رفض السفارة الامريكيه بـ ٤ اساله . ومتى اقدر اقدم موعد جديد ؟

وعليكم السلام

انا يمني الجنسية مثلك وسأجيبك بصراحة .

اولا , اي شخص يقدم على فيزا للاقامة المؤقة سواء فيزا سياحية او فيزا دراسية هو يعتبر بنظر السفارة مهاجر لن يعود حتى يثبت العكس مهما كانت جنسيته . ومهمة الموظف القنصلي هي تقييم وضعك وامكانية عودتك من عدمها بناء على عدة عوامل لان الموظف القنصلي لايعلم عن نواياك سواء كانت نيتك الدراسة والعودة او الهجرة وعدم العودة . هذه العوامل مثل كونك مقيم خارج بلد جنسيتك ومدى استقرارك في بلد الاقامة الحالي والدخل المالي وافراد العائلة . ومن خلال الاسئلة واضح ان الموظف القنصلي حكم عليك مسبقا بالرفض لكن حاول ان يبحث عن اي سبب للموافقة مثل كون والدتك سعودية وهل ولدت في السعودية وهل سافرت الى دول تحتاج الى فيزا ولم تخالف قوانيين الهجرة . لذلك قرر رفضك حسب مااعتقد .

- بالنسبة للرسوم , السفارة موضحة انها رسوم التقديم على الفيزا وانها لاترد , وفي حال الموافقة على الفيزا هناك رسوم للمواطنيين اليمنيين بمبدأ المعاملة بالمثل حوالي 30 دولار .

- اذا دراستك بعد 20 يوم ما اظن الوقت راح يكفي لانه لازم تحجز موعد اخر وربما هناك اجراءات ادارية .


لاتنقهر الرفض ليس سبب شخصي والموظف القنصلي يؤدي وظيفته , ولو كنت في مكانه ربما عملت نفس الشي .

- سمعت ان موظفي السفارة في الرياض اكثر تساهلا لكن لا استطيع ان اوكد لك ذلك ولاضمان بانهم سيوافقو , اذا ماعندك مانع من دفع الرسوم مرة اخرى حاول هناك .

- بالنسبة للغة بعض الموظفيين يتكلمو عربي وبعضهم عربي مكسر والبعض لايتحدث الا الانجليزية . عندما قدمت لفيزا في الرياض قبل بعض سنوات كان هناك شخص يسأل المنتظريين هل في احد يتكلم انجليزي لكي يوجهمم الى موظفيين يتكلمو انجليزي والبقية للموظفيين المتحدثيين بالعربية . ماادري عن القنصلية في جدة . لكن بامكانك ان تسأل قبل المقابلة .

اخوي وريهم كشف حساب دسم وابشر بالفيزا

الله يعطيك العافيه انا استنجت هلشي بس انت اثبت لي فعلا لانه الرجال ماطالع في اي شي انا اقدر اسوي موعد طارئ ونوشف وبسالك هل عادي لو اغير الاميل واسوي من جديد ولا تعتبر تحايل

للاسف الموظف ياليت وياليت كان امريكي الاصل للاسف عربي وهل تعرف انه طرد واحد سعودي قبلي وشكله يبي السياحه انا شاكك ان الموظف من النوعيه الي تحاول تطلع فيك اي عيب على العموم بالنسبه لي فكلمة يمني هي اخطر شي بالموضوع وابي اسالك لو ادخل معلومات عن رحلتي ومتى رجعتي هل رح تنفع لانه انا اصلا ناوي ارجع بسرعه بسبب انتهاء الاقامه ورح اجددها انا عرضت على والدي كلامك وقلت له نبي شي يربطنا ويلزمنا بالرجعه طبعا من بين الافكار اسوي كل شي عن رحلتي واني رح ارجع قبل لا تنتهي الدراسه بكثير والسبب هو اقامتي هل تتوقع انها رح تجدي
والله يعطيك العافيه ودعواتك لنا بالتوفيق

هههههه تبيني اشطح اقوله صديق شوف كشف الحساب ترا التحويلات بالملايين شوف هههههه المشكله انه تعرف ماتقدر تتفلسف الى بقدر السؤال يعني صعب اروح اطلب منه شي هو مايبيه :/ او اعطيني طريقه

يا اخواني اي احد يقدر ينصحني ياليت يساعدني

انا فكرت بفكره وياليت تشوفون هل هي مجديه او لا

رح اروح للؤسسه الي قبلت انها تدرسني على حسابها طبعا هي مارح تدرسني على حسابها ولكن كلها وهميه عشان القنصليه تصدق احنا بنروح للمؤسسه ورح نسوي تعديل انه هذا الشخص اذا درس وخلص واكمل دراسته رح نكفله ونعطيه راتب وقدره مثلا ١٥ الف ريال شهريا بعد اكماله الداراسه ف ايش رايكم بهل هشي هل له فايده على اساس يقنعهم انه انا راجع علما بأني طالب ولست اعمل ولكن رح يكون في الورقه انه الموسسه رح تكفلني وتشغلني وايش رايكم ياليت الي عنده تعديل او اي شي ينفع يقوله واكون شاكر وممتن

- ما ادري عن طريق حجز االموعد الجديدة لكن ,

- في رأيي وجود خطاب من والدك بانه المتكفل بدراستك وخطاب تعريف بالعمل خاص به وكشف حسابه لاخر 3 اشهر افضل من خطاب من المؤسسة بانه راح تدرسك على حسابها , لان تكفل والدك اكثر اقناعا وفي نفس الوقت يثبت انك مستقر نوعا ما في السعودية لوجود والدك وعائلتك

- النقطة الاخرى , ركز على اهم شيئيين وهما كشف الحساب , الكشف يجب ان يكون فيه مبلغ اكثر من كاف لتغطية جميع المصاريف , والشي الثاني القبول الدراسي , احضر قبول لغة وقبول جامعي مشروط ان امكن لاثبات انك جاد في الدراسة . لاتستعجل في التقديم مرة اخرى وتذكر انهم رفضوك والرفض بحد ذاته نقطة سلبية لذلك خذ وقت واجمع الاشياء التي ذكرتها لك .

ا

للاسف والدي مايحب يحط فلوسه داخل البنك عشان كذا لو اطلع حساب باسم الوالد كله بتلاقي فيه ٢٥ الف وتحت مامنه اي فايده واذا رحت اعبيه فلوس رح يكشفون هل حركه لاني قريت واحد حسابه كان فيه ١٠ الف وراح قبل لا يسوي الموعد ورفعه الى ١٠٠ الف فهشي صعب بالعكس رح يسوي لي ازمه انا صاحبي بعد يومين رايح للرياض واذا الله وفقه بأذن الله رح يتاكد لي انه السبب مو الجنسيه اليمنيه والحروب مغ انه قبل شهر ونص واحد قبلوه واعتقد ان نوعية الاساله من تحدد قبولك او رفضك لو كان سالني وش رح يثبت لنا يمكن كنت اقنعته لكنه للاسف جمع عدة معلومات ومن خلالها استنتج من راسه اني مارح ارجع وزي ماقلت لك بعد هل الاساله اصلا ماطالع في كشف الحساب وهذا الي قهرني
القبول جبت له الاي توني الاصلي وهي لغه في مهد الجامعه واقسم بالله الجامعه مارضت ترسل اي توني الى لما ندفع لها ٢٠٠٠ دولار يعني بالله بكون كذاب مع كل الي رسلته الي خسرناه بس في معاملات ودفع للجامعه مايقارب ١٢ الف ريال وبالاخير يجي انسان يقررر في اقل من ٣ دقايق تخطيط مده ٤ شهور وتعب للاسف باقي معاي ٢٠ يوم بالظبط على بداء الدراسه ومامعي غير هل فرصه بحاول وان شاء رب العالمين انه يعميهم عني ويوفقني توكلت على الله وان رجعت بدور دوله ثانيه واخلص لغه وبكلوروس وبحاول بعد اربع الى خمس سنوات لعل وعساء اوضاع اليمن تكون افضل والله يجزاك الله خير واسعدني ردك واهتمامك والله يسعدك يارب

حياك الله ,,
للأسف لا يرد العرب إلا العــــرب !!

بإمكانك التقديم عدة مرات .. حتى التحويل البنكي أذكر بأنني حول قبل موعد مقابلتي بأيام وَ تم قبول الشهادة البنكية وَ لم يُطلب مني كشف الحساب !
قد يكون السبب لأني " سعودي " لأن التأشيرة مُيسرة للسعوديين أكثر من المقيمين !
حاول التقديم مرة أخرى لعلك تجد من يساعدك هذه المرة بإذنه الكريم .. وَ إذا لم يكن لديك مبلغ مالي حاول تدبيرهـ لأن المبلغ قليل !

أما المؤسسة الوهمية وَ ما إلى ذلك !!
لا أنصحك بها أبدًا .. كُن نظامي في هذه الأمور نصيحه !

في المنتدى تجربة لأخ لنا وَ هو مقيم .. وفر في حسابه مايقارب المليون وَ مع ذلك تم رفض تأشيرته !

بالتوفيق ,,

الله يجزاك خير المؤسسه حقيقه بالفعل واخذت من صاحبها كل شي رسمي وكلمته لو اتصلوا فيك قولهم انك رح تتكفل وكل شي من نحاية المؤسسه تعتبر ميه بالميه صحيحه بس طبعا حنا نستخدمها ك وسيله وانا اصلا متوفره معاي الفلوس ولله الحمد مو ناوي اصلا اقعد في ارضهم لانه شهور قليله وانا راجع بسبب تجديد الاقامه دعواتك لنا بالتوفيق والله يسهل للجميع وشاكر تواجدك واهتمامك