سؤال بسيط عن حضور المقابلة الشخصية

طالما معها i-20 الخاص بالمرافقيين مو ضروري تكون معاها .

الله يعافيك يالطيب ما قصرت

بس عندي سؤال ، أنا راح ابتعث عن طريق الجامعة والجامعة عطوني ضمان مالي لي أنا بس

وزوجتي ودها أنها تدرس وش أفضل حل برأيك ؟

هل أفضل شئ أن أطلع لها فيزة F1 وبعدين لما ناصل لأمريكا أضمها للبعثه

لكن فيه مشكلة مقابلتها بالسفارة ممكن يطلبون منها ضمان مالي ؟ كيف الحل مع هذي المشكلة ؟

العفو اخوي

ما عندي معرفة بامور الابتعاث ,لكن اثبات الضمان المالي لابد منه .

الله يتمم لك ع خير و الف مبروك مقدما ،،

بخصوص الضمان المالي ،، انت لازم تكلم ادارة البعثات بجامعتك انك متزوج و على هالاساس راح يعطوك ضمان مالي و مكتوب فيه انه شامل المرافق و اعطيها نسخه منه
و عادي انت روح سوي اجراءاتك ،، و احجز لها و هي تروح بعدين ماعندك مشككلة،، بس احتياطا خليها تاخذ صورة من جوازك معاها و لو فيزتك طلعت قبلها برضو خليه معاها صورة احتياطا

و بخصوص F1 للمرافق تقدر تطلعها بس حط ببالك انها بتدرس مثل الطالب العادي و لازم حضورها يكون كامل للدوام و ماتقل عن نسبة معينة ،،
لو طلعت F2 تقدر تدرس بمعهد اللغة لساعات معينة فالاسبوع ومايدققو كثير بحضورها و لو جابت درجة اللغة تقدم على الجامعة و لو جاها القبول تطلب تحويل فيزا من f2 لـ f1

حاول تجيب ضمان بنكي وطلع لها f1. جيب لها قبول فل تايم.

يا هلا بك يا أخوي مشكور على ردك

بس بغيت أسالك

أنا بديت افكر أطلع لها f2 و بعدين بأمريكا أحولها إلى f1 تقترح علي اسوي زي كذا ؟

هل التحويل سهل ولا إجراءاته صعب ؟

و الله و انا اخوك شاور زوجتك و فهمها الفرق بين الاثنين ،، و لاتنسى انت طالع ماستر بيكون دوامك يومين - 3 ايام ماظن بتزيد
اما طالب لغة اف1 ماظن بتقل عن 4 ايام الا ما ندر ،، اف2 فيها اريحية شوي من ناحية الدوام ،، و الخيار لكم بالاول و الاخير،،

بخصوص التحويل ما مريت بهالتجربة صراحة لكن خلال قرائتي للمواضيع و المبتعثين اللي اشوفهم هنا عادي كثير حولوها من f2 لـ f1
و البعض طولت معاهم لشهرين او اكثر و البعض لا.

الله يعافيك ما قصرت مشكوور على ردك ،، الله يوفقك يارب ويسهل دربك

وعليكم السلام

الان اللي بيتكفل بدراستك الجامعه وهي مرافقة لك يعني تقدر تستخدم الضمان المالي الخاص بك للتأكيد انها مرافقة لك ما فيه مشكله انها تروح لحالها بس افضل معك لانهم بيتحدثون معكم على انكم زوجين

ووجودك معها افضل في اصدار التأشيرة بسرعه انا رحت انا وزوجتي خلال يومين صدرت التأشيرات وفي اليوم الثالث استلمتها اما عن دراسة زوجتك اسئل الجامعه هل

من الممكن زوجتي تتكفلون بدراستها بما انها مرافقة لي اذا رفضوا جيب قبول لزوجتك لغة وجامعه مشروط وطلع لها تأشيرة f1 وسوي لها طلب موافقة للدراسة على الحساب الخاص

وبعد 4 اشهر من بدء الدراسة في امريكا ان شاء الله يتم الحاقها في البعثة الامور ان شاء الله بسيطة اهم شي توفير القبولات والموافقة على الحساب الخاص من الوزاره وحضور الملتقيات

ايضا قدم استفسارات للجمعه حقتك والله ييسر امرك