تقرير تجربتي مع القنصلية الأمريكية بالظهران بتاريخ 1/4/2014 ...

الله يبارك فيك أخوي

بالنسبة للنظام يقول إن المتقدمين على فيزا F-1 ما يعطون الفيزا حقتهم قبل أكثر من 120 يوم من تاريخ بداية دراستهم

مثلا في حالتي تبدأ دراستي في 22 سبتمبر يعني ما يعطوني الفيزا قبل 22 مايو بس ممكن تقدم قبلها أنا كان موعدي في 1 ابريل

قالوا لي في المقابلة تصدر فيزتك في 22 مايو و فعلا في تاريخ 26 مايو صدرت ( بعد اربع ايام من التاريخ المحدد )

طبعا بين 1 ابريل و 22 مايو خليت الجواز عندهم لاني ما كنت محتاجه

الفيزا وقت إصدارها بعد المقابلة يختلف فيه ناس 2-4 ايام و فيه الي 2-3 اسابيع ( الفترة الاخيرة كثير يأخذونها في 4 ايام )

وقت الحجز يختلف على حسب الزحمة في الفرع الي بتقدم فيه بعدما تسدد الرسوم بيطلع لك اقرب موعد متوفر في حالتي كان اسبوعين تقريبا

و نصيحة إذا اكتملت اوراقك احجز في اقرب وقت ولا تنتظر

بارك الله فيك يا انس
تجربتي كانت نفس تجربتك بالظبط
انا خلصت امس والحمد لله وكانت نفس الاسئله ( سبب الزيارة - من بيصرف عليك - الوالد وين يشتغل - رحت سوريا ؟ ايران ؟... ) وبس
ولا اخذوا مني اي شئ O_O استغربت الحقيقه لأني ماجبت معي كشف حساب وفي الآخير ماطلبوا شئ ؟؟
عالعموم ان شاء الله بتصدر الاسبوع القادم بتاريخ 8 يونيو .. يعني خلال 7 ايام ..
شاكر لك مساعدتك يالذيب ..
تحياتي

يعطيك العافيه يانس ماقصرت انا الحمدلله خلصت اموري وسددت رسوم التاشيرة في بنك سامبا

والحين جاني التفعيل وبحجز الموعد وربي يسر ان شاء الله (دراستي تبداء في 27/10/2014 وفي سفارة جده ناس يقولو انه مايقبلو اذا كان الموعد للمقابلة اكثر من 4 اشهر الا لاقرب موعدك

فما ادري اذا يسوى مثلك بالظهران انه يقبلو ويصدروها بعد 27/6 او يقولو خذ موعد جديد ربي يجيب الخير بشوف المواعيد وربي كريم ان شاء الله

تقبل فائق التقدير

الله يعافيك يالغالي

و ما عليك النظام معمم على كل السفارات

و لو حصل شيء راح يكون من الي يقابلك لانه هو الي في يده القبول و الرفض

فأنت قول له إنك جاي بدري لانك تبي يكون عندك وقت كافي للتخليص إجراءات دراستك

و إذا قال لك ممكن أحتفظ بالجواز قل ايه و خله عندهم

أنا رحت و قالوا لي انتظر شهر و 20 يوم , أنت وضعك أسهل لانه اصلا باقي 17 يوم على تاريخ 27/6 و زين إذا لقيت موعد قبل اسبوعين

فيعني بيكون قريب مررررة الموعد فلا تخاف

الله بوفق الجميع

يعطيك العافيه يانس انا مقابلتي صارت بيوم 26/6/2014 يعني قبل يوم واحد من الاربع اشهر بما معنى انه يصير من وقت اجراء المقابلة الى تاريخ مباشرة الدراسة 4 اشهر ويوم لان الدراسة مثل ماذكرت لك بتاريخ 27/10/2014
ربي يسر ان شاء الله وشكر لك مره ثانيه

الله يعافيك حبيبنا

أمورك سهالات بإذن الله و كلها أسبوع من المقابلة بالكثير و تطلع فيزتك

موفقين