مساعدة بتروح على حسابك؟ حط سؤالك هنا و نجاوبك

معلومة للجميع ..

الي ناقصه أشياء مثل الفيزا أو قبول المعهد الخ .. يحط في الفراغ أصفار .. ويعبي باقي الخانات الي متوفره معاه ..

انا واخوياي 3 سجلنا كلنا مع بعض .. ومعنا واحد ما معه شي وقدم على الملتقى ههههههههههههههههههههههههه

المهم أن بعضنا جته رساله اليوم على البريد الألكتروني .. موعد الحضور يوم الثلاثاء والاربعاء (2) .. يعني بالدفعه الثانيه ، مع العلم أن الملتقى راح يبدا يوم السبت .. وبالرسالة كاتبين لخويي الحضور يوم الثلاثاء والاربعاء مع الدفعه الثانيه ، والمتطلبات طالبين ( بطاقة الأحوال فقط ) بس أحتياط راح يجيب معه الفحص حق المستشفى .. هذا بخصوص العياااااال

اما البنات ما أدري والله لأان من شروطهم ورقة تعهد من ولي الأمر ومرافق الخ الخ بس الي بالرياض يروح مو خسران شي وأكيد بيعطونه حل

بالتوفيق للجميع

الحين ورقه تعهد من ولي الامر مطلوبه للي بتروح مع ابوها بعد ؟

https://safeer.mohe.gov.sa/Sites/Stu...l_Account.aspx

هذي الشروط

يعني الحين اقد احضر الملتقى و انا ما تخرجت ؟؟

يعني المحرم هو نفسه والدي و اخليه برضو يسوي لي موافقه و يكتب اسمه في الورقه تبع العدل ؟

السلام عليكم كيفكم شباب ؟

عندي سؤال وابي جوابه تكفون مابقى شي على الملتقى الي بالرياض في شهر فبراير

الي ابي اعرفه متى وقت الملتقى صباح او مساء والساعه كم ؟

اطبعا انا رفعت طلب للدارسين على حسابهم الخاص واعطوني رقم طلب بس للحين ما جاني القبول ولا الدعوه للملتقى هل عادي احضر من دون دعوه ولا ؟
اشكركم

نعم اخوي احضر وجيب معاك الهويه الوطنيه ضروري .. فيه ناس جاتهم دعوات وبيحضرون على حسب مواعيدهم .. اما انا وانت وغيرنا كثير ما جاتهم دعوات فالافضل نحضر صباح السبت في مكان الملتقى على حسب جدول الوزاره الساعه ٨ الصباح ونشوف وش الوضع معاهم

الله يوفقك

السلام عليكم كيف حالكم شباب .. تكفون الله لا يهينكم ساعدوني

انا الى الان ما سجلت ب الملتقى حق الرياض .. يمديني أسجل اليوم واللي قريته و عرفته من الردود و التعليقات أنو ماعليك الان انك تجيب اثباتك ( بطاقة الأحوال )

ثاني استفسار .. أنا دارس على حسابي الخاص و هل اقدر اطلع بس على قبول المعهد ولا ضروري قبول جامعة ..

لأني ما اقدر اخذ قبول الا بعد ما اعطيهم اختبار التوفل ,, لاني بدرس في أكاديمية بحرية

مو مهم وش تجيب معك .. أهم شي تسجل في الملتقى حتى لو قبله ب ساعه.
أهم شي تجيك رسالة على الأيميل الي راح تحطه في التسجيل رسالة منهم ( رقم الطلب ) موجود فيها ..
ورح لهم يوم السبت الصباح الساعه 8 تكون عندهم .. وجب معك بطاقة الأحوال والاوراق الي معاك ، مع العلم أنهم ما يطلبون منك إلا بطاقة الأحوال عشان تحضر الملتقى بس أحتياط جب أوراقك

بالتوفيق.

السلام عليكم ورحمة الله وبركاته
عندي سؤال ياليت احد يجاوبني
هم ارسلولي اميل اكمال النواقص
ومر عليه اكثر من 25 يوم
كل شئ كامل
بس
ناقصني قبولي الجامعي يبيله اسبوعين <<اخذ وقته
سؤالي هل اقدر ارسل الطلب وينقصه القبول "اجازف"
قبل لا هم يلغوه