مساعدة بتروح على حسابك؟ حط سؤالك هنا و نجاوبك

رشحولي جامعات فالتربيه الخاصه
تعطي قبول مشروط



( تمت المشاركة باستخدام تطبيق مبتعث )

يا أخ. ..waad s... متخرج من جامعة الملك سعود إنت

( تمت المشاركة باستخدام تطبيق مبتعث )

لا جامعة الملك فيصل


( تمت المشاركة باستخدام تطبيق مبتعث )

السلام عليكم ..
اخوي عثمان وش محتاج انت انا شفت كلام الاخ الي يقول رح مكتب يضبط امورك ومبلغ مالي وقدره ليش هالخساره ياخوي يوم تجي تسافر بتخسر قيمة تذكرة وبتطلع لك اشياء صغيره بتحسب منك حول عشر الاف .. اي مبلغ عندك احتفظ فيه لنفسك ينفعك وهذا شوري .. واذا احتجت مساعده او شي راسلني وابشر بعزك
احنا بالهمنتدى عشان نخدم بعض ولوجه الله

دعواتك

( تمت المشاركة باستخدام تطبيق مبتعث )

اخوي انا من مكه وحضرت لقاء الرياض ما يحتاج احد يفيدك احجز تذكره وع الرياض واحضره وارجع بالتوفيق

( تمت المشاركة باستخدام تطبيق مبتعث )

طيب الي جابو قبول باامريكا تخصص تربيه خاصه يفيدنا بااسم الجامعه


( تمت المشاركة باستخدام تطبيق مبتعث )

طال عمرك اول شي تسويه تدخلي موقع وزارة التعليم العالي وتدخلي لقائمة الجامعات المعتمدة وتشوفي تخصصك باي جامعه وراح يكون اكثر من جامعه تدرس هالتخصص شي طبيعي .. بعد كذا وهذا الي انا افضله تبحثي عن نفس الجامعه والمدينة الي فيها الجامعه سلبياتها وايجابيتها وسعر المعهد وسعر السكن وهل المعهد يشمل الكتب وألتأمين وﻻ راح تدفعي زياده على سعر المعهد .. والمعهد لو كان تابع لجامعه يكون افضل .. بعد كذا تكوني حددتي ثﻻث جامعات او الي يناسبك واخذتي فكره عنهم طبعاهنا في المنتدى اكيد بتحصلي معلومات عنهاواذا ما حصلتي ادخلي النادي السعودي تبع نفس المدينة ع الفيس بوك وتقدري تستفسري منهم عن اي شي تبيه وترتبي امورك

واي استفسار انا حاضر
بالتوفيق

( تمت المشاركة باستخدام تطبيق مبتعث )

انا بحثت عن الجامعه والمدينة الي هي سياتل لان اختي هناك وبتجيب لي قبول معهد
بس الباقي قبول الجامعه كيف اراسل الجامعه


( تمت المشاركة باستخدام تطبيق مبتعث )

ياشباب وبنات للتقديم ع الجامعات والمعاهد عن طريق موقعهم ع النت واحيان يكون التقديم سهل وله شروحات في النت واحيان يكون صعب .. انا حاليا اكلمكم وانا بامريكا طبعا ماكملت شهر الى الان لكن نصيحتي لكم ﻻ تقدمو ع معهد او جامعة الا واستفسرتو عنه وعن المدينة وتكاليفه زين ﻻن ارسال الاوراق المطلوبة منكم للجامعات والمعاهد راح يكلفك وطبعا التقديم اون لاين اكيد راح يكون برسوم يعني ممكن تقديم جامعه ومعهد وارسالية اوراق تكلفكم 700 تزيد او تنقص
وثاني شي حطو في بالكم سعر المعهد وسعر التأمين الطبي وسعر السكن والكهرباء والموية والمصروفات الشخصية وتذكرة الطيران وقيمة الاغراض الي بتجهزوها قبل السفر وقيمة الفندق الي بتسكنون فيه قبل تحصلون سكن
واي مدينة او جامعة تعجبكم ابحثو عنها زين وادخلو ع النادي السعودي ع الفيس لنفس المدينة وتواصلو مع الشباي وما راح يقصرو

انا قدمت في الجامعة والمعهد بنفسي مع انه لغتي ضعيفه لكن بمساعدة من الشيخ قوقل واي احد تكون لغته كويسة شوي راح تقدرو تسجلون
وموقع السفاره رحت لمكتب بجدة حجزلي موعد وقدملي ع الفيزا وكل امورها ب 200 ريال فقط ﻻ اكثر مع انه لها شرح بالنت

يعني باختصار كل شي موجود بالنت وشدو حيلكم شوي وﻻ تستعجلون
والانضام بامريكا ترفع طلب الحاق في البعثه بعد اربع شهور
دراسية وركزو ه دراسية يعني اربع شهور بمعنى اصح مستحيل تدرس ثﻻث شهور وتجلس شهر اجازة وتقول بنضم لانهم بيرفضون طلبك ﻻزم تكون اربع شهور دراسيه
وبعد كذا الطلب راح ياخد من يوم الى شهر او شهرين او ثﻻث او اربع او خمس وانت ونصيبك واوراقك كاملة او لا .. بمدينتي في ناس انضمت من ست شهور لان اوراقهم كامله وملفهم بالملحقية مفعل وواحد له تسع شهور ما انضم
واخير هي توفيق من رب العالمين والارزاق بيد الله

بالتوفيق يارب

( تمت المشاركة باستخدام تطبيق مبتعث )

عن طريق النت .. عطينا اسم التخصص بالانقلش وراح ابحثلك عنه وهل لو كانت الجامعة بمدينة غير سياتل عادي ؟
وبشوف لك شرح ايضا للجامعه الي بنحصل فيها التخصص

دعواتك لي

( تمت المشاركة باستخدام تطبيق مبتعث )