مساعدة بتروح على حسابك؟ حط سؤالك هنا و نجاوبك

الملتقى الجاي في الدمام ان شاء الله احضره

اخواني انا الحين طلعت الجواز اوكيييييييييييييييييه !

كيف انسق بين الفيزا وقبول المعهد والملتقى يرحم امكم احد يفهمني كيف ؟

الحين اطلع فيزا ؟

ادور معهد ؟

اجلس في البيت الين يجي وقت فتح الملتقى وابدأ ؟

شرايكم *_*

اولا شي طلع شهادة بنكية انصحك يكون المبلغ 30 الف
ثانيا شهادة الثانوي وتكون مترجمة او مايحتاج الشهادات الجديدة مترجمة عربي وانجليزي
وبعد ذلك تقدم على معهد
وتتنظر i20 من المعهد اذا جاك i20
تحجز في السفارة

وتتنظر موعدك في السفارة وتاخذ معاك الاوراق المطلوبة مثل i20 والشهادة البنكية الخ..

السلام عليكم ، انتا مثل حالتي الموافقة ماتجيك الا بعد الملتقى ب أسبوع او أسبوعين شرط تحضر الملتقى الثلاثة ايام كاملة ، انتا اذا فتحت ملف و كان عندك رقم طلب و كل الأوراق الي ارفقتها صحيحة راح يرسلو لك قبل الملتقى ب أسبوع رسالة تفيد بتذكيرك بموعد و مكان الملتقى و دعوتك للحضور ، و لا تخاف تقدر تسافر بعد الملتقى بيومين وتستنا الموافقة في بلد الدراسة .

شهادة الثانوي يطلبون الأصل ؟؟؟؟؟
اوكيه انا الحين بحط 30 الف ريال في حسابي بنك الراجحي واروح اطلع كشف حساب
طيب لو جاني موافقة من المعهد والملتقى باقي يتأخر وش السواه ؟
والفيزا اللي راح اطلعها هي فيزة طالب f1 واخاف يكون فيها فترة محدده وتنتهي لأنك زي ما انت عارف اقرب ملتقى في الدمام بعد شهر وزيادة

اخوي أنصحك يكون في الحساب ٦٠ الف عشان مايرفضولك التأشيرة # خذها نصحية ولا تغلط و تندم

اخوي الحين وش البيانات المطلوبة ادخلها في موقع الدارسين على حسابهم

وهل اذا جات الموافقة من المعهد يعني خلاص لازم انشي او وش الحل انا محتار كيف انسق مع القبول واخراج الفيزا و "" الملتقى ""

انا قصدي 30 الف دولار يعني 115 الف ريال

ان شاء الله بإذن الله يعطيك العافية ماقصرت وشاكر لك ^_^

البيانات المطلوبة : قبول المعهد ، قبول الجامعة ، الآي توني ، الكشف الطبي ، صورة من الجواز الصفحة الاولى ، صورة من التأشيرة ، شهادة الثانوي ، طبعا م تقدر تفتح فتح ملف الا اذا أوراقك كاملة عشان م يرفضولك الطلب و تسجيل الملتقى هوا نفسه تسجيل فتح ملف ، يعني اذا فتحت ملف و أوراقك كاملة و صحيحة راح يرسلو لك قبل الملتقى ب أسبوع رسالة تفيد بضرورة حضورك للملتقى و موعد و مكان الملتقى . طبعا م ابا احبطك لكن اذا م فتحت ملف من قبل 31 اغسطس م راح تحضر ملتقى الرياض والله يعينك تحضر ملتقى الدمام .