مساعدة رفضوني في السفارة والسبب .....

السلام عليكم . هذي المحادثة الي بيننا وبين القنصل طبعا كنت مع امي واخي الصغير ..,
احنا : صباح الخير
القنصل: هاي
احنا: نتكلم عربي
القنصل: اهلا بكم لماذا تريدون السفر لامريكا
احنا : للسياحة ولزيارة اخي المريض
القنصل: كم مدة الجلوس هناك
احنا : مدة 5 اشهر
القنصل: طيب والمدرسة كيف ؟ وهي متعجبة
احنا : اخذنا اجازة
القنصل: تطقطق بالكمبيوتر . حسناا من هو علي او عبدالله
احنا: علي هو ابوي وعبدالله هو اخي المريض
القنصل : حسناا , اروني الفيزا الخاصة فيهم
احنا : < كانت معنا حقت ابوي بس . توجد معنا فيزا ابي فقط ووريناها ..
القنصل: حسنا كم مدة جلوسهم هناك ؟
احنا : 9 اشهر تقريبا
القنصل: تطقطق شوي بالكمبيوتر , وسألت هل اخوكم المريض يتعالج بالمستشفى منوم او يتعالج بالبيت ؟
احنا: قلنا لها بالبيت يراجع كل شهر عند المستشفى
القنصل : تطقطق شوي بالكمبيوتر . وفجأة , اسفة تم رفضكم . ليه ؟ لايوجد روابط قوية ببلدكم الام وأنكم سوف ترجعون لبلدكم ..

صراحة الحرمة الي قابلناها فاجئتنا جدا بالاسألة ما كنا نعرف ولا شي منها وماكنا مستعدين لمثل هالاسألة انربشنا شوي وجبنا العيد وسألتنا كثير عن عبدالله اخي الي هو المريض هل هو منوم بالمستشفى او يعالج في البيت ؟ < طبعا الجماعه كلهم قالو لنا قولو الصدق وقلنا بالبيت يراجع كل شهر ومن هنا ما أقتنعت متأكد ان هذا هو سبب الرفض تحسب اخوي وابوي مهاجرين وحنا بعد بنهاجر معهم , المهم الحين حنا عرفنا كل ومجهزين الاجوبة ........ طبعا اذا سألونا عن اخوي عبدالله منوم بالمستشفى او يتعالج بالبيت < بنقول منوم بالمستشفى ,, والحين بالموعد هذا حطينا مدة الجلوس اسبوعين بأمريكا .. بنقول لهم ان في اجازة الربيع الجاية مدتها اسبوعين وبنستغلها ونشوف اخي ونرجع نكمل الدراسة هنا < بنجيب شهادات الفصل الاول ان طلبو مننا < والله الموفق ,

- - - مشاركة محدثة - - -

الهاشمية الله يهديك لاتحطميننا ممكن سبب انهم راح يرفضونا مية بالمية ؟

أنت حر انا أسفه🙏 رح موعدك 🕙وأذكرك اذا ما رفضوا 😬انا اعرف الأمريكان كيف نظامهم 🇺🇸وكيف يفكرون 🎅ونصيحة اجلها ما تسوا عليك بيقولون لك تضرب مشوار سفر لأمريكا✈️ عشان أسبوعين 🛀بس نصحتك وانت حر براحتك 🔪خل عجله تنفعك💣 بعدين 🏃


🇺🇸🇬🇧 الهاشمية ليمتد 🌺🇬🇧🇺🇸

ونفكر نجيب اخوي الكبير يجي معنا الي سوا لنا الابليكشين يتكلم معهم هو يعرف يقنعهم < سؤال آخر هل اجيب اخوي الكبير عادي معنا ؟

لا تعليق


🇺🇸🇬🇧 الهاشمية ليمتد 🌺🇬🇧🇺🇸

والله انا مع ""الهاشميه لمتد"" في كلامها وانا اشوف انكم مرررره مستعجلين لأن المقابله مسجله والكلام بيشوفونه متناقض قبل شوي تقولوا 5 شهور وهو يتعالج بالبيت
والحين بيكتشفوا انها كذبه وتبون ترقعوها انه في المستشفى وتبغون من 5 شهور الى اسبوعين وارجع اقول سبب الرفض بيكون اكيد لأن المقابله ما لها الا اسبوعين
امشوا على كلام الهاشميه لمتد وان شاء الله تتوفقوا .. لأن انا بعد ماشي على كلامها وما راح اقدم الحين وراح اقدم بطريقه مختلفه تماما عن سابقتها يعني عن نفسي دراسه
انتم لازم يكون عندكم وقت مثل شهرين واكثر على المقابله الجايه ومثل ما قلت لكم لازم ويفضل تكون على الاجازه الصيفيه لأن وقتها كبير ويكون مناسب لنفس كلامكم اللي قلتوه في السابق
يعني تقولون لهم اننا بنجلس هناك تقريبا فتره اجازه الصيف ونرجع عشان الاولاد يكونوا انتهوا من دراستهم وعندهم اجازه رسميه ويكون كلامكم واقعي .. اجلوا المقابله نصيحه عشان ما تروح عليكم الفلوس مره ثانيه
ولا سمح الله يركزوا عليكم ويختموا على الجواز ان وراكم شي هناك ويشوفوا انكم مصريين الا والا تروحوا بهذا الوقت بالذات فانتبهوا إذا نحن قرأنا الكلام وما اقتنعنا كيف القنصل وهو عنده معلوماتكم بيصدقكم

والله يا اخوي حنا بنتوكل ع الله والله الموفق اذا رفضونا عاد نقدم قبل الاجازة الصيفية والامر لله ,, بالتوفيييق =)

والله اتمنى لكم التوفيق واكيد لكم الحريه ونحن هنا نتعاون مع بعض لجل نوصل لافضل الحلول الممكنه ونبعد عن اي شي يسبب لنا الاحباط
ولا تنسى التجارب وخبرات الاخرين هي اللي تخلي الاخرين يستفيدوا منها لجل ما يقعوا في نفس الخطأ .. وان شاء الله موفقين من يتوكل على الله فهو حسبه

سيبوووووووووووووه 👋👋👋👋👋👋👋👏👏👏👏👏👏👏سيبوووووووه لا تعليق موفقين انشالله قدم ولو أعطوك جواز 🇺🇸 بنفرح لكم روووووووح دززززززززز 🚶🏃🏃🏃🏃


🇺🇸🇬🇧 الهاشمية ليمتد 🌺🇬🇧🇺🇸

الهاشمية اسلوبك استفزازي جدا مادري هل بيني وبينك عداوة او شي , يعني مادري شسويت عشان تقولين زي هالكلام , بعدين انتي مو ادرى بالسفارة الامريكية من اهلها السفارة شغلتهم مزاج الكل يعرف مو كذا او كذا , عجبناهم يعطونا ماعجبناهم ناكل تبن , الشغلة مي عباطة هي , ليه ماتكونين زي الاخ الصالح اسلوب رااقي جداً وانتي حرمة وهذا كلامك , ماقول الا الله يهديكي وان شاء الله نفرح بالفيز الي بتجينا ونوريك ان كل شي تحت قدرة الله مهما كـان .. تحيــآتي بالمودة والسرور =)

أسف يا خوي سامحني اعتذر منك واقدم اصدق الأسف والندم واوعدك معاد اتداخل في موضوعك نهائيا حتى لا تزعل مني موفق انشالله


🇺🇸🇬🇧 الهاشمية ليمتد 🌺🇬🇧🇺🇸