شرح لطلب دراسة على الحساب الخاص + تفعيل طلب دراسة على الحساب + طلب للاتحاق بلبعثه

مشكور ويعطيك العافيه

السلام عليكم ورحمة الله وبركاته

كيف حالكم يا مغتربين اسأل الله العلي العظيم ان يوفقني ويفوقكم ويوفق كل مسلم ..

انا عندي سؤالين واتمنى في احد يقدر يجاوبني عليهم لاني تعبت وانا ادق على الملحقيه تخيلو اكثر من 44 مره دقيت على شخص منهم ومايرد ما اقول الا حسبي الله ونعم الوكيل في كل مسؤول ما يؤدي عمله على اكمل وجه ..

مالكم من الطويله فايده , يا طويلين العمر انا طالع على امريكا على اني بكون مرافق لاختي واخوي يطلع على حسابه الخاص علشان ينضم بسرعه لكن للاسف الطلب قوبل بالرفض من الملحقيه فاللحين انا تقدرون تقولون تخيشت على حسابي المهم جيت بقدم على طلب الدراسه على الحساب الخاص لقيت في حاجتين انتكبت فيهم

الاولى : نتيجة الفحص الطبي من مستشفى حكومي ؟ المشكلة انا اللحين بامريكا كيف اجيبه لهم ؟
الثانيه : صورة من القبول الجامعي في جامعة موصى بها في الدرجة والتخصص. المشكلة اني انلحست هل قصدهم اجيب لهم قبول مشروط من اي جامعه ولا شنو ؟

يعلم الله اني بحاله نفسيه الله اعلم فيها لكني متعشم فيكم خير ان شاء الله وابشروا بالدعاء

شكراً لكم وآسف على الإطالة

السلام عليكم,, بالتوفيق للجميع

أبي أطلع على حسابي دكتوراه حاسب. لكن الجامعات ما تعطي قبول دكتوراه إلا معدي الآيلتس أو التوفل المطلوب ولا فيه قبول مشروط.
يعني لازم ادرس أول لغة بعدين أقدم على الجامعات..
سؤالي : هل بأمكاني أطلع بقبول لغه على حسابي وأقدم على البعثه قبل ما اخذ قبول الدكتوراه؟؟
ووش المطلوب عشان الفيزه الأمريكيه؟
اجيب قبول معهد لغه وألا أيش؟؟


شكرا

السلام عليكم
أخواني أنا عندي مشكلة ولا عليكم أمر
أنا رفعت طلب على حسابي الخاص بس ما بعد جت الموافقة .. أنا ألحين في أمريكا
كيف أدخل على طلبي و أعدل فيه و أرفع ملفات زيادة باقي الفحص الطبي و الظمآن المالي ما رفعته
تكفون كيف الطريقة
و مشكورين

وعليكم السلآم .. بخير ياربي لك الحمد
الله يكون بعونك .. هذي عوايدهم مايردون ، مانقول غير حسبنا الله ونعم الوكيل ..
بخصوص الفحص الطبي مآيشترط أنه من مستشفى حكومي تقدر تسويه من مستوصف أهلي ولكن ماعرف كيف راح تقدر تسويه وانت بأمريكا حالياً !
اما بخصوص القبول الجامعي .. انت الان تدرس لغه صح؟ حاول تدور لك جامعه معترف فيها والتخصص معترف فيه وغير متكدسة ( من ناحية الطلاب السعوديين )
القبول الجامعي المشروط مو من أي جامعه لآ .. بعض الجامعات غير معترف فيها من الوزارة .

بالتوفيق لك أخوي ..

مآتقدر تعدله .. مالك الا تنتظر
اذا جتك الموافقة ، تقدر تكمل وترفق باقي الاوراق ومنها تعدل الاشياء اللي مارفقتها ..
واذا جاك الرفض ارجع وارفع الملف مرة ثانية ..

انا رفعت طلبي قبل ١٢ يوم واليوم جتنني الموافقة ويوم دخلت ارفق باقي الاوراق واكتب عنوان سكني ومعلومات الاتصال لاحظت انك تقدر تعدل اي شيء سويته من قبل ..!

مثل ماقلت لك اذا جاك الرفض ،، افتح ملف جديد .. وارفق كل الاوراق المطلوبة ..

موفق

- - - مشاركة محدثة - - -

مآعرف في الدكتوراه وش انظمتهم ولآ كان افدتك .. أن شاء الله يفيدونك الأخوان هنا ..

السلام عليكم ورحمة الله وبركاته صباح الخير
ولد عمي طالع بعد شهر على حسابه الخاص .
عندي بعض الاستفسارات ارجو ان تفيدوني جزاكم الله كل خير .
1 موعد سفره بعد شهر ايش رايكم يسافر ولا يخلص اوراقه وبعدين يمشي
2 في شخص قله لازم تسجل في الملتقى وبعدين تقدر تنضم هل هاذا صحيح واذا كان صحيح كيف طريقة التسجيل .
3 قبول جامعي لازم من احضاره ولا يكفي قبول المعهد .
4 لو طلع ولا حضر الملتقى يقدر ينضم إلى البعثة .
وشكراً. ..........

( تمت المشاركة باستخدام تطبيق مبتعث )

اذا موعد سفره جاء ولا جاه القبول الجامعي خله يسافر ..
ويوم يوصل يحط بباله أن جمييييع اوراقه كامله بأستثناء القبول الجامعي ..
طبعاً بعد مايجيه القبول وهو بأمريكا يفتح الملف ..
وبعدها بـ اسبوعين تقريبا بيجيه القبول اذا كل اوراقه كاملة وتمام ..
انا عن نفسي لاحضرت لا مؤتمر ولا غيره والحمدلله القبول جاني في ١٣ يوم ..
والقبول الجامعي مهممم جداً .. مايقدر يفتح الملف بدونه ..
لآزم يتوفر عنده القبول الجامعي وقبول المعهد ..

وأنصح ولد عمك بهذا الموضوع لأنه افاااادني كثير .. يبدأ معاك من الصفر :
http://www.mbt3th.us/vb/forum178/thr...l#.UzIhL615PvO

جزاك الله كل خير وشكراً على معلوماتك الحلوه ....😙

( تمت المشاركة باستخدام تطبيق مبتعث )

الرقم الجامعي وين احصله وكم يتكون من رقم ؟


( تمت المشاركة باستخدام تطبيق مبتعث )