ياناس امشي على أي واحد ؟

عزيزتي فيه نقطتين لابد انك تركزين فيها .
النقطة الأولى : اذا اسم زوجك في اي توني مطابق مع وثيقة التخرج والسجل الاكاديمي او الشهادة الثانوية > الافضل في هاذي الحالة انوه يعدل الاسم بجواز زوجك وجواز اولاده حتى تكون جميعها مطابقة ل اي توني .
والتعديل في جواز السفر مايأخذ وقت > يوم او ساعات ويقضي التعديل في الجوازات .

النقطة الثانية : اذا اسم زوجك في الجوازمطابق مع وثيقة التخرج والسجل الاكاديمي او الشهادة الثانوية > الافضل في هاذي الحالة انوه ترجعون تحاكون المعهد وتطلبون تعديل في اسم زوجك ب اي توني اللي ارسلوه لكم .
بالتوفيق =)

لا اختي مافهمتيني
انا أللقب هو المشكلة و زوجي لقبه مطابق في الايتونتي والجواز والشهاده
بس المشكلة انه فيه حرف زياده في اللقب
في جوازات الاطفال تختلف عن زوجي
اخاف يدققون ليش اللقب عند زوجك يختلف الاوﻷاد

اها ، طيب يغير اللقب الموجود في جوازات الاطفال حتى يكون مطابق للقب زوجك ، ماتأخذ الوقت الكثير .
ومااتوقع السفارة راح تدقق مره في هذا الامر .

لو وضعكـ مثل وضعي أنآ وأختي .. آلألقآب مختلفه بآلجوآز كآن قلت عآدي .. مشي أمركـ ..
لأن تقدري تدبريهآ إن شآء الله ..
تقآل أصحآب مو إخوآن .. وآلله بلشنآ فيهم هآلجوآزآت ,,

لكــن دآمهم الأطفآل الأفضل يعدل جوآز آلسفر حق الأطفآل لأن الأطفآل بأمريكآ موضوع مهم جدآ ..

موفقه خير ,,

انا نفس المشكله يختلف اسم اولادي بحرف عن لقب ابوهم

بس انا وصلني الايتونتي بهالاختلاف والتغيير سالفة طويلة و حتى ابليكيشن الفيزا عبيته بهالاختلاف وناس كثير يقولوا اهم شي الاي تونتي والفيزا زي الجواز يعني اذا طلعوا لنا فيزا بهالاختلاف هناك مالهم الا باللي في الاوراق الرسمية احد يرد اذا عنده معلومات اكيده

1) دامه حرف ما يضر إن شاء الله ، وهم قد مرت عليهم قضايا مشابهة ويفهمون إشكالية نقل اسم من لغة إلى لغة ! حتى في أسماء المدن الشهيرة ، يكتبها الأمريكان بطرق مختلفة بين فترة وفترة ! لا ننسى طريقة كتابتهم لمكة قبل أربعين سنة ، وكتابتهم لها اليوم ! ولا كتابتهم لبكين عاصمة الصين قبل أربعين سنة ، وكتابتهم لها اليوم ! والخلاصة حرف ما يضر إن شاء الله

2) نقطة مهمة جدااااا ، لابد أن ينتبه لها الجميع :
موظفوا الجوازات عندنا أشباه العوام ، يكتبون الاسم الواحد بمائة شكل ! فلا بد ان صاحب الجواز هو الذي يكتب اسمه بالإنجليزي في استمارة الطلب ، ولا يكتفي بالاسم بالعربية ، ويترك لموظفي الجوازات ، الاجتهاد في كتابته بالإنجليزية !

3) ولابد يكون الاسم موافقا في الاسبيلنق ، للشهادات وجميع الوثائق والبطاقات البنكية المختلفة والبطاقات الائتمانية وجميع الوثائق الثبوتية . خاصة أن هؤلاء يسمحون للشخص بإعطائهم اسبلنق اسمه ، ولا يتحكمون فيكتبونه من تلقاء أنفسهم . فلا بد من تدخل كل شخص ، وضبطه لجميع وثائقه تحت اسم واحد باسبلنق واحد .

4) وكانت كتابة اسمي باسبلنق متعدد يسبب لي مشاكل ، خاصة من بعض الغربيين الذين يظنون اختلاف حرف واحد يغير دلالة الاسم ! فضبطت جميع وثائقي بلا استثناء تحت اسبلنق واحد ، ولا أعطي لكائن من كان ، المجال في كتابة اسمي حسب اجتهاده مطلقا !
ولا أعني الاسم الأول فقط ، بل الاسم كاملا .

5) وكذلك بقية الأمور المشابهة : أسماء المدارس والأبناء والمعاهد والمدارس والزوجة وأبوها وأمها واسم مدينة الميلاد ومستشفى الولادة إلى غير ذلك . فيها شوية تعب ، لكن بعدها راحة بال كبيرة جدا

وتحياتي للجميع