موجود في أمريكا .. وإنتهت الفيزه و الجواز هل هناك مشكلة؟

وعليكم السلام والرحمه اخوي
بالنسبة للفيزا ما عند اي مشكله لانه الفيزا غرضها الدخول بس الي امريكا
دامك في امريكا وما راح تطلع اي مكان ماعندك مشكله واهي منتهية
بس اذا حاب ترجع لازم تجدد للدخول زي ما انت عارف

والنسبة للجواز انا اعرف شباب كانو جوازاتهم تنتهي واهم في امريكا ف خاطبو السفارة
وعطوهم جواز لمدة سنة واحدة
طبعا هل كلام من قبل كم سنة
الان ما ادري شنظامهم بس يدبرونك السفارة لان جوازات ناس واجد تنتهي واهي على راس البعثة ف لا تشيل هم شي
بس كلمهم بنفسك وتاكد اخوي عشان ترتاح

جزاك الله خير ايه صحيح موضوع الجوزات فيها تجديد لكن المشكله في الفيز ... لنها بتنتهي وبرجع السعوديه بعد انتهائها ب 4 سنوات واخاف يقروشوني

ماعندك اي مشكله اخوي مع انتهاء الفيزا مادام الاي تونتي I-20 حقك فعال لانط طالب وبس تخلص دراسة او تنزل او اي شي لا سمح الله يلغونها الI-20 ف اهي الاساس

- الجوازات

للسعودية في الولايات المتحدة الأمريكية أربع ممثليات،سفارة وثلاث قنصليات
(واشنطن،نيويورك،هيوستن،لوس أنجلوس)
خاطب القريبة منك واحسب حسابك قبل شهر من نهاية عمر الجوازات يكون جوازك متجدد،نظامهم ترسلهم الجوازات ويختمونها ختم تجديد ويرجعونها لك
(أعتقد المدة تاخذ لها أسبوع بسبب إرسالية البريد)
مارح تفرق المدة طلع لك ولعايلتك بطاقة إقامة وهي سارية بعمر الڤيزا وإقامتك داخل الولايات المتحدة الأمريكية لن تتضرر


- الڤيزا
بعد عملية تجديد الجواز قم بمراجعة الجهات المختصة ومعك كامل مستندات التجديد وأذكر من ضمنها الجوازات i-20،ضمان مالي،خطاب من الجامعة يفيد بأنك لازلت طالب عندها

تذكر دائماً
- عمر الڤيزا غير مرتبط بعمر الجواز "إطلاقاً"
الخلاصة
- إذا كانت رجعتك للسعودية قبل انتهاء الڤيزا فمارح تفرق معك بس طلع بطاقة الإقامة(احتياط) عشان التعاملات الرسمية ولا إذا وقفتك دورية مثلاً


أتمنى لك وللجميع التوفيق والنجاح والسداد في حياتكم الأكاديمية والدينية والعملية والمهنية والإجتماعية

ليس هناك اي مشكلة اهم شي ال اي توني. تقدر تقعد في امريكا ١٠ سنوات اذا ال اي توني ساري الصلاحية