مساعدة بتروح على حسابك؟ حط سؤالك هنا و نجاوبك

انا طالبة تم قبولي في جامعة في كندا وعندي كم سؤال وأتمنى أحط يجاوبني (على أسئلتي الكثيرة) بوضوح وخطوة خطوة، لأن قريت كلام كثير في هذا المنتدى وأماكن ثاني وتشتت.

دراستي راح تبدا في جانويري الجاي، يعني بعد شهر بالضبط. أنا بدرس على حسابي الخاص لكن أبغى أنضم للبعثة في أقرب وقت ممكن مع العلم ان "المحرم" مارح يكون معاي في فترة الدراسة، وابغى اعرف متى الوقت الي مفروض يكون هو فيه موجود لو ابي اقدم للبعثة.

اول خطوة اني أقدم على طلب دراسة على حسابي الخاص، صحيح؟

بعد كذا الانضمام للبعثة، قريت كلام يقول إنه أفضل اني اقدم على طلب انضمام للبعثة من الرياض قبل ماسافر، وعلى كذا بعد مابدا دراستي ب 3 شهور يطلع لي. هل هذا الشي ممكن فعلًا يصير؟
وفي كلام يقول انه ممكن لو خلص الشخص لغة ينضم للبعثة على طول. انا مارح ادرس لغة لان اختبرت توفل والجامعة قبلتني. فهل هذا ممكن يسهل اني انضم للبعثة؟

في اي طريقة انضم فيها للبعثة غير اني اخلص الثلاثين ساعة؟لو مافي غير اني انفذ شرط الثلاثين ساعة، هل ممكن "المحرم" مايجي الا لما اخلصها، ومن بعدها اقدم طلب التحاق للملحقية؟

لما قدمت على فيزا الطالب قدمت بقبول معهد، لأن كنت عارفة قبول الجامعة بيتاخر على مايطلع وخفت هذا الشي يعطل الموضوع كله.حاليًا قبولي باسم معهد ولمدة سنة، وراح ادرس في جامعة لمدة اربع سنوات. هل هذا ممكن يسبب مشكلة ؟ لازم اجدد فيزتي قبل ما اسافر ولا اقدر اسوي هذا الشي بعدين؟

فكرت ارسل ايميل للسفارة في الرياض واشرحلهم الوضع بس خفت يكون فيه مشكلة وتتنكسل الفيزا وماتطلع قبل الدراسة.
شكرًا مقدمًا.