شرح فيزتك صدرت و تبي تستلمها لكن ما تعرف رقم الإستلام؟ الحل هنا ...

السلام عليكم و رحمة الله و بركاته

الكثير منا تصدر الفيزا حقته و يقعد ينتظر السفارة أو ارامكس يتواصلون معه لكنهم يطولون أو يسحبون عليك أو إنك مستعجل مثلي و تبيها بأسرع وقت

أولاً لازم تكون تعرف رقم النموذج DS-160 حقك , الي يكون مثل كذا : AA00000000 بدل الاصفار يكون فيه حروف و أرقام

ثانياً تدخل على الرابط التالي و تتأكدد من حالة الفيزا حقتك إذا كانت ISSUED معناته صدرت و تقدر تكمل للخطوة الي بعدها

https://ceac.state.gov/CEACStatTracker/Status.aspx

للي ما يعرف كيف يتأكد يدخل الرابط و يختار NONIMMIGRANT VISA
بيظهر له مربع آخر يختار فيه الدولة و المدينة الي صارت له المقابلة فيها مثلا : SAUDI ARABIA, DHAHRAN
و المربع الاخير يكتب فيه رقم DS-160

ثالثاً إذا صدرت فيزتك انتظر تقريباً لنفس اليوم على المغرب عشان تكون وصلت للفرع الي محدده أو بالكثير اليوم الثاني مساءاً
و عشان تعرف رقم الشحنة الي فيها جوازك ادخل على الرابط التالي

http://www.aramex.com/express/track.aspx

إذا الموقع مو عربي حوله عربي من أعلى الصفحة على اليمين

بتلقى قدامك صندوقين روح للي مكتوب اعلاه "للتتبع عن طريق مرجع الشحنة"

في مربع أختر المرجع أختار مرجع المرسلو في المربع الي قدامه بعد علامة = حط رقم DS-160
بلد المنشأ saudi arabia و التواريخ لا تغيرها

اضغط تتبع بعدها تطلع لك صفحة فيها نتائج البحث إذا ما طلع لك شيء معناته ممكن باقي ما وصلت أو عندك خطأ
فارجع للصفحة حقت التتبع مرة ثانية و تأكد

إذا طلع لك شحنة مع رقم بوليصة شحن أعرف إنك في السليم و اضغط على الرقم الاحمر
بتفتح لك صفحة فيها معلومات الشحنة تأكد من موقعها إذا كانت في فرع التسليم
فخذ رقم البوليصة و رح للفرع و عطهم الرقم و بيطلبون منك إثباتك

بعدها أفرح يا معلم بالفيزا

أتمنى أكون افتدكم و أي اسئلة أنا حاضر

الله يوفق الجميع و ييسر لهم أمورهم