استفسار بخصوص قبول الجامعه - الاي توني - الضمان المالي

يعطيك العافية اخوي على الجواب الكاااافي .. بس عندي كم سؤال بعد اذنك ومعليش طولت عليك .

يكفيك قبول المعهد لإصدار الفيزا
بالنسبه للتسجيل غالباً يكون اونلاين ، ترسلهم كل اوراقك عن طريق الايميل
لكن طريقة التسديد تختلف من معهد لمعهد
انا معهدي طلب مني اطبع الابلكيشن + ورقة للتسديد اعبي بيانات الكريديت كارد (الفيزا) واوقع عليها واسوي لها سكان وارسلها
اما عن التسديد ما تسدد عن طريق الشهادة البنكية لكن تكون ورقة ضمان ، لكن هالمعلومة ما اجزم لك فيها لاني مبتعث ويختلف النظام

الله يجزاك بالجنة .. ويبارك في عمرك ورزقك وعلمك .. ساعدتني كثير وبردت على قلبي

اشكرك جزيل الشكر

( تمت المشاركة باستخدام تطبيق مبتعث )

السلام عليكم ورحمة الله وبركاته
اخي انت حالتك نفس حالتي انا كنت ناوي ادرس في المانيا و قدمت على المانيا و حصلت قبول معهد لغة الماني و جامعة و للاسف بعد 3 اشهر ونصف من انتظار الفيزا قالولي للاسف ما قبلو طلبك و السبب كان حسب كلامهم عدم الجدية و لاني ما كان عندي لغة الماني و يمكن عشان المعدل
و الحين فكرت بموضوع امريكا و حصلت الاي توينتي و قبول الجامعة و باقيلي اقدم على الفيزا و الصراحة خايف يصير معاي نفس ما صار معاي بموضوع المانيا ( صار عندي عقدة و خوف من الفيزا بسبب المانيا )
بالنسبة لامريكا تختلف عن المانيا بشكل كبير بالنسبة لشروط الفيزا ما تحتاج قبول جامعة تحتاج قبول معهد ( لغة في حال عدم وجود التوفل + سنتين شهادة associate في اي مجال تبيه ) و الحصول على القبول في امريكا سهل جدا و سريع مو مثل المانيا ( انا نطرت 4 اسابيع لحتى حصلت على قبول المانيا ) في امريكا في الحد الاقصى اسبوع
واهم ورقة تجيك مع القبول هي الاي توينتي و هي لازم تضل معك طول فترة دراستك و هي اهم من قبول الجامعة حتى
بالنسبة للفيزا ان شاء الله اسهل من المانيا و ما تطول مثل المانيا و ما يهتمون بالمعدل مثل المانيا
بالتوفيق ان شاء الله

انا معدلي عالي .. وانتظرت شهر وجاني رفض وانتظرت شهرين وقدمت وخرجتلي نائبه القنصل قالتي انت رفض بكل الاحوال اللي تقدمها . ومن جد عندي نفس العقدة حق الفيزا
واستنيت كمان شهر ونص عشان الجامعه
لكن ان شاء الله الخيرة فيما اختاره الله

اش هيا شهادة associate وهل لازم تكون مطلوبه قبل السفر ولا بعد اللغه ؟

( تمت المشاركة باستخدام تطبيق مبتعث )

بالنسبة لرفض السفارة الالمانية لا يؤثر لانه طلبات السفارة الالمانية تختلف عن طلبات السفارة الامريكية و سياستها تختلف
بالنسبة لي انا جددت الجواز حاليا ف ختم السفارة الامانية كان على الجواز القديم ف اختفى الختم

انا معدي مو ذاك الزود بس اللي يقهر ان في ناس معدلهم اقل مني و طلعتلهم الفيزا
انا بعد الرفض الاول قلت بكل الاحوال لو قدمت اخاف ارجع انرفض مرة ثانية ف غيرت وجهتي على امريكا مع انه في فرق شااسع بالتكاليف و المانيا رح تكون افضل بس امريكا صار عندي حاليا افضل الحلول
شهادة الـ associate هي نفسها تعادل بالوطن العربي شهادة الدبلوم و انت من الممكن تدرس سنتين دبلوم بامريكا بعدها سنتين باكولوريوس بامريكا بـ هالحالة رح تخفف من المصاريف لانو تكاليف اول سنتين اقل بكثير من تكاليف الباكولوريوس
عشان هيك اغلب الناس تفضل اول سنتين تدخل كلية (معهد) مو جامعة بعدين تدخل جامعة

وعليكم السلام ورحمة الله وبركاته ..
اول سؤال انو يآثر عليك ما اتوقع ربما تتآخر شويه فيزتك لكن ماحيرفضوك السفارة الامريكيه .
بالنسبة لحجز المواعيد في السفارة الامريكية بعد ماتودع في بنك سامبا حتفتحلك غالباً يكون خلال اسبوع تلاقي موعد ، والفيزا يقولولك تطلع خلال 3-4 ايام تاخذ إلى اسبوعين بالكتير ان شاءالله
لا ما يلغو فيزتك إذا غيرت الولاية لكن تحدث بياناتك عند الملحقية السعودية عن طريق الموقع الإلكتروني .
الآيتويني المعهد يرسلك هيا على الدي اتش ال
للتسجيل تختار الجامعه الي تبغى تدرس في معهدها وتقدم لازم يكون معاك فيزا كارد لدفع الرسوم ويكون فيها المبلغ المطلوب بعد ماتخلص يرسلولك باقي الطلبات والاوراق اللازمة على ايميلك .
الضمان المالي لازم يكون في حساب بنكي بإسمك حتى لو تفتح حساب وتخلي اهلك يحولولك المبلغ عليه إلى أن تصدر الشهاده البنكيه من البنك موقعه ومختومه .
لا ماراح يسحبوا من المبلغ . فقط للتآكد انو لديك مبلغ كافي للدراسة .
تقدر تغير المعهد مافي مشكلة المهم بعد ماتوصل للاراضي الامريكيه .

مدام على حسابك الخاص حاول تروح لولايه مستواها متوسط او اقل ..
الله يسهل امورك

بالتوفيق ^ ^