مشكلة الغاء الفيزا من المعهد !!!!!

الخمس شهور الي اقصدها انا تكون تدرس في امريكا مو تكون برى امريكا

يعني من يوم حطوك في حالة غياب او نزلت عن 12 ساعة اكاديمة الجامعة تحطك او المعهد ومن هذاك الوقت لك خمس شهور وانت في المعهد لو مافصلك او اذا حولت معهد ثاني تقدم على رينستمينت وتدفع الميتين دولار وتننظر لمن يجيك الابروف ولاتطلع من امريكا خلال هذا الوقت لانك لو طلعت كل الي سويته راح هدى وانلغت الفيزا . اذا جاك الابروف خلاص تصير انت وضعك عادي ورجعت زي ماكنت مثلك مثل اي طالب

اتمنى الحين تكون فهمت

سلام عليكم اختي نونه حبيت اسال وش صار معاك هل اصدرتي فيزا جديده او سددتي رسوم السيفس ورجع كل شي تمام ..

ابغى احول من المعهد lit الى معهد rice university حاولت اقدم على المعهد لم يقبلوني قالي موظف المعهد الغي فيزتك وارجع السعودية وقدم على المعهد من السعودية وطلع فيزا جديدة السؤال هل اذا رجعت السعودية وقدمت على الفيزا حطلع الفيزا وله حتتأخر وله امكن اترفض.

يا أحباب, أنا انهيت دراستي في معهدي السابق وطلبت من المعهد انه ينقلني الى معهد الجامعه الجديد, وبنفس الوقت قلت لهم اني رح ارجع للسعوديه واجي لأمريكا على المعهد الجديد.
طبعا انا انهيت دراستي وخرجت من امريكا يوم 15 ديسمبر 2014. وصلت للسعوديه ولله الحمد, اتفاجئ من بعد وصولي للسعوديه ب 3 اسابيع, انه المعهد القديم ارسل لي رساله على ايميلي وقلي بأن النقل تم الغاؤه وعندك كلاسات تبدأ بتاريخ 5 جانوراي 2015. قلت لهم انا ما ابغى ارجع عندكم وابغى اروح لمعهد الجامعه الجديد. قالولي ما نقدر ننقلك لأنك خارج أمريكا..عندك واحد من حلين:
1- ترجع عندنا وتدرس اقل شي شهر وبعدها ننقلك أو
2- تقدم على فيزا جديده.
قلت لهم الغوا فيزتي وما ابغى ارجع لكم لأني ابغى اقدم على فيزا جديده. وقلت لهم خلوا سبب الإلغاء زي ما قلت لكم. المهم فيزتي الغوها وحاليا ابغى اقدم على فيزا جديده.

السؤال لأصحاب الخبره بعد هذه السالفه الطويله..هل يتم اصدار فيزا جديده لي بعد التقديم؟ او هل هنالك احتمال بأنه السفاره ترفض طلب الفيزا بعد المقابله الشخصيه؟

يا ريت يا احبابي انكم تفيدوني وتساعدوني..وسامحوني على الإطاله.

وعليكم السلام ورحمة اللهً وبركاته
حياك الله ..

غيرت لك عنوان موضوعك و حقيقة كنت بكتب وجهة نظري .. ولكن وجدت هذا الموضوع يحكي نفس إستفسارك !
لذا، دمجت موضوعك هنا حتى تعم الفائدة للجميع !

راجع الصفحات السابقة !
بالتوفيق ،،

السلام عليكم ورحمة الله وبركاته

الأخت السائلة ..
بعد مرور سنة على موضوعك .. هل لديك أي تعقيب حتى يستقيد الغير من تجربتك ؟
ليكن هذا المنتدى .. أخذ وعطاء، وليس أخذ دون عطاء !
و إن شاء الله نشوفك قريب في موضوعك !

بالتوفيق ،،

ليس للمعهد اي صلاحيات لإلغاء التأشيرة الدراسية . التأشيرة الدراسية تلغى بإستناد على بندود معينة ولا يمكن لأي احد ان يلغيها حتى موظف الهجرة بالولايات المتحدة لما يلغي التأشيرة ما يلغيها على طول.
المعهد يستطيع الغاء I-20. يجب الأخذ بعين الاعتبار بأن مدة بداية دراستك في المعهد الجديد يجب ان لا تتجاوز 5 اشهر من تاريخ الغاء I-20 مع اهمية دفع 200 دولار قبل الرجوع قيمة رسوم السيفس الجديد.
ملاحظة مهمة جداً: اذا تم عمل terminate للـ I-20 هذا ممكن يأثر مستقبلاً عند طلبك للـ OPT

مشكور علي الرد..
اولا يا اخوي المعهد انا طلبت بالغاء ال I-20 وانا في السعوديه بسبب ان المعهد القديم لم يقم بنقلي..كلمت الجامعه الجديده وقلت لهم تقدروا تطلعوا لي I-20 جديد بنفس رقم السيفيس القديم..قالوا لا..لازم فيزه جديده لانك خارج امريكا ما نقدر نفعل لك السيفيس حقك..قلت تمام..اتصلت علي السفاره عشان اتأكد وشرحت لهم موضوعي..قالوا نفس كلام الجامعه لازم فيزه جديده لانك خارج امريكا..
ثاني شي ممكن تشرح لي معني ال OPT؟ ﻷني ما فهمت معناها..

بما انه تم الغاء I-20 السابق فقد اصبح غير صالح ولن يتم اعادته الا عن طريق دائرة الهجرة في الولايات المتحدة وغالباً ادارة الهجرة لن توافق. بإمكانك طلب I-20 جديد برقم مختلف عن السابق ولكن اذا كان بقائك خارج الولايات المتحدة لفترة خمسة اشهر واكثر رح يتوجب عليك التقدم على تأشيرة جديدة.
OPT هو برنامج تدريبي بعد التخرج يتيح لك العمل في الولايات المتحدة لمدة سنة.

طيب انا الحين جاني I-20 جديد برقم سيفيس جديد يختلف عن الي مكتوب علي الفيزا..لمن كلمت السفاره قالولي بما انه السفيس رقمه يختلف عن الي في الفيزا..لابد من التقديم علي فيزا جديده..
سؤالي: في هذه الحاله هل يتم اصدار فيزا جديده لي ولا احتمال لأ؟ اذا نعم..كم يوم تاخذ؟