مساعدة بتروح على حسابك؟ حط سؤالك هنا و نجاوبك

احم احم السسسسسسسلآ‘إم عليكم ورحممممة الله وبركـآته


الله لا يهينكم يا جمـآعة الـربع بقول لكم موضوعي و وإن شاء الله فيكم الخير تفيدوني ..


انا الحين طالب ثانوي آخر سنه ، و آبغى آدخل كورس مكثف مدته تقريبا 3 شهور بعد ما آخلص طبعا ابغى معهد جامعه في امريكا معترف فيه من قبل الوزارة ويكون السكن مع عائلة و رخيص قرأت موضوع في المنتدى عن معهد تابع لجامعة غرب فلوريدا ارجوا انكم تفيدوني بالتكلفه هناك ( أكل وملابس و فواتير و مواصلات .. ألخ ) مع العلم ان اإمكانياتي الماديه لا تتعدى الـ 40 ألف ارجو انكم تفيدون بمعهد يكون مفيد و اسعاره معقوله لآهنتمَ ..



^ آنتظر ردودكم :*

اخ محمد اتمنى لك التوفيق خذ نصيحه مني اذا خلصت من الثانوية ادخل معهد واتعلم انقليزي
بالنسبة لولاية فلوردا مقفلة بسبب تكدس السعوديية فيها اذا عندك واسطة قوية في التعليم العالي اطلع ولا يهمك احد
واذا لا ما انصحك تغامر انا اليوم لي 5 شهور صارف فوق 65 الف وما انضميت لليوم اذا ملزم شوف لك دولة ثانية رخيصة والقبول فيها اسهل

قصدك يعني معهد هنا بالسعوديه ؟؟

المقصد من طلعتي كلها مو عشان بعثه ابغى بس اطبق اللغه الانقليزيه صح مو اجي بمعهد هنا مصري يكتب عني الواجبات !! و ما اعتقد فيه معهد بالسعوديه تطلع منه انقليزي توب واذا عندك خبرة اتمنى تفيدنيَ
مع العلم ، نسبتي بالمدرسة و بالقدرات تدخلني برنامج الملك عبدالله و ان شاء الله اذا ما قبلت ب برنامج الملك عبدالله للابتعاث بدخل جامعة الملك فهد للبترول والمعادن بس على حسب ماسمعته أن الدراسه هناك كلها انقلش يعني لازم على الاقل اسولف انقليزي واطبقها يوميا ..


مشكور على ردك آإخوي ..

للمعلومية انا نسبتي 97 في الثانوية تطلعني ابتعاث بالراحة لكن استعجلت وطلعت على حسابي وقلت اقدم من هناك اسهل لكن انصدمت انهم يطلبوني اجتياز اختبار التوفل او الايلتس . امريكا عدد الطلاب السعوديية الي فيها وصل 70 الف طالب يعني محل ماتروح تشوف سعوديين وتختلط بالسعوديين اكثر من الاجانب الملحقية مهملين الطلاب لكثر عددهم وكثر طلباتهم افضل لو تفكر في نيوزيلندا عدد السعوديية فيها اقل واللغه الاساسية فيها الانجليزية وعملتها ارخص

طيب حلوَ .. يعني برأيك القى معهد ممتاز ب نيوزيلندا بنفس كفاءة المعاهد الامريكية مدته 3 شهور ؟

السلام عليكم

شباب لاهنتم الي يقدر يفيدني بشيء

بشرحلكم وضعي وقولولي وش العلم

...........

خريج كلية تقنية قسم محاسبة .. المعدل 2.39 متخرج سنة 1432
شهادة الثانوية .. معدل 89.65 متخرج سنة 1428
مواليد 1408 شهر 12 .. عمري تقريبا 24 سنه


اولا هل يشملني الابتعاث لو طلعت على حسابي واللتحق بعدين + على اي شهادة يشملني

ثانيا انا ابي ادرس تخصص برمجة نظم .. او هندسة حاسب .. على اي شهادة تنصحون اقدم .. واذا كان على شهادة الكلية هل اقدر اغير التخصص من محاسبة الى تخصص اخر

ثانيا ودي اروح لـ اميركا ولاية اوريجن .. وش افضل الجامعات هناك او المعاهد الي تساعدني اطلع على حسابي من 4 الى 8 شهور مع العلم ميزانيتي ما تتجاوز 40 الف
طبعا السكن على واحد من الشباب باميركا بسكن عنده في نفس الولاية

ثالثا // وشهي اجرائات الابتعاث من - الى

و قولولي نصايحكم واقتراحاتكم وارائكم بوضعي

تكفوون محتاج مساعدتكم .. ترى بديت اهوجس وذبحني القولون من التفكير ..

السلام عليكم شباب ابي احد يفيدني ..
انا طالع ادرس بمعهد في امريكا على حسابي بس لسا ماقدمت اوراقي ..
وعندي جواز السفر الاسم مو مثل اللي بشهادتي الثانويه ..
هل يمشي عادي او لازم يكون الاسم مطابق في الشهاده والجواز بالنص ؟؟

السلام عليكم
موضوع شيق وحلو استفدت منه كثير

السوال الاول
ايش رايك ف ولايه الاباما
مدينه برمنغ هام

السوال الثاني
احسن السكن الجامعي
ولا سكن مع عائله


والسوال الثالث ولاخير :$

فى الرياض كم من الوقت انشب لهم :$:$

ويعطيك العااااافيه

السلام عليكم
ياشباب انا قريت اول ثلاث صفحات من الموضوع والي فهمته ان الطالب الدارس على حسابه له شرطين للالتحاق العثه على حساب الوزارة :
الاول انه ينهي فترة اللغه فالمعهد وينضم تلقائيا للبعثه ؟؟
الثاني انه يدرس ترم فالجامعه؟؟
ياليت لو احد يشرح لي اكثر او يصحح معلوماتي اذا كنت غلطان

السلام عليكم

اخواني الافاضل

انا بدرس في المعهد اللي تبع جامعة واشنطن في مدينة سياتل

وهذا المعهد ياخذ 3520 دولار على كل 10 اسابيع

فاانا يااخواني طامع بالالتحاق بالبعثه

فهل استطيع دفع اسبوعيا مثلا او كل شهر

لان اخاف انظم للبعثه والفلوس اللي دفعتها حقت 10 اسابيع تروح

ارجوا افادتي تكفون