تقرير لقاء إعداد الدارسين على حسابهم الخاص في الخارج - محدّث

هذا جدولي للناس اللي ماسجلت وحابه تحضر

يابعدي طيب يدخلونا للي باقي ماخلص شى الاوراق بالطريق توها ؟

شباب كل اللي لسه ماخلص يروح يجرب حظه ممكن تزبط معه منتو خسرانين من التجربة

جرب حضك وحاول تجيب اثبات انها بالطريق يعني مراسلاتك مع الجامعة او المعهد

بسم الله الرحمن الرحيم

يا اخوان ترى الدعوه سهالات والامور طيبه والربع فالوزارة متساهلين الى ابعد الحدود الي يقراء تعليماتهم يقول بس مقدر اخلص شي او انهم شديدين

ابشركم الوضع سهالات يتقاضون عن امور واجد مثلا اذا ماعندك قبول جامعه قل لهم انك راسلت الجامعه وراح يرسلونه بعد اسبوع بس عطهم اسم جامعه موافقة عليها وزارة التعليم لانهم اذا عطيتهم الاسم راح يشيكون اذا هي موقوفة او غير موقوفة

اهم شي يالربع الي بيروح يا يكون صامل ولا يرجع الا وهو مخلص شغلة والا لا يروح ينتظر مثل غيره يعني اذا قالك الموظف لازم ومدري ايش لاترجع انشب لهم رح لموظف ثاني الين تحلص شغلتك

على قولة الشاعر :
رجلن تكزه لازم انك توصية
ورجلن بليا ماتوصية كزه
من لا فرش للمرجلة ماتغطية
ومن لا يخز الناس محدن يخزه

الزبدة يبيلها واحد شقردي مايطلع والا وحاجته معة بحب خشوم والا مزارق طيب مع الرجال

اما انا بالنسبة لي دخلت الفندق الساعه ١٠ الصباح ولا طلعت الا الساعه ٧ المغرب

بس ما طلعت الا وانا ماخذ العلم الاكيد من الدكتور هذال والحمد لله رجعت نمت و اول ماصحيت حصلت الموافقة على الاميل

خلاصة الموضوع يالربع تكفون الي يستحي ولا يعرف يسولف لا يروح لهم ينتظر الين يجي دورة
اما الي فيكم يقول انه ذيب يروح واموره انشاء الله انها خالصة سواء اوراقة ناقصة والا غيرة

^ يالشمري ياليت اذا جيت تتكلم عن نفسك تسرد قصتك كاملة مو تقول انه عطوك الموافقة وانت قديم مو اول مره تحضر

محد بياخد المواافقة بيومين لو وش سويت


( تمت المشاركة باستخدام تطبيق مبتعث )

وش سالفه الافاده هذي ؟ من وين نطلعها !!

قال قصته ولا ما قالها انشهد انه شقردي وذيب ولد ذيب بعد

- - - مشاركة محدثة - - -

هذي يا طويل العمر بعد ما تحضر الملتقي باسبوع تدخل ع الرابط اللي ع الايميل تلاقي ع اليسار طباعه افادة الحضور تطبعها وترسلها لهم بس

ياجماعة الخير جربوا حظوظكم اليوم ناس جربوا حظوظهم واشوف الموظف يحولهم لغرفة

انا بداية المؤتمر المغرب الساعه ٧ اليوم الاثنين وقاعد ارسلك وانا توني داخل الفندق ..!