حوار | . . محطة تجمع منتظرين الفيزا الأمريكية . . | (2)

الله يعين الجميع ان شاء الله
الصبر مفتاح الفرج ياجماعه , انا انتظرت الفيزا سنه ونص وتوها جاتني قبل شهرين وماشي بعد اسبوع ان شاء الله
تمنياتي للجميع بالتوفيق

اللحين عندي سؤال للي تاخرت فيزتهم هل هناك سبب والا ايش بالضبط ؟؟؟؟؟

وليه فيه ناس تطلع لهم ف اسبوع وناس في سته شهور هل اهي مزاجيه فقط والا ايش ؟؟؟؟


هل اللي تتاخر فيزتهم طالعين على حسابهم الخاص والا مبتعثين من برنامج خادم الحرمين ؟؟؟

لاني سمعت الي مبتعث من البرنامج يطلعون لهم بسرعه والي على حسابه ممكن يتاخرون فيه شوي ,,,,

ايه صح ما كنت عارف

الي سوا مقابله في السفاره يقدر يشيك ع فيزته صدرة ولا لا عن طريق هالموقع
https://ceac.state.gov/CEACStatTrack...zCYubaSQI+RA==

بالتوفيق

توكلت على الله وراح أقدم على الرياض بعد الرفض في المرة الأولى من الظهران !
اليوم دفعت الرسوم في سامبا وبكرة يتفعل عشان أقدر أختار أقرب موعد ..

دعواتكم

ألف ألف مبرووووك ، ما شاء الله عليك!
طيب وش كنت تسوي في هالسنة ونص غير الانتظار؟

بعد إذنك ، بس حبيت أوضح النقطة أتمنى ما تجرح أحد!

وليه لو حابة تعتمد على معهد عادي ؟!! لا وألف لا أنا من أكبر المعارضين على المكاتب ..
ومو قصدي أقطع رزقهم بس الشغل اللي يسووه أي واحد يقدر يسويه لو يتعب شويتين ،
بس احنا باختصار شعب يحب الراحّة!

والحقيقة هي أن الشعب الخليجي بشكل عام والسعودي بشكل خاص فيهم صفتين سيئتين وهي "الإتكالية" و "الكسل" ... !
دائماً نبحث عن شخص يسوي لنا كل شي ، ودائماً نبحث عن واسطة تمشي معاملاتنا ، وأخيراً نبحث عن أسهل الطرق عشان نوصل للشي اللي نبيه حتى لو ما كان الأكثر فائدة ،
واللي توه متخرج من أمريكا ويبحث عن شغل في شركة ومواصفات وقاعد على مكتب ويجيبوا له الشاي وهو قاعد رجل على رجل ، ولكن هذا فقط خيال والواقع المر عكس ذلك لازم تتعب عشان توصل للشي اللي تبيه!
وهذا للأسف واحد من أسباب عدم مواكبتنا للغرب من تطور وحضارة ، وأنا أتمنى أن نغير هذه العادات السيئة فينا ولو أن العادة صعبة التغيير إللا إذا صابتك مصيبة أو واجهت الواقع بعدين نقول (لو ولو من عمل الشيطان)

أنا (وأعوذ بالله من كلمة أنا) الحمدلله أعتمد على نفسي وأعمل بجهد ~
والسلام عليكم ورحمة الله وبركته : )

الله يبارك فيك
في خلال الفتره هذي كنت موظف ، جمعت معلومات شامله وكافيه عن كل مايواجهني في السفر وخلال تواجدي في امريكا وبشكل يومي تقريبا كنت اقرا في هذا المنتدى اللي صراحة استفدت منه بشكل كبير ، وكنت ابحث عن سكن ممتاز وازور المنطقه اللي بدرس فيها عن طريق قوقل ايرث لدرجة اني حفظتها ، واخذت كورسات في اللغه ، جاهز وفاهم كل شي كنت انتظر فقط الفيزا ولله الحمد وصلت
والله يوفق الجميع

تصدق اخوي حروف ،، فيه طالب زميل لي حاليا بيتم سنة في امريكا ولا يعرف يجيب قبول لنفسه !
حتى وهو هناك يراسل المكتب هنا عشان يجيب له القبول لمعهد ثاني !
حاجه غريبه بصراحه !


( تمت المشاركة باستخدام تطبيق مبتعث )

تصدق اخوي حروف ،، فيه طالب زميل لي حاليا بيتم سنة في امريكا ولا يعرف يجيب قبول لنفسه !
حتى وهو هناك يراسل المكتب هنا عشان يجيب له القبول لمعهد ثاني !
حاجه غريبه بصراحه !


( تمت المشاركة باستخدام تطبيق مبتعث )