لمـواليد أمريكا وحاملين الجنسية الأمريكية .. جميع مايهمكم !

لاهنت اخوي فهد

وعقب ما شفت الجواز حقي لقيت

الاسم بدون العائله يعني مختلف عن اللي بشهادة الميلاد

بالجواز القبيله

وشهادة الميلاد العائلة 😔

وبالنسبه للجواز القديم ماعندي لا اصل له ولا صورة

لكن ضنك اذا رحت اجدد الجواز يرضون انهم يحطون الاسم عربي وانجليزي

باسم العائلة ويحذفون القبيله ولا يبيلها واسطه وقلق ما احبه انا 😁

وان شاء الله اذا تغيير الاسم بالجواز تنحل كل المشكله لان اللي اتضح لي

من كلامك ومن تعاملي مع القنصليه انهم

يبون اثبات من الحكومه السعوديه فيه الاسم

بالانجليزي ويكون مطابق لشهادة الميلاد

وافضل اثبات هو الجواز السعودي

يالله عسى الله ييسر الاحوال وتزين

ومشكور طال عمرك ع سعة البال وتجاوبك

لا بس انجليزي .. انت مالك شغل بالعربي .. اهم شي الانجليزي عندك !

مادري والله اذا بيحطون اسم العائله بدل القبيله بالانجليزي او لا ..
لكن انت روح وشوف .. واسألهم .. واذا ماقدرت انشدهم عن طريقة الاجرائات ..
قلهم انك ماتبي الا بس تعدل الاسم الانجليزي يخلون العربي مثل ماهو بس اهم شي الانجليزي ..
وان شاء الله امورك تتيسر بإذن الله ..

بالتوفيق للجميع

الف الف شكرررر
بس اريد معرفة لو كان الزوج حامل للجنسيه فهل تستطيع زوجته واوﻻده ان يحملوها ايضا ؟

نعم الأبناء بإمكانهم حمل الجنسية الأمريكية فهي مكتسبة من أبوهم ... ولكن الزوجه ستحمل البطاقة الخضراء (Green Card) كمقيمة دائمة من خلال الزوج ..
ويمكنها أن تقوم بالتقديم على الجنسية الأمريكية .. في حالة مكوثها في أمريكا وإستقرارها فيها ..

بارك الله فيك اخى بس ياريت تشرحلى عن هذه البطاقه وكيفية الحصول عليها

أعتذر أخت أساور عن ردي المتأخر لسبب إنشغالي ..
بالنسبة لكِ, إذا كنتي في وطنك,
يجب على زوجك أن يقوم بتعبئة نموذج I-130 للقرين كارد وقيمته 420 دولار ..

لابد عليكم الذهاب لأقرب قنصلية أمريكية في بلدكم , ومن هناك ستعرفون بقية التفاصيل وطريقة الدفع ..

وتأكدي من إحضار جوازك الحالي وعقد الزواج وأي اثبات اخر لك ..

وعذراً على ذاكرتي , ولكن هذا ما اذكره ..

جزاكم الله خير على المجهود الطيب
اخي انا من مواليد الولايات المتحدة وابغى اقدم على الجواز وعندي عقبتين تمنعني من الذهاب للقنصلية
المشكلة الاولى ان اللغة الانجليزية عندي لك عليها اخاف يسألني الموضف واجيب العيد هذا شي والشي الثاني
بالنسبة لشهادة الوالد الاسم الاخير فيها مختلف عن الاسم الاخير في جوازه اخاف يقولو لي هذا شخص ثاني
وجزاكم الله الجنة ..

العقبتين ليست مشكله بإذن الله ..

لن تحتاج الى شهادات الوالد .. كل ما تحتاجه هو شهادة الميلاد الأمريكية الخاصه فيك !
والمتطلبات الموجوده في موضوعي ..

وحتى وإن كان الإسم مختلف , فلن تكون مشكله بإذن الله ..

وبالنسبه للغه, فلن يكون هنالك "مقابله شخصية" .!
بل سيأخذون منك الأوراق وانت "واقف" .. وسيسألونك عن أي اوراق قد يحتاجونها !
وستجد عندهم موظفين عرب, وايضاً بعضهم يجيد اللغة العربية ..

فلو أحتاجت المسأله إلى مترجم سيأتون بشخص يتكلم العربية ويترجم لك !

فلا تخف .. توكل على الله وانطلق !

فقط قم بجلب المتطلبات المشروحه في الموضوع , وأذهب وقدم عليهم ..
وبإذن الله ستكون أمورك بسيطه وخلال اسبوعين من التقديم ستسلم جوازك ..

السلام عليكم ورحمة الله وبركاته



اخواني انا عندي الجنسية الامريكية لاكن الجواز تحت التجديد (١٠ ايام ويطلع بأذن الله )



السؤال : هل اقدر اخذ قبول معهد و قبول جامعة قبل ما يخلص الجواز ؟





لاني بصراحة ودي امشي اليوم قبل بكرا وابي ادرس ف ١٥/١ في مونتانا بلنقس





اتمنى تفيدوني ولكم جزيل الشكر