استفسار عن المقابله

مدة صلاحية الفيزا 5 سنوات للجميع ,

الله يعطيك العافية اخوي

أبي نصيحة يا شباب. أخوي قبلي وقعد ثلاث اشهر على ما وافقوا له على الفيزا وبالنسبة لي ما عندي مجال يلطعوني مثله

هل اعطوه سبب وماهو نوع الفيزا ؟

ممكن تعطينا سبب مقنع إنك ماتبي تقولهم إنك بتدرس جامعه؟
اذا ماسألوك ماله داعي تقولهم..
أنا عني يوم أجريت المقابلة قال لي ليش بتروحين أمريكا؟ قلت للدراسة .. فـ سألني لغة؟ قلت لغة وبعد ما أخلص من اللغة بدخل الجامعه على طول
خلك واضح وصريح وواثق من نفسك وماراح يلطعوك إن شاء الله.

إذا كنت على حساب البرنامج سيعرفون ويجب إخبارهم.

وإن كنت على حسابك: أخبرهم بالمدة التي ستدرس اللغة فيها وهي والمسجلة في الأيتونتي الخاص بك
وأخبرهم بأن ستكمل دراسة الجامعة (لأنه بالأساس سوف يكون معك قبول جامعي مشروط
"وهذا القبول مهم للوزارة حتى تمنحك الموافقة على الدراسة") أما إذا لم تبدأ بالحصول
على قبول جامعي مشروط بعد, أخبرهم بأنك ستدرس لغة فقط, لأنهم قد يطلبون الإطلاع على
ورقة قبول الجامعة.

يعطيكم العافية ما قصرتوا ..

الساعه 9 صباح أمس الأربعاء سويت المقابلة بالقنصلية الأمريكية بالظهران. الحمدلله قالتلي الموظفة اللي سوتلي المقابلة "فيزتك مقبولة وراح توصلك بعد خمسة أيام"

لا سألوني عن كشف الحساب ولا عن شهاداتي ولا عن أي أوراق تثبت إني موظف على رأس العمل مع انها سألتني مين بيتكفل بالتكاليف الدراسية وقلتلها انا. الحمدلله ما عقدوها

شاكر لكم تعاونكم أصدقاي

معليش يا شباب..

الحين الخمسه الأيام اللي بنتظرها على ما توصلني الفيزا ما أحسب معاها الويك اند؟؟