مساعدة بتروح على حسابك؟ حط سؤالك هنا و نجاوبك

السلام عليكم
ياشباب حبيت استفسر بدرس لغة ومن ثم الجامعه في امريكا بولاية كاليفورنيا طبعا بمعهد اكاديمي طبعا المعهد الاكاديمي لازم تدفع 3 شهور ومن ثم اذا انتهت تدفع اجباري 3 شهور
بعني اصبحت 6 شهور طيب هل الدولة تعوضني ب 6 شهور كاملة علما بانني سادفع ال 6 شهور كاملة في اول يوم في المعهد ضمن فاتورة كاملة
لانني سمعت طلبة عملوا نفس الحركة وظبطت
ارجوا افادتكم لي بااسرع وقت وشكرا

السلام عليكم ..



لو سمحتوا انا سويت لـ اوراقي تسليم في موقع تسجيل الدارسين على حسابهم الخاص قبل 3 ايام واوراقي كامله ولا جتني الموافقه .. المهم التسجيل في الملتقى يبيله اسم مستخدم وكلمة مرور وباقي على التسجيل فالملتقى 5 ايام ويقفل .. وش الحل رحلتي بعد الملتلقى ب 5 ايام معد فيه وقت ..

يمديني اسجل بدون يوزر نيم وباسورد؟



تكفون ردولي بأسرع وقت التسجيل بيقفل وش الحل 😭

وعليكم السلام
بالنسبة للملتقى اذا كانت اوراقك كاملة وجاك ايميل منهم بان رقم الطلب والمعاملة في الوزارة اذا هم راح يسجلونك في الملتقى تلقائيا لاني رحت للوزارة في الغدير عند مكتب الدارسين على الحساب الخاص قالي اذا نفس الكلام بس اهم شى تكون مقدم طلب دراسة على الحساب الخاص وانا سفرتي بعد ملتقى الرياض بيومين

وشكراا

اخوي مقرن متأكد ؟ الله يطمن قلبك ..
يعني خلاص احجز على الرياض؟ ولا فيه اجراءات ثانيه؟ .. انا رسلت اوراقي وسويت متابعة المعامله جاء لي في الوزاره .. انا من الصبح احاول اسجل بموقع الوزاره بس شكله معلق مب راضي يضبط معي ..

السلام عليكم
بغيت استفسر انا محرمي بيكون زوجي وهو مش سعودي هل لازم يكون معه شي يثبت انه مستقيل من شغله وايش هي الورقه المطلوبه بالضبط

السلام عليكم
اللحين اقدر ارفع أوراقي للوزارة و هي مو كاملة لان لسى باقي لي الفيزا و قبول الجامعة
اقدر اروح الملتقى و أنا ما رفعت أوراقي

السلم عليكم
انا قدمت طلب على الحساب الخاص بأوراق و معلومات كاملة من تاريخ خمسة اغسطس والى الآن حالة الطلب: في الوزارة
بحسب فهمي انو اذا تم ترشيحي حيرسلوا email عشان احضر المؤتمر الي في الرياض

انا ما جاني email هل معناتوا اترفضت؟ خلاص ما أروح المؤتمر ؟ موعد دراساتي في أمريكا ٢٤ اغسطس
شكرا

لو سمحت اخوي هل مواعيد التسجيل في الملتقى للدارسين على حسابهم الخاص انتهت والا لا ؟؟؟؟؟
اتمنى تفيدني الله يوفقك

اخي الكريم..
نصيحتي ادفع حق ثلاث شهور ﻷنك اذا خلصت الثلاث شهور بتكون كملت المدة اللي شارطينها ادارة البعثات للالتحاق ﻷن نظامك سمسترات مو كوارترات. وكمان اللي اعرفه ان المعاهد الاكاديمية تصبر عليك وما تاخذ منك الرسوم الا على نهاية السمستر. يعني وقتها ان شاء الله تكون جاتك البعثه وتعطيهم الضمان المالي.

نصيحتي ادفع فقط لثلاثه شهور. منت خسران شي وبالنسبة انهم يردون فلوسك.. اعرف شباب ردولهم كامل المبالغ المدفوعه واعرف شباب فقط جزء بسيط من المبلغ وفي كل الحالتين تقل مدة بعثتك ﻷنك استرجعت المبالغ المصروفه من بداية دراستك بأمريكا.

أتمنالك التوفيق يا صديقي

السلام عليكم ورحمة الله

احتاج صورة من تقرير اللغة اللي المفترض المعهد يسلمها للطالب كل نهاية شهر
لرفعها للوزارة
لأن بعض التقارير ماتكون مفصله ويرفضونها الوزارة

اللي عنده صوره لأي نسخه يقبلون بها الوزارة والملحقية يرفقها لي

شكراً لكم