مساعدة بتروح على حسابك؟ حط سؤالك هنا و نجاوبك

السلام عليكم
انا عندي تخصص باكلرويوس في ادارة الاعمال من احدى الجامعات السعودية، وحابة اروح امريكا بطلب دراسة على حسابي الخاص أدرس تخصص " محاسبة"؟ لكن ما ادري اذا الوزارة راح توافق على الطلب ولا لا واذا وافقت الوزارة لازم بعد احصل على موافقة الملحقية في بلد الابتعاث بس انا مو تأكدة اذا راح توافق على طلبي او لا؟ وكم ياخذون عشان يوافقوا على الطلب؟ واذا وافقوا بعدين هل الملحقية تعوضني علن المصاريف اللي صرفتها قبل ما تجي الموافقة او تتكفل بس بالمصاريف اللي بعد الموفقة؟ يعني هل لازم اتكفل بتكاليف الدراسة في الجامعة بنفسي ولا الملحقية بتعوضني بعدين؟

اليوم لما جيت بسجل في موقع الوزاره للدراسه ع الحساب الخاص تفاجئت ان الملتقى في شهر 7 انقفل لااكتمال العدد

ومن غبائي اخترت الملتقى اللي في شهر 12 وارفقت بس الوثيقه وكملت التسجيل
طبعا باقي ماقد جبت لا قبولات ولا فيزا

قلت اذا طلعت القبولات بفتح الصفحه واعدل البيانات وارفق باقي الاوراق مع القبولات
بس تفاجئت اني مااقدر اعدل شي ولاارفق الاوراق

هل هذا بياثر ع الموافقه اني اطلع ادرس اخاف م يشوفون الا وثيقتي ويرفضوني
انقهرت ودي ع الاقل اني ارفقت الجواز والهويه

مره تحطمت وشليت هم

علموني الله يوفقكم كيف اتصرف انعميت اليوم وجبت العيد 😢
هل اذا كملت اوراقي ارسل احد للوزاره او اكلمهم او كيف اعدل خبصتي


تكفووون يااهل الخبره

والله يااخت منيره ودي اساعدك

بس ماني متاكد ومابي اقول شيء وماني متاكد

ان شاء الله الاخوان مايقصرون

اول شي هذا من ذكائك و ليس من غبائك ،
شوفي في عندك خيارين و ان شاء الله كلهن يضبطن ،

اول خيار،اذا اكتملت اوراقك قبل انعقاد الملتقى اللي ب شهر ٧ ارسلي احد ل الوزارة و ان شاء الله يخلصونك و اطلبي نقل من ملتقى ١٢ الى ملتقى ٧ و اشرحي لهم و ضعك و يفضل تكون دراستك قبل شهر ١٢ ،اما اذا ما اكتملت اوراقك ارسل احد لهم و خليهم يعدلون موعد الملتقى و بعدين يرسلون لك ايميل اكمال النواقص .

الخيار الثاني ؛ تروحي لهم وقت الملتقى اللي بشهر٧ و راح تلقين ورقه موجودة للي جاينً من الخارج و الظاهر هي نفسها للي دراستهم تبدء قبل الملتقى القادم عبيها و عطيهم و الموظفين اللي هناك متساهلين حيل و اذا شرحتي لهم وضعك ب يمشونك لان هم يبون اسمك يمر ع الكمبيوتر هذا اهم شي .

الخيار الاول افضل و اضمن لك ،

الله يوفقك يااخوي

باذن الله بتبع الحل الاول الله ييسرها

شكرا

السلام عليكم ورحمة الله وبركاته اخوتي احبتي😊🌹 اتمنى لكم التوفيق في الدنيا والآخره،،،،🌇 وان تعودو الى وطنكم حاملين أعلى الشهادات والدرجات والتفوق🎉💼🎓🎓🎓🎓🎓🎈🎊🎉🎁 آخوكم قادم الى ولاية كاليفورنيا- لوس انجلوس قريباً بإذن الله وها أنا ارى السفينه استعدت لرحيل وأمواج الصعاب تحيط بها من كل جانب محمله بالجد والأمل 📚 تستمد طاقتها من الله سبحانه ثم من اصدقاء ذهبو ليحققو النجاح !! 🌆 سوف ادخل في صلب الموضوع سامحوني ان ازعجتكم😁 انا طالب دارس على حسابه الخاص الى ان يأتي الفرج بقي لدي قبول بكالوريوس مشروط هندسه كهربائيه أغلب الجامعات تقدم قبول مشروط ولكن لابد من الدراسه في معهدها ومعاهد الجامعات غاليه الغالب لذلك انا معهدي تجاري واصدرت الفيزا عليه لذلك ابحث عن جامعه توفر قبول مشروط هندسه كهربائيه او ميكانيكيه غير متكدس ومعترف به راسلت جامعات داخل كاليفورنيا والبعض اعتذر وبعضها متكدس ولكن من يعرف جامعه تقدم قبول مشروط بإختبار التوفل او الايلتس هندسه كهربائيه او ميكانيكيه الله يوفقكم ويحقق لكم ماتتمنون🙌🌺 الوقت يداهمني😔 وانا في انتظاركم!! المجال مفتوح للي يعرف جامعه او بيساعدني في القبول..........

انا تخصصي ادارة اعمال
وحابه ادرس هالتخصص ماستر
MBA in Risk Management and Insurance
ابغى تفيدوني بالجامعات اللي تقدم هذا البرنامج كامل ( ادارة الاعمال في ادارة المخاطر والتامين )
ماعندي اي مشكله بعدد الساعات اذا كثيره او لا كثر مايهمني التخصص
كنت حابه اروح لهالجامعة تقدم هذا البرنامج
University of Wisconsin–Madison
بس سمعت انها صعبه مره مره مره
وان قبولها صعب مره
وان نسبة السعوديين في الجامعه قليل مره
وان الطالب اذا جاب معدل اقل من 3.67 ينطرد من البرنامج :|
ليش هالصعوبه طيب اذا صحيح

اتمنى تفيدوني

نفس تخصصك ونفس تفكيرك بالتخصص الماستر ايضا

بس سؤال لمهم هل الوزاره تسمح لنا بدراسة هذا التخصص؟


الله يوفقنا وياك

ينفع اجيب قبول معهد فقط ويصدر لي موافقة بعثه ؟ والجامعه اجيب قبولها بعد ما اسافر

من شروط القبول : يكون عندك قبول جامعي نهائي او مشروط بدراسة اللغه..

يعني لازم القبول الجامعي ..