استفسار سؤال مهم بخصوص السفر للسعودية أول الصيف والعودة لامريكا قبل الدراسة بشهرين

ماني متأكد من موضوع الملحقية، لكن إذا قبل النظام رفع طلب التذكرة المحددة بالتاريخ المذكور، فالمفترض أن ما فيه شيء يمنع طالما أن دراستك تنتهي قبل ذلك، ولو استطعت إرفاق ورقة من جامعتك تثبت أن الفصل الدراسي ينتهي بهذا التاريخ، يفترض أنها تكون داعم لك لأنه مثل ما قلت لك ما فيه موجب يوجب أن الملحقية ترفض أصلاً.

أما فيما يخص الخروج والدخول لأمريكا خلال الصيف، فأيضاً ما فيها مشكلة طالما أنك لست طالب لغة وجلست في أمريكا بدون دراسة لأكثر من شهرين.

وعليـــكم آلسلآم ورحمـــة آلله وبركآتة ..

بآلنسبة للتذكرهـ آلمستحقة .. طآلمآ كملت 9 أشهــر ,, نعــم مسموح أطلبهآ من آلآن عــآدي ..
لأنه مآبآقي إلآ شهــر ,, وإنت أطلبهآ بتآريخ شهر رجب لجل يصير عندهــم كأنكـ مكمل 9 شهــور .. وضبط وضعكـ مع آلطيآر بآلتآريخ أللي تحب ..
مآعليكـ أمرهآ هيــن آلتذكرة ..

شــوف أللي أعرفه إنكـ مآتجلس بدون درآســـة لأكثر من 60 يوم ..
بــس إنت جآلس تنتظــر موعد درآستكـ يبدأ .. وكونكـ دآخل قبل كذآ لأمريكــآ .. قآنون آلـ 30 يوم مآينطبق عليكـ إنه مآتجي قبل درآستكـ بـ 30 يوم !
بخــصوص هذهـ آلمســآلة آلحسآسة .. بخليهآ لشخــص جرب ..
ولآ أبي أقولكـ تجآرب نآس ثآنية لجــل مآخربطكـ ..
لجــل مآ أعطيكـ إجآبة تقريبيــــة تعتمد عليهآ ويطلع فيهآ لبـــس بآلموضوع ,, لأني مآعمري جربت هآلطريقة إنه أدخل قبل درآستي بفترة طويلة ..
أنآ دآيم أدخل قبل درآستي بيوم ..

حبيت أفيدكـ .. بآللي أقدر عليه .. لجل أكسب منكـ دعوهـ طيبة ..
وآلله يوفقكـ ويسهل دربكـ ..

الف شكر يا دكتور على الرد و على تعاونك وتجاوبك الدائم ماشاء الله ربي يوفقك ويسهل جميع امورك ,,, طيب الملحقية ان شاء الله تتسهل ابسوي اللي تقول ابرفع ورقة تثبت انتهاء دراستي ب29 ابريل ورغبتي بالعودة للسعودية,, وابجرب اني اراسل مشرفي هذي الفترة واشرح له ظروفي وسبب رغبتي بالعودة للسعودية اول مايو ان شاء الله

وعذرا يادكتور ابتأكد اكثر بخصوص دخلتي لأمريكا خلال الصيف اللحين عادي اني ادخل واجلس شهرين واسبوع قبل دراستي؟؟؟ --معليش على التكرار بس السالفه مرتبطة بقرار جوهري في حياتي,,
وماابغى احوس دراستي او ارتباطي بسبب تواريخ وأنظمة حابه اتوصل لقرار نهائي يا نعم يا لا ,,,
أشكرررك

بالنسبة للملحقية .. فنظام التذاكر كما سبق وذكروا كثيراً للطلبه خلال السنوات الماضية ..
الطالب مسموح له أن يطلب التذكره لأول مره بعد قضاء 9 أشهر ..
بعد ذلك .. سيتوجب عليه أن ينتظر سنة كامله في كل مره يطلب التذاكر ..
وهذا النظام مطبق في جميع الملحقيات السعودية في دول العالم ..

ويستثنى من ذلك :
- الطلاب الذين أنهوا فترة اللغة في وقتها وينتظرون تاريخ بداية دراستهم الجامعية
- حالات الطوارئ
- جميع ماسبق

إذا تم إصدار التذكرة في مده أقل من سنة .. فهذا يعني أن النظام حسبها لك على انها سنة ..
والملحقيه عادة تتساهل في هذه الأمور طالما أن الطالب في إجازه رسميه وأكمل تسعة أشهر ..
تتغاضا عن الأشهر المتبقية لإكمال السنة ..

تخطيطك سليم وماعليك أي مشاكل بإذن الله .. لا بالملحقية .. ولا بإدارة الهجرة ..
أهم نقطه أنك تكونين في أمريكا قبل قضاء 5 شهور في السعودية ..
يعني مسموح لك 4 شهور في السعودية .. الشهر الخامس لابد تكونين في أمريكا قبل أن يكتمل ..
وبالتالي ماراح تلتغي فيزتك ..
إذا كملتي خمس شهور برى امريكا .. راح يتم إلغاء الفيزا .. وراح تحتاجين الى اصدار فيزا جديده ..
بغض النظر عن حالتك الدراسية حتى لو كنتي تنتظرين وقت دراستك !
هذا القانون مطبق على جميع الطلبه الدوليين ..


هذي نقطه ..

النقطه الثانيه .. بما أنك خلصتي لغه .. فهذا يعني ان عندك ختم دخول قديم ..
فبالتالي .. نظام الثلاثين يوم .. لايطبق عليك .. بمعنى أنك تقدرين تروحين وترجعين في اي وقت تحبين في حدود الخمسة أشهر ..
ولاراح تحتاجين أنك ترجعين امريكا قبل بداية الدراسه باسبوع او شهر بحد أقصى .. (ثلاثين يوم قبل تاريخ بداية الدراسه). .
لان هذا النظام يطبق فقط على أول دخول لك في أمريكا ..

النقطه الثالثه .. بإمكانك المكوث في أمريكا حتى وقت بداية دراستك ..
نظام الـ 60 يوم لاينطبق عليك ...
هذا النظام لايطبق إلا على الطلبه اللي صارت حالة السيفيس Terminated ..!
لكن انتي وضعك سليم ... فبالتالي تقدرين تقعدين مثل ماتحبين ..


النقطه الرابعه ..
نستنج من جميع ماسبق .. على أن ..
- يمكنك المكوث في أمريكا الوقت الذي ترغبين به
- يمكنك السفر إلى السعودية وقضاء مدة لاتزيد عن أربعة اشهر ونصف (قبل إكتمال الشهر الخامس لابد أن تكونين في أمريكا) ..
- تخطيطك سليم وليس هنالك مايخالف الأنظمة ..
- وضعك يسر الناظرين ولا خوف عليك .. والله يرعاك ..

الف شكر لك على الرد ربي يوفقك ويسعدك دوم لكن كأن خطابك موجه لذكر (وأنا انثى) ممكن معلوماتي بالمنتدى مضلله شوي انا مسجله بياناتي بالمنتدى وانا طالبه بالبكالوريوس -تخرجت وتعينت معيدة ودرست ثلاث سنوات وابتعثت وصار لي سنة ونص بامريكا وحتى مسار تخصصي مختلف تماما عن اللي معروض هنا بس ماعدلت بياناتي من وقت تسجيلي

حلو بالضبط من تاريخ دخولي 9 شوال لحد تاريخ 9 رجب اكمل 9 شهور وان شاء الله يتسهل امر الماحقية ,,, يهمني اللحين أتأكد من سالفة دخول أمريكا قبل موعد دراستي بشهرين واسبوع كأني فهمت من كلام الدكتور( ابن بيت ال هليلة) انه مسموح لكني ارسلت له السؤال مرة ثانية ابتأكد أكثر لانه فعلا قرار مهم جدا -- وشكلي بعد ابتواصل مع مكتب الطلبة الدوليين بخصوص هذي النقطة لكني بجميع الاحوال اثق جدا بتجاربكم وأرائكم وخبراتكم الفعلية في هذي المواقف ,,,

ربي يوفقك على تجاوبك وردك وان شاء الله لكل من رد اصدق الدعوات وربي يسهل على الجميع ,,,

أستاذ محمد شكراااااااااا على الاجابة المفصلة ربي يسعدك ويوفقك
طيب اذا تسمح ابكتب لك وضعي بالضبط لاني أنا موطالبة لغة انا طالبة ماجستير ,,, خلصت اللغة العام الماضي ونزلت السعودية بتاريخ 13 يوليو وجلست حتى 16 اغسطس
دخلت امريكا 17 اغسطس /9شوال
مكتوب بالموقع استحقاقي للتذكرة بتاريخ 13 يونيو -- اتوقع هذا مثل ماتفضلت بذكره ان نظام الملحقية هو اصدار التذاكر كل سنة
لكني راح اخلص دراستي ب29 ابريل --ان شاء الله وبتاريخ 9 رجب/8 مايو يصير مر على دراستي هذي السنة 9 شهور واليل فهمته من كلامك وكلام الباقين ان الملحقية تسمح باصدار التذكرة في حال ان الفصل الدراسي انتهى ومر على وجودي تسع شهور بامريكا’’’’

الامر الثاني بخصوص الدخول لامريكا في فترة اجازة الصيف اقدر اقول بناء على كلامك وكلام الدكتور ابن بيت ال هليلة انه يسمح لي الدخول لامريكا حتى لو دراستي ماراح تبدأ الا بعد شهرين واكثر

انا ماراح اطول بالسعودية جلستي شهر ونصف بس --- لكن مشكلتي مو بالجلسة بالسعودية اللي ابي اتأكد منه الان قانونية دخولي لامريكا قبل دراستي بمدة طويلة(مثل ماذكرت شهرين واسبوع )

واعتذر على تكرار الاسئلة عليكم لكن فعلا الموضوع مهم فيه نااس جالسه تنتظر قراري النهائي بخصوص ترتيب امورنا وانا اجابتي مرتبطة بهذي التواريخ !

وفقك الله واسعدك واتم جميع امورك على خير,,,

نعم أختي ما عندك مشكلة بالمرة، البقاء في أمريكا في الصيف أو العودة لها والبقاء أكثر من شهرين لمن يدرس مرحلة أكاديمية ما عنده مشاكل.
فيما يخص الملحقية، طالما قبل معك النظام برفع التذكرة، فبإذن الله ما عندك مشكلة مثل ما قلت سابقاً، لكن من باب الاحتياط لو ترفقي الورقة راح تدعمك؛ لأننا نعرف مزاجية ربعنا كثير، وإلا نظاماً ما عندك مشكلة.

بالتوفيق،،،

ابن بيت آل هليلة- حروف .. متناثره-- محمد فهد

شكرا جميعا على الرد واعتذر على تكراري للاسئلة هههه شكل المعلومة يبي لها وقت حتى تاصل لي __ الصراحة انا من الناس اللي ما تتخذ قرارها بسهولة ,,,, وأحب أستشير كثييير وأسئل أكثر,,الله يسعدكم
( د. ابن بيت أل هليلة عارفني سبق وأن نشبت له بعدة استشارات الله يوفقه ),,,,

 المشاركة الأصلية كتبت بواسطة Academic Researcher

أستاذ محمد شكراااااااااا على الاجابة المفصلة ربي يسعدك ويوفقك
طيب اذا تسمح ابكتب لك وضعي بالضبط لاني أنا موطالبة لغة انا طالبة ماجستير ,,, خلصت اللغة العام الماضي ونزلت السعودية بتاريخ 13 يوليو وجلست حتى 16 اغسطس
دخلت امريكا 17 اغسطس /9شوال
مكتوب بالموقع استحقاقي للتذكرة بتاريخ 13 يونيو -- اتوقع هذا مثل ماتفضلت بذكره ان نظام الملحقية هو اصدار التذاكر كل سنة
لكني راح اخلص دراستي ب29 ابريل --ان شاء الله وبتاريخ 9 رجب/8 مايو يصير مر على دراستي هذي السنة 9 شهور واليل فهمته من كلامك وكلام الباقين ان الملحقية تسمح باصدار التذكرة في حال ان الفصل الدراسي انتهى ومر على وجودي تسع شهور بامريكا’’’’

الامر الثاني بخصوص الدخول لامريكا في فترة اجازة الصيف اقدر اقول بناء على كلامك وكلام الدكتور ابن بيت ال هليلة انه يسمح لي الدخول لامريكا حتى لو دراستي ماراح تبدأ الا بعد شهرين واكثر

انا ماراح اطول بالسعودية جلستي شهر ونصف بس --- لكن مشكلتي مو بالجلسة بالسعودية اللي ابي اتأكد منه الان قانونية دخولي لامريكا قبل دراستي بمدة طويلة(مثل ماذكرت شهرين واسبوع )

واعتذر على تكرار الاسئلة عليكم لكن فعلا الموضوع مهم فيه نااس جالسه تنتظر قراري النهائي بخصوص ترتيب امورنا وانا اجابتي مرتبطة بهذي التواريخ !

وفقك الله واسعدك واتم جميع امورك على خير,,,

كما سبق وذكرت .. الملحقية ستحسبها لك على انها سنه "لو أتممتي 9 أشهر وصادفت عطلة رسمية من الجامعه او المعهد ومدتها لاتقل عن شهر"..
ايضاً نقطه نسيت أذكرها في الإستثنائات ..
يستثنى من نظام حساب مدة التذكرة السنوية "المتخرجين" .. يعني لو تخرجتي وانتي ماكملتي حتى تسع شهور ... تقدرين تصدرين تذكرة "ذهاب فقط" الى السعودية بحكم إنك تخرجتي !

اما بالنسبه لوضعك في إدارة الهجره ..
ففهمك صحيح .. نعم بإمكانك الدخول حتى لو كان تاريخ الدراسه متبقي عليه أكثر من شهرين كما تفضل أخوي ابن بيت ال هليلة ..
فكما ذكرت لك سابقاً نظام الثلاثين يوم قبل بداية الدراسه لايطبق الا على أول دخول لك في أمريكا ..
وانتي سبق ودخلتي أمريكا .. وسفرك وعودتك لأمريكا يعتبر دخول ثاني او ثالث .. فبالتالي النظام هذا لايطبق عليك !

فبالتالي حتى لو كان المتبقي من تاريخ الدراسه أكثر من ستة اشهر .. فنظام إدارة الهجرة لايمانع بدخولك مره أخرى طالما أنها ليست أول مره لك بالدخول في أمريكا !

توكلي على الله وخليك على تخطيطك ولا تخافين ..
والله يكتب لك اللي فيه الخير ..