موعدي مع السفارة 17/12/2012

December 17th, 2012, 07:05 PM

السلام عليكم ورحمة الله وبركاته


بحكم ان الكثير منكم متخوف بشأن المقابلة لآي سبب وراح اذكر الاسباب الي كنت متخوف منها


( اسم العائلة + لي آخوان في امريكا ) حبيت اطمن الكل واقول ما عليكم بتمششي آموركم زي الحلاوه


ان شاء الله


الموهيم وصلت للسفارة ع الساعه 7 تقريبا ..


وصلت فـ حصلت طابور وصفيت جا دوري فـ عطيت الموظفة اللبنانية (ايصال سامبا + ورقة تأكيد الموعد + صورة شصية + الجواز + نموذج ds-160 ) << خلوها ع جنب ع شان تخلص امورك وتدخل


طبعا آخذتها ورتبتها فـ حصلت الموعد بتاريخ 16/12/2012 مع العلم اني ما انتبهت للتاريخ لان مكتوب يوم الاثنين وغفلت عن التاريخ واعتمدت ع يوم الاثنين قالت لحظة خلك ع الجنب طبعا لفحني البرد وانا مزكم وحالتي صعبه


وزادت علي الان وانا آكتب اشرب زنجبيل او جنزبيل مثل ما تحبون تسسمونه << اخلص علينا ..


دقت ع الي داخل وبعد مرور 10 دقايق رد .. طبعا كانت هي تمشي الي بعدي .. الموهيم قالت خلاص اوك ادخل طبعا انا شرحت لها انو انا اعتمدت ع المكتوب _ الاثنين _ وغفلت عن التاريخ ع شان كذا اهتمو للتاريخ موب مثلي خخخخ


الموهيم سلمت فقط الجوال واعطاني رقم والمفاتيح + المفحظه كانت معي ...


الزبده دخلت وحطيت المفاتيح + المحفظه + الحزام في صندوق ومريت ع الجهاز ..


اخذت عفشي ومشيت اتجه للمكان الي راح تجري فيه المقابلة ..


دخلت مع الباب وصادفت شخص واخذ مني الجواز مع الاوراق الي كانت داخله من ( ايصال سامبا+ صورة شصية + الجواز + نموذج ds-160 )


وحط استكر ع الجواز .. وعطاني رقم .. دخلت وانتظر رقمي جا الرقم طبعا رحت عند وحده هندية او باكسستانية ما ادري الزبده ابستمت وقلتلها صباح الخير وردت


قالتلي عطني الاوراق (ايصال سامبا + تسديد السيفس + الجواز + نموذج ds-160 )


وقالتي رايح دراسة قلتلها اي الموهيم قالتلي رحت لامريكا قبل قلت لا


وسالتني تعرف احد قلت اي وسألت عن آخوي وقالتلي كم عمره وجاوبت قال طيب عطني الاي توني واعطيها جيت وعطيتها الصورة الشخصيه قالت ما يحتاج


الموهيم سألتني من بيتكفل بدراستك قلت الحكومه الموهيم عطيتها الضمان وابتسمت قالت ما شاء الله مبتعث ع حساب الملك قلت اي .. قالت كويس


طبعا رتبت الاوراق بملف شفاف واعطتني اياه وقالت استنى رقمك


الموهيم طلعت من عندها وما امداني ارتب وضعي الا وذيك الي قدامي تخرشني تقول تبي المقابلة انقليزي او عربي قلت عربي طبعا ً الموهيم قالت اوك بضحكه لاني انا ارتعت وكل شوي تقول طبعا طبعا تطقطق علي خخخخخخ


مبين عليها حبيبه .. الموهيم استنيت ونادت بالرقم قالت كاونت كذا الزبده نسسيت الكاونت كم رقمه لاني مصدع + ما اشوف زين من الزكمه جيت عند القنصل


وطلب مني الملف وسألني ..


قد سافرت لامريكا ؟ قلت لا


سافرت خلال الخمس سنوات ؟ قلت ايه وهو طبعا قال الدول


من الي بيتكفل ؟ قلت الحكومه يعني الضمان قدامك ما يحتاج خخخخ


اي مدينة ؟ قلتله نيويورك


سانت جونز الجامعه ؟ قلت اي معهد اول تبع الجامعه وبعدها ان شاء الله آكمل


وساني كم سنه دراستك ؟ قلت 3 سنوات ان شاء الله مع اللغة قلت اي


جلس يطق طق شوي بالكمبيوتر وقالي مبروك فيزتك مقبولة


سدد رسوم الفيدكس و5 ايام بالكثير وراح توصلك


طبعا خذو
ايصال سامبا + تسديد السيفس + الجواز طبعا


الاوراق الي تجيبونها معكم


( صفحة ds-160 + صورة شخصية + الجواز شي آكيد + الاي توني + القبول ( ما جابو طاري القبول ) + الوثيقة + السجل الاكاديمي ( ما جابو طاري الوثيقة والسجل ) )
بس جيبوها احتياط السجل + الوثيقة


واحب اقول لك الي متخوف من قريب له في امريكا او اسم العائلة او اي ششيء اقوله لا تششيل هم ي عزيزي / عزيزتي الامور بتمششي سسهالات ان شاء الله




دعواتكم بس بوصول الفيزا

• نشر عبر تويتر
• نشر عبر فيسبوك
• نشر عبر جوجل