار ال Conditional).

وهذا رابط من موقع "مورثي Murthy" (واحد من أشهر شركات المحاماة في أمريكا) يشرح النقطة هذه بالتفصيل.

MurthyDotCom : Conditional Residents Can Directly Apply for Naturalization

بالتوفيق،