شرح اللقاء الثاني للدارسين على حسابهم الخاص- الرياض -محدّث-

اخوي انا توي دقيت واستفسرت يقول الملتقى اذا على حسابك الخاص لازم تحضر وتاخذ الافاده بس يقول المشكله ان الملتقى اللي بالرياض فاتك ولازم تشوف ملتقى الخبر قلتله متى قالي قريب لاكن ما ادري اي يوم وهنا بالمنتدى على كلام الشباب يقولو 1 محرم المهم كيفيه التسجيل كيف ؟؟!

السلام عليكم يا شباب

أنا اﻵن طالع من الوزارة واستفسرت منهم عن :

1- اﻹفاده... يقول الموظف بنعطيكم خبر أكيد عنها في 10 محرم .
2- بالنسبه للي مقدم على طلب موافقه وما جاه اﻷفضل انه ينتظر ويقدر يروح اذا هوه مستعجل .
3- اللي ما حضر الملتقى يفضل انه يحضر لأن الأفضليه بتكون للي حضر الملتقى ، والملتقى الجاي بيعلنون عنه في محرم .
4-اﻹفاده مالها علاقه في الموافقه للدراسه على الحساب الخاص .
وسلامتكم

ياشبــاب والله ان مخــي ظرب .. لو افـك جمجمة رااسـي راح تشوفون مثـل معاليق الملابس اللي متشبكه ههههههههه ,< اقتلني يالوصف

المهم ياشباب , انا حضـرت الملتقى الاخيـــر اللي بريأأض عن الدارسين على حسابهم الخاص .. ومن حضرت إلي يومكم هذا , وانا ادخل على الرابط اللي نزلوه في شاشه , ولاكان ماعطاني شي بس قبل اسبوع دخلت رقم السجل المدني في الايقونه .؟؟ كتب لي الرقم خاطئ ؟؟
اقسم بالله جاني شعور الطفـل الصغير اللي يشحذ ابوه سيكل ابوثلاث كفرات , وقال له ابوه . اذا خلصت الدراسه بعطيك .. وهو ينتظر واخر شي .. يقوول الخلاا مالك شي ,, وجلست اتاابع المراسلات في هالملتقى الطيب وفهمت ان فيه شربـكه عندهم وان النتائج راح تكون في محـــرم ..؟ بس ابي اتاكد زياااده . هل انتم كلكم جاااااكم زي اللي جااني مكتووب الرقم خاطئ ولا بس انـآ ,,؟


اذا كاان انا بس ,,

ف عندي اهدااء لنفسي ,, ب اغني اغنية راشد الماجد دنيا حظوظ دنيا حظوظ , والله ماحظي معااه ..
واخذ لي كابرس 88 وراح اكد على طريق السااحل لين الله يفرجها

الكل صادفته المشكله


( تمت المشاركة باستخدام تطبيق مبتعث )

الله يعطيـك العافيــه ويجزاك خيــر .

الحمد الله مشروع الكابرس مانفذ

أخوي الشاعر .... أهنيك على روحك المرحه ما شاء الله تبارك الله .... لا تخاف أخوي إحنا كلنا واجهنا نفس المشكله وان شاء الله مثل ما قالوا لي اليوم راح يعطونا الخبر الأكيد في 10-محرم

Sent from my GT-N7100 using مبتعث mobile app

وانا يااخوي سعـد اهنيـك على اخلاقـك العاليـه وعلى جهدك اللي تبذله للجميـع وعسى الله يثمن خطـأك ويجزااك عنا الف خير وحنا نتظر لين يوم 10 محرم وان شاء الله تتيسر الامـور ,

الفففففف مبروووك عودة الموقع اشتغل ويقدر الجميع يطبع الافاده

امانه ادعولي بالخير والله يحقق حلمي

لاني بشرتكم

الف مبررروك

السلام عليكم جميع
أبشركم انه بإمكانكم طباعة الإفادة الان
أن جربت قبل قليل وكان فيه استبانة وبعدها حصلت على الإفادة
وفالكم الالحاق والانضمام للبعثة وفقكم الله

عبدالرحمن


( تمت المشاركة باستخدام تطبيق مبتعث )

ابشر بالبشااره والله يبشرك بالجنه , نزل حساابك ياشيخ وخل ننزل البشاره لك الكل وللي يقدر عليه



الـف ممبروك وانتهـى الانتظاااااار