فيزتك تحت الإجراءات الادارية – الحل بإذن الله عندي

March 19th, 2014, 01:00 AM

أولا أحمد الله عز وجل علي فضله وكرمه وتوفيقه , أنا قدمت فيزا سياحة في تاريخ 12 سبتمبر 2013 وللاسف دخلت تحت الإجراءات الإدارية والحمد الله صدرت فيزيتي اليوم والفضل أولا وأخيرا لله الذي هداني للتواصل مع مكتب محامي والذي كان السبب في إنهاء معاملتي بعد الله. طبعا كلنا يعرف المعناة مع السفارة ومكتب state office وردودهم المعتاده (إنتظر الاجراءات الادارية وقتها غير معلوم) و سبحان الله وأنا أدور في النت لقيت مقطع في اليوتيوب لمحامي يتكلم عن موضوع ال administrative processing وكيف إجراءاتها واهم نقطه عرفتها أنو السفارة ومكتب الكونسلور في واشنطن ماهم مخولين بإخبارك سبب وضعك تحت الإجراءات الإدارية ولكن المحامي بحكم القانون مخول بمعرفة السبب الذي من اجله تم وضعك بلإجراءات الإدارية و الإجراء الاداري هو قرار يتخده موظف السفارة الي عملك المقابلة ومعناه انو ماهو قادر يتخذ قرار سؤاء الموافقة او الرفض يعني "هولد" فابالتالي يرسل للوشنطن للمكتب الكونسلور أوفيس وهم هناك يتحققو من عدة أشياء سواء أمنية أو قانونية وبعد مايتم التاكد يتم الرد من قبل مكتب الكونسلور في واشنطن إلى السفارة ويتم إما إصدار الفيزا أو الرفض. طبعا أنا بعد ماقريت عن الموضوع في النت وتواصلت مع كذا مكتب محامي, وجدت مكتبين هما أفضل شيئ في موضوع تأخر الفيزا ولهم سجل جيد وهما مكتب White & Associates ومكتب NPZ Law Group طبعا انا تعاملت مع المكتب الثاني والاجراءات والرسوم كانت كالتالي:
طبعا اول شيئ لازم تعرفو أنو رسوم المحامين غالية في أمريكا وهذا الخيار جيد لمن تأخرت فيزته أكثر من شهرين.
الرسوم كانت 1,500 دولار شاملة رسوم الاستشارة المبدائية وهي 200 دولار وهذي تدفعها في البداية بس عشان تتكلم معاه وتشرح له وضعك ثم بعد كذا يقولك رسومنا 1500 بس 200 الي دفعتها راح يكون برصيدك لو تعاملت معنا وإذا أخترته راح تدفع 1300 فقط واذا لا راحت عليك ال 200 (أتمني يكون واضح). بعد كذا راح يرسلك فرومات تعبيها وهي توكيل تعمله للمحامي توكله بقضيتك وتسوي اسكان ثم ترسله للمحامي. طبعا انا مثل ماقلت تواصلت مع مكتب NPZ Law Group وأشتغلو علي الكيس تبعي يوم الاربعاء الماضي بعدها بيومين صار تحديث في الفيزا تبعي وع طول اليوم الثاني صار تحديث ثاني كمان واليوم الثالث صدرت الفيزا. طبعا ماتصدقو قد أيش فرحت وقلت خلني أوصل المعلومة هذي لأاخواني أوخواتي الي منتظرين لاني أنا كنت معاكم وأعرف وش معنى أنك تنظر كل يوم ع امل تتغير حالة الفيزا , الصراحة معاناة أنا زوجتي واطفالي صدرت لهم الفيزا في يومين بينما انا أنتظرت تقريبا 7 شهور ولولا الله ثم المكتب كاني منتظر الان. طبعا المبلغ غالي شوي لكن أنا عارف انو في ناس لو بيدها تدفع أضعاف المبلغ هذا وتطلع الفيزا وعشان كذا قلت أوصل لكم تجربتي عسى انها تكون سبب في سرعة إنها فيزتكم مثل وضعي. طبعا انا أردت أني ما أحط الموضوع إلى لما اتاكد ويتم إصدار الفيزا والحمد لله صدرت اليوم. وكل إلى أتمناه منكم الدعاء لي وأبي وأمي بطولت العمر والجنة.
مواقع مكتب المحامي
Business Immigration Law Attorney | United States Work Visa Lawyer | New Jersey, New York, Nationwide
مكتب وايت أند اسويسيت فيه كيسات كثيره تشرح عن وضع ناس كثار كانو تحت الاجراءات الادارية وتم حلها
221(g)
وهذا رابط يوتيوب يشرح الاجراءات الادارية

• نشر عبر تويتر
• نشر عبر فيسبوك
• نشر عبر جوجل