عندي استفسار بخصوص استخراج الفيزا

الفيزا تتطلب i20 حق المعهد مالها دخل في القبول الجامعي
لكن فيه شي مهم تحتاجه الشهادة البنكية حاول ان يكون في مبلغ فوق 100 الف ريال علشان تتطلع الفيزا بدري والقبول يجيك بعد بدري
اما القبول المشروط هذا تتطلبه منك الوزارة

يعطيك العافية بندر ماقصرت الي فهمته منك اجيب قبول معهد ويمشي لكن هل اقولهم ابي اكمل جامعه بعد المعهد عادي اذا سئلوني وبخصوص الشهاده البنكيه معي حقت المعهد ٣٠ الف دولار و هل اقول لهم اني موظف واجيب تعريف بالراتب مع اني بقدم استقاله ..


( تمت المشاركة باستخدام تطبيق مبتعث )

ماادري عن الموظف لكن اذا سألك بتكمل بعد المعهد قول له الحقيقه ايه ولا لا
الاهم الشهادة البنكية i20 و نموذج d-160
ومااعتقد ان وظيفتك لها دخل بالفيزا
اهم شي في المقابلة خلك ثقة ومبتسم واذا مشيت من عند اللي يسوي لك المقابلة قول له شكرا
الحاجات هذي مهمه اسأل مجرب

السلام عليكم

اهم شئ خلك على وظيفتك حتى تضمن كل شئ بعد الله

السفارة اجرائتهم بسيطة بإذن الله ولاتخاف

اولاً بخصوص القبول, انا عن نفسي جبت لهم قبول معهد وجامعة من نفس الجامعة, يعني ابدرس عندهم لغة وتخصص
الشئ الثاني, قبل الموعد جهزت اوراقي وبحثت بالنت عن المقابلات وايش يصير خلالها, وهاتك تخويف اعوذ بالله, فلذلك لايهمك شئ واهم شئ الثقة وعدم التردد عند المقابلة, وراح تشوف وش يصير معي بردي هذا

طبعاً عبيت الابلكيشن بالنت بكل التفاصيل الصحيحة والكاملة, حتى المتطلبات الاختيارية عبيتها وماخليت ولاشئ حتى طلبوا رقم الهوية وكتبته

بعد كذا عندك اهم 3 اسئلة حريصين عليها

هل تنتمي لقبيلة او لجماعة معينة ؟ يعني نهاية اسمك بالجواز اسم قبيلة أو عائلة ؟ ولازم تجاوب عليه بكل شفافيه
وش وضعك الحالي؟ (( موظف - طالب - عاطل - الخ... ))
من سيتكفل بمصاريف دراستك ؟ (( انت بنفسك - زوجة - قريب - مؤسسة / شركة )) وركز على كتابة الأسم صحيح للمتكفل بالمصاريف نفس اللي بجوازه
(( أهم شئ اللي بتختاره يكون الشهادة البنكية بإسمه موجه للسفارة الأمريكية ))
وبعض البنوك ماتقدر تكتب انه موجه للسفارة, فلذلك خلهم يكتبون انه موجه لك وعطهم اسمك زي اللي بالجواز بالضبط حتى يكتب بشكل صحيح
وكذلك اعط البنك جواز اللي بيتكفل بمصاريفك عشان يكتبونه بشكل صحيح زي ماراح تعبي بالأبلكيشن

هالسؤالين اهم شئ بعد ماتعبي كل بياناتك الشخصية والعائلية بشكل صحيح

بخصوص الشهادة البنكية, المبلغ اللي كان مسجل بالشهادة هو 15 ألف دولار, بتقولي مستحيل تمشي
ابقولك مشت وصدرت فيزتي وانتهى موضوعي ولله الحمد
وكذا شخص مشت قبلي مثل حالتي, مع اني توقعت يدققون عليها بشكل كبير لكنهم مطنشينها ولانظره حتى !!

ملاحظة مهمة / اذا عندك احد والديك أو اخوانك موظفين وعلى رأس العمل, اطلب منهم كلهم تعريف راتب بالانجليزي موجه للسفارة الأمريكية
ولاتترجم اي تعريف راتب, لأنهم ماراح يعترفو فيه نهائياً


الأن بعد مارتوح السفارة وتخلص اجراءات الدخول
راح تأخذ رقم وتجلس

بعد ماينادون رقمك أول مرهـ, راح تخش على الموظف الأول, وبيطلب منك الملفات المطلوبة

1- القبول الجامعي (( الأصل ))
2- الـ I-20 (( الأصل ))
3- اثبات دفع الـ SEVIS
4- شهادة بنكية (( انجليزي والمبلغ بالدولار ومختم وموقع من البنك ))
5- اي ملفات تدعم حصولك على الفيزا الأمريكية (( مثل تعريف الراتب لأحد اخوانك ))

بعد كذا بيحطها لك بظرف, ويقولك استريح حتى يتم منادة رقمك مره أخرى

بعد ماينادون رقمك للمره الثانية, تروح للموظف (( الثاني )) وتسلمه الظرف اللي عطاه لك الموظف الأول

الان بيشوف أوراقك, وبيسألك اسئلة وانت وحظك وش بتكون أسئلتك

انا سألني هالسؤالين فقط لاغير

1- هل انت فلان؟
انا: نعم أنا

2- من سيتكفل بمصاريفك؟
أنا: رديت عليه بالمتكفل

أجزم لك ماكملت ولا 45 ثانيه واقف عنده

بعد كذا أخذ جوازي وقالي نرسله لك بعد 5 أيام (( مجرد عدد أيام عشوائية لأنها ممكن تصدر في 3 أيام وممكن سنة ))

بعد كذا مشيت للبيت وانتظرت 5 أيام (( عمل )) وماصار اي شئ جديد

راسلتهم على ايميلهم الرسمي وطلبوا I-20 جديد قريب وأقل من 3 شهور عشان يصدرون الفيزا وقلتلهم ماقدر

واتصلوا علي بعدها بيومين وقلت لهم اني مستحيل انفذ طلبهم والجامعة بترفض لأنه نظام المعهد نظام سمسترات, وماراح يقبلون هالشئ

رد علي الموظف انه ممكن تتأخر اصدار الفيزا الى بعد 22 اكتوبر على الأقل لأنه دراستي في 22 يونيو 2015

قلت شوفوا وش يصير معكم وانا متواصل معكم بشكل اسبوعي على الايميل عشان اشوف حالة الفيزا

والاسبوع اللي فات يوم الخميس تم اصدار الفيزا وارسلوها لي على ارامكس

وهذي تجربتي

بالتوفيق

بنسبه لي كان عندي تخوف بالوظيفه مشكور ويعطيك الف الف الف عافيه على ردودك ومساعدتك ماقصرت








مجازفه ردك اثلج صدري لان انا من النوع القلق في الامور هاذي وعز الله ردك واضح بالتفاصيل وشافي على جميع اسئلتي شاكر لك مساعدتك و تعاونك ..


( تمت المشاركة باستخدام تطبيق مبتعث )