مساعدة بتروح على حسابك؟ حط سؤالك هنا و نجاوبك

الله يجزاك خير انا رايحه ادرس بكالوريوس والثانوي متخرجه ادبي فهل هالشي بيعيق انضمامي لانه التخصصات الي حاطينهابالموقع كلها للعلمي

البكالوريوس إدارة أعمال حسب علمي أنه مقفل .. لكن مدري اذا بتدرسين ع حسابك هل يوافقون أو لا، ولو وافقوا هل بيضمونك ولا بيرفضون عشان تخصصك.

موفقة ي رب ،،

بالله جاوبوني في احد جرب يفتح الملف ويسجل بدون الفيزا =( ؟ فيزتي يمكن ماتطلع الا بعد مايقفل التسجيل

]حضور الملتقى ضروري ي اخوان سفريتي بدايه السنه اليلاديه وباقي اوراق ماخلصاتها يعني ملتقى الرياض بيجي وانا ماخلصت اقدر اكمل اوراقي واقدم وتجي الموافقه من غير حضور ملتقى الدمام الله يلايخيب لكم تعب تراي على اعصابي

السلام عليكم
صباح الخير ...
انا بطلع ان شالله على حسابي الخاص لاكن حصلت لي مشكله ان شالله ربي يفرجها
مشكلتي بخصوص الموتمر
اخر موتمر كان 18 رمضان وقتها ما وصلني القبول فطلعت للوزاره قبل الملتقى بكم يوم سالتهم انو ماوصل قبولي لسى هل احظر او لا
قالت لا ماتحظرين الا لما يكون عندك قبلو قلت لها بس حددت موعد دراستي في 25 اوقس وقت دراستي مايكون فيه موتمر قالت مو مشكله عادي نعطيك استثنا
بعد الموتمر يمكن بـ 3ايام وصل قبول وراجعت الوزاره مره ثانيه وسالتهم قالت أي مو مشكله نعطيك استثنا بس كملي الاجرائات طلعي فيزه وافتحي ملف
والحمدلله كملت اوراقي على التمام وسددت المعهد حق 3 شهور
ومابقى على سفرتي الا ايام قليله رحت اسوي الاستثنى قالت لا والله مانعطي كيف انتو قلتو نعطيك ومن هالحكي قالت والله وقفناه طيب والحل ؟
قالت ماتنضمين خلال 4 اشهر كيف وليه قالت اجلي موعد الدراسه مايمديني والله ذفعت للمعهد وحق التذاكر يعني بتجيني خساره فادحه
قالت اجر روحي وتعالي بعد 4 شهور في الكرسمس احظري ملتقى وارجعي كملي دراستك بعد اربع شهور ثانيه ممكن نضمك يابنت الناس عدل بدل ماينفع ابد
مدري ايش رايكم وايش الحل

اكتبي خطاب وكلفي احد يروح عنك مبنى وزارة التعليم العالي مو ادارة البعثات .كل يوم الصباح ينزل وزير التعليم العالي في صالة الاستقبال يستقبل اي احد عنده مشكله مع الوزارة يبي يحلها. ما يحتاج موعد بس اللي يبي يقابله يجي الصباح بدري.

بالتوفيق

وعليكم السلام والرحمة
اذا تعرفين أحد يقدر يتواصل مع الدكتور/ هذال.. ما راح يقصر ان شاء الله وراح يحل الموضوع
يكون متواجد في الوكالة بحي الغدير من 11 إلى صلاة الظهر

كيف اسجل للمؤتمر الي في الرياض؟ او متى يتم الرد على الطلب؟ شكرا

السلام عليكم ،،

يا أخوان انا الآن في أمريكا بعد ماحضرت الملتقى وجاتني الموافقه الحمدالله وباقي لها التفعيل إلى الآن مافعلت الموافقه لأن ناقصني خطاب المباشره بالمعهد .. حلو ؟
فيه خطوه يقولون مهمه اسويها بعد الوصول لبلد الدراسه اللي هي " فتح ملف دارس على حسابه الخاص "
هذي كيف اسويها ووين القى ايقونتها في موقع الوزارة ؟
لي اسبوعين ادورها ولا حصلتها + راسلت الملحقيه ولا ردوا ..
ياليت احد يفيدني والله يجزاه خير ويوفقه .

الله يرضى عليكم ، كيف الواحد يسجل في ملتقى الرياض؟؟؟؟ ممكن الرابط؟