مساعدة رفضوني في السفارة والسبب .....

صلوا على النبي نحن كلنا متواجدين هنا لجل نتناقش ونوصل لافضل الحلول
وان شاء الله ما تكون بيننا اي حزازيات او شي من سوء الفهم او الزعل
ولك مني الدعوات ان الله يوفقك انت واهلك بالموعد الجاي وان شاء الله تنقبل
وهذا راح يعطينا دافع قوي للتقديم بالمره الجايه ونكون قد التحدي
والله يكتب توفيقه لنا ولكم في تحقيق اول خطوات القبول والنجاح ياااااارب
لو تشوفوا كيف جالس احسب الايام للتقديم الجاي واجهز النفسيه لجل تكون مستعده لتقبل اي قرار ممكن يصدمني بالحزن او يصدمني بالفرح
والله ما توقعت عدد المشاهدات في خلال هالاسبوعين يكون كذا لكن ان شاء الله يكون الختام مسك وتكون قصه قصيره ومباشره للاحداث
اللي تجمع بين الاصرار وتحقيق الامل والحلم وبين الصدمات ولحظات الانكسار

مدام ذكر سيد الهاشميين فاللهم صلي على محمد وال محمد ياخي مدري كيف اقول انه هذولا أمريكان عندهم نظام وقواعد ماشيين عليها ماهي فوضى الشغلة نتكلم ونشرح يقولك انت متشائم نقول من واقع تجربه يزعلون عموما ربنا يقدم الخير ومشكور يا صالح في ميزان أعمالك انشالله


🇺🇸🇬🇧 الهاشمية ليمتد 🌺🇬🇧🇺🇸

اللهم صلي على محمد , ابــشركم ولله الحمد تم قبول فيزتنا ,هذا من فضل الله , الهاشمية انا اسف ع الرد , فقط اريد ان اقول لكم توكلو على الله ورضى الوالدين عنك اهم شي في الدنيا .. بعد شوي بسرد لكم المحادثة الي حصلت بيننا . صراحة افحمونا بالاسأله ..

اليوم كان مرررة فاضي ولله الحمد , صراحة تفاجئت بالعدد اليوم . قبل اسبوع يوم كان مرررة زحمة القاعه فل والانتظار فل مررة كان عشان كذا اتوقع رفضوو كثير , المهم نجي لليوم , سوينا كل شي قبل المقابلة اخذنا رقم وكل شي الخ ... وجينا عند البنت الي قابلناها الاسبوع الي فات .. سألتنا وبعدين قالت لنا انتظرو دقيقة ويناديكم صديقي الي جنبي < صرفتنا ماتبي ترفضنا مرة ثانية .. كلمنا خويها الي يقابل كمان .. جا سألني انا قلي الان انتم تقولون الاسبوع الي فات لزميلتي 5 اشهر والان تقولون اسبوعين كيف هذا . حشر لنا .. وحاولنا نفهمه لكنه كل شوي يعيد النقطة هذي , حاولنا حاولنا نفهمه , بعدين اقتنع وقال عطوني كشف الحساب .. عطيناه كان فيه 300 ألف ... اقتنع جدا بعد ماشاف الكشف, مهم كشف الحساب يكون فيه اكثر من 200 ألف , وجهه تغير يوم شاف الكشف هه ,, المهم بعد كذا بصمنا مرة ثانية , وقلنا نرحب بكم في امريكا =))))) هنا انا بغيت ابكي ههه , قلتله معليش بس كم المدة الي بتقعد فيها الفيزا ؟ قلي تقريبا شهر , سألني بعدها انتم متى بتسافرون قلت له 20 مارس يعني بعد شهر . قلي يب بعد شهر وشكرا =) الحمدلله هذا فضل من ربي ..لو تقعد شهرين اهم شي قبلوها لأننا ناوين نسافر الاجازة =)) هذا ماحصل بيننا وبينهم وأسأل الله التوفيق لكم بالنجاح , واكرر اعتذاري للهاشمية انااا اسسف جداً اعتذاري لك =) دمتم بود =)

ماني مسامحتك الا بحق مدامك جاي هنا امريكا ابغا حق منك وانت بكيفك


🇺🇸🇬🇧 الهاشمية ليمتد 🌺🇬🇧🇺🇸

هههههههههههههههههه خلآص طيب استنيني للاجازة الصيفية =)

براحتك انت حر والله ما احللك شف حلفت بالله لأنك اتهمتني وانا كنت قاصده لك انا والإخوان الخير بس براحتك اضحك وانبساط براحتك ماني مزودة كلمه عليها


🇺🇸🇬🇧 الهاشمية ليمتد 🌺🇬🇧🇺🇸

الله يهديكي , انتي نرفزتيني حسستيني اني طفل ما أفهم صرآحة وحطمتينا مررة وبالنهاية قبلوها =) ع العموم الدنيا ماتستاهل ترا =)

والله جالس اقرأ عن مقابلتك الثانيه اللي هي بعد اسبوعين مباشره والله متوقعين 100 بالميه انها فاشله وان الوضع بالعقل وشي طبيعي رفضهم
خصوصا لما قلت لنا انهم ركزوا كيف قلتوا المقابله السابقه تبون تقعدوا 5 شهور والان اسبوعين وما ادري كيف اقنعتوه وكيف اقتنع لكن المسئله الان
من جد من جد مزااااااااااااااج القنصل وروقانه !!!! والله امر عجيب وانا اقرأ كلامك والله اني فرحان لك والف الف مبروك ما شاء الله تبارك الرحمن
الله كتب لكم السفر وكتب لكم التوفيق .. وهذا الشي يعطيني دافع اقوى بكثير من قبل والله مررررررررررره مبسوط بهذا الخبر وان شاء الله خطوتي الجايه
مثل ما قلت لكم اني طالب ورايح اقدم بفيزا دراسيه وراح يجيني ان شاء الله الايتوني قبول المعهد وياااااااااااارب القنصل يكون متعاون معاي هالمره

بس حاب اسألك لما اخذ منك كشف الحساب ما سألك وين تشتغل وش وظيفتك وكم عمرك ؟؟
وافهم من كلامك انه قال لكم مقبولين اكيد ولا فيها اجراءات اداريه وراح تأخركم عن الموعد لأن انت قلت ان الفيزا بتكون فقط لمدة شهر ؟؟ ولازم ترجعوا صح !!

- - - مشاركة محدثة - - -

معليش كمان سؤال هل مقابلتك كانت في جدة ولا الرياض ؟؟

الله يبآرك فيك ي الغالي عقـبآآآلك ان شاء الله =) انا عمري 16 لساعي اولى ثانوي هـع كشف الحساب كان بأسم اخوي, بس ماسألنا عن اخوي , بالاخير قلنا مرحبا بكم بأمريكا . وجينا ماشين قلتله معليش كم المدة الي بتطول بالفيزا ؟ قلي متى ماشين لأمريكا ؟ قلتله 20 مارس < بعد شهر و10 أيام , قلي شهر وراح تطلع لكم كلكم . ماقال لنا اجرائات ادارية ولا هم يحزنون .. بخصوص المقابلة كانت بجدة . شباك رقم 3 الرجاال مافي اطيب منه ,وعندي نقطة بخصوص موعدك لو تأخره ترا يكون احسـن لأنه وقفنا كثيير قال انتم سويتو موعد الاسبوع الي فات والحين كمان سويتو عطوني رأيكم ,< من اليوم تحششير .. الله يـوفقك يارب وإن شاء الله راح يقبلوك اكيد مادام انك دراسة وعلى حسابك الخاص بس أهم شي يكون كشف الحساب فيه سعر مرة حلو لأنه انبسط يوم شاف الكشف وقال بصمو وتم قبولكم . الله يكتب الي فيه الخير وماننساك من دعواتنا لـك .. بالتوفيق لك =) اي اسأله حاضر تحت امرك =))