فيزا المرافقين و الأطفال و السفارة

وعليكم السلام حياك الله
ايوه طبعا بالنسبه لموضوعك جدا سهل تعبي الابلكيشن دي اس 160 تعبي كل بياناتك وفي اخر صفحه يطلع لك ايقونه
لاضافه احد افراد الاسره وبعدها تضيفي المرافق ويكون معاك وتعبي بياناته كامله كما هو مطلوب منك وعلى طول يتم اضافته معاك وبنفس الموعد اكيد دامه مرافق
اما من ناحيه الرسوم فيكون دفعها عن طريق بنك سامبا ويكون لك 608 وهو ايضا 608 ريال تسدديها وتاخذي نسخه من الدفع لك وللمرافق برقم CGI اللي طلع لك في الابلكيشن
وهذا الرقم يكون موحد بينك وبين المرافق اللي بيكون معاك
اما بالنسبه للاطفال ما ادري لكن انا شفت في السفاره في عوائل ماخذين اطفالهم معاهم وما ادري هل بيكون لهم رسوم ايضا او لا ما ادري والله

جزاك الله خير أخي الكريم ..

عبيت 4 نماذج (أنا المبتعثة و زوجي و طفلتين) هل الأطفال كمان دفع رسوم 608 لكل طفل ؟

وكيف يتم أخذ الموعد؟بعد دفع الرسوم في سامبا؟
وهل أقدر أدفع رسوم السيفس معاه ؟ وﻻ فيه تعبية نموذج له ؟

كل شخص يجب دفع رسوم خاص فيه وهي رسوم الفيزة وهي 608 ريال
تقدير تأخذي موعد عن طريق التسجيل في السفارة "الموقع يدعم اللغه العربية" وبعد ذلك تضيفي المرافقين بما فيهم الزوج يعني تعبي البيانات وبعد كذا يطلع لك رقم مرجع CGI تأخذ هذا الرقم لبنك سامبا وتسددي جميع الرسوم اللي هي 608 في 4 أشخاص بيطلع عليك 2432 ريال وبعد الدفع خلال 24 الى 48 ساعة يتم التفعيل وبعد ذلك بإمكانك تأخذي موعد عن طريق موقع السفارة

رسوم السيفيس لكل شخص يحمل فيزة F-1 فقط يعني اذا كان أطفالك معهم فيزة F-2 ما عليهم رسوم سيفيس
تسديد رسوم السيفيس عن طريق موقع خاص بالسيفيس راح تلاقين شرح في المنتدى ورسوم التسديد لكل شخص يحمل فيزة F-1 200 دولار

بالتوفيق،،،

جزاك الله خير ..

الله ييسر لك أمورك ، و يزيدك من فضله